କିଟ୍ ଓ କିସର ନିଯୁକ୍ତି ପାଇଁ ଲକ୍ଷାଧିକ ପ୍ରାର୍ଥୀଙ୍କ ଆବେଦନ: କାହା ସହ ଆର୍ଥିକ କାରବାର ନ କରିବାକୁ କିଟ୍ କର୍ତ୍ତୃପକ୍ଷଙ୍କ ପ୍ରେସ୍ ବିଜ୍ଞପ୍ତି
କେନ୍ୟୁଜ୍(ବ୍ୟୁରୋ): କିଟ୍ ଓ କିସର ବିଭିନ୍ନ ପଦପଦବୀରେ ନିଯୁକ୍ତି ପାଇଁ ବିଜ୍ଞାପନ ପ୍ରକାଶ ପାଇଛି । ଏଥିପାଇଁ ଲକ୍ଷାଧିକ ପ୍ରାର୍ଥୀ ଆବେଦନ କରିଛନ୍ତି । ନିଯୁକ୍ତି ପାଇଁ ଆବେଦନକାରୀ କିମ୍ବା ସେମାନଙ୍କ ଅଭିଭାବକ କୌଣସି ପ୍ରଲୋଭନର ଶିକାର ହୋଇ କାହା ସହ ଆର୍ଥିକ କାରବାର ନ କରିବାକୁ କିଟ୍ କର୍ତ୍ତୃପକ୍ଷ ଏକ ପ୍ରେସ୍ ବିଜ୍ଞପ୍ତି ମାଧ୍ୟମରେ ଜଣାଇଛନ୍ତି ।
ଗତ ୨୫ ବର୍ଷ ଧରି କିଟର ନିଯୁକ୍ତି ପ୍ରକ୍ରିୟାରେ ସ୍ୱଛତା ଅବଲମ୍ବନ କରାଯାଇ ଆସୁଛି । ପ୍ରାର୍ଥୀଙ୍କ ଉପଯୁକ୍ତ ମେଧା ଓ ଯୋଗ୍ୟତା ଅନୁସାରେ ନିଯୁକ୍ତି ପ୍ରକ୍ରିୟା ହେବ ଏବଂ ଦୁଇ ମାସ ମଧ୍ୟରେ ଫଳାଫଳ ପ୍ରାର୍ଥୀଙ୍କୁ ଚିଠି ମାଧ୍ୟମରେ ଜଣାଇ ଦିଆଯିବ । ପ୍ରଲୋଭନରେ ପଡ଼ି ଠକାମୀର ଶିକାର ହେଲେ କିଟ୍ କର୍ତ୍ତୃପକ୍ଷ ଦାୟୀ ରହିବେ ନାହିଁ ବୋଲି କିଟ୍ ପକ୍ଷରୁ ସ୍ପଷ୍ଟ କରାଯାଇଛି ।
