ପୁରୀ (କେନ୍ୟୁଜ): ପୁରୀ କୃଷ୍ଣଚନ୍ଦ୍ର ପ୍ରତିହାରୀ ହତ୍ୟା ମାମଲାରେ ପୋଲିସର କ୍ରାଇମ ସିନ୍ ରିକ୍ରିଏସନ । ୨ୟ ଦିନରେ ଆଜି ଆଉ ୨ ଅଭିଯୁକ୍ତଙ୍କୁ ନେଇ କ୍ରାଇମସିନ୍ ରିକ୍ରିଏସନ୍ କରିଛି ପୋଲିସ। କଡ଼ା ସୁରକ୍ଷା ମଧ୍ୟରେ ଦୁଇ ଅଭିଯୁକ୍ତ ହରି ପଣ୍ଡା ଓ ବାବା ମହାପାତ୍ରଙ୍କୁ ନେଇ କ୍ରାଇମସିନ୍ ରିକ୍ରିଏସନ୍ କରାଯାଇଛି। ଗତକାଲି ଆଉ ଆଉ ୨ ମୁଖ୍ୟ ଅଭିଯୁକ୍ତ ପ୍ରଫୁଲ ଓ କୁନୁମୁନି ସୁଆରଙ୍କୁ ପୋଲିସ ବାରବାଟୀ ଜାଗା ଘରକୁ ନେଇ କ୍ରାଇମସିନ ରିକ୍ରିଏସନ କରିଥିଲା ।
୧୬ ତାରିଖରେ କୃଷ୍ଣଚନ୍ଦ୍ର ଜାଗା ଘରର କେଉଁଠାରେ ବସିଥିଲେ, କୁନୁମୁନି ଓ ଟୁଟୁ କେଉଁବାଟ ଦେଇ ଆସିଲେ, ଟୁଟୁ କୃଷ୍ଣଚନ୍ଦ୍ରଙ୍କୁ କିଭଳି ଗୁଳି ମାରିଲା ତାର ସିନ ରିକ୍ରିଏଟ କରିଥିଲେ ଦୁଇ ଅଭିଯୁକ୍ତ। ୪ ଅଭିଯୁକ୍ତଙ୍କୁ ୩ ଦିନିଆ ରିମାଣ୍ଡରେ ନେବାକୁ ପୁରୀ ଏସଡିଜେଏମ କୋର୍ଟ ଅନୁମତି ପ୍ରଦାନ କରିଛନ୍ତି। ରିମାଣ୍ଡ ସମୟରେ ଅଭିଯୁକ୍ତଙ୍କ ଠାରୁ ପୋଲିସ ସମସ୍ତ ତଥ୍ୟ ପ୍ରମାଣ ହାସଲ କରି ଚାର୍ଜସିଟ ଦାଖଲ କରିବ । ଏସ୍ପିଙ୍କ ନେତୃତ୍ୱରେ ଏକ ସ୍ପେଶାଲ୍ ଇନଭେଷ୍ଟିଗେସନ୍ ଟିମ୍ ଗଠନ କରାଯାଇଛି।