କରୋନା ମହାମାରୀ ଆସିବା ପରଠାରୁ ପ୍ରତିଦିନ କିଛି ନା କିଛି ଲୋକ ହୃଦଘାତର ଶିକାର ହେଉଛନ୍ତି। ବହୁତ କମ୍ ବୟସରେ କିଛି ଲୋକ ଚାଲିଯାଉଛନ୍ତି । କେଉଁଠି ନାଚୁଥିବା ବେଳେ ତ ଆଉ କେଉଁଠି ବସିଥିବା ବେଳେ, ଆଉ କେଉଁଠି ଚାଲୁଥିବା ବେଳେ। ଏମିତି ଅନେକ ଭିଡିଓ ମଧ୍ୟ ଆପଣ ଦେଖିଛନ୍ତି । ତେବେ ଏମିତି ଏକ ମାମଲା ବିମାନରେ ଦେଖିବାକୁ ମିଳିଛି । ଯେଉଁଠି ଜଣେ ବ୍ୟକ୍ତିଙ୍କୁ ଦୁଇ ଦୁଇଥର ଆଟାକ୍ ଆସିବା ପରେ ଈଶ୍ୱରଙ୍କ ଦୟାରୁ ବଞ୍ଚିଯାଇଛନ୍ତି ।
ନିକଟରେ କିଛି ଦିନ ପୂର୍ବରୁ ଜଣେ ସପିଂ ମଲରେ ଜଣେ ବ୍ୟକ୍ତିଙ୍କ ହୃଦଘାତ ହୋଇଥିଲା, ଆଉ ସେହି ସମୟରେ ମଲରେ ଉପସ୍ଥିତ ଥିବା ଜଣେ ଡାକ୍ତର ତାଙ୍କ ଜୀବନ ରକ୍ଷା କରିଥିଲେ। ଆଉ ଏଥର ମଧ୍ୟବିମାନରେ ଜଣେ ଡାକ୍ତର ଉପସ୍ଥିତ ଥିଲେ ଏବଂ ସେ ସେହି ବ୍ୟକ୍ତିଙ୍କ ଜୀବନ ଦୁଇଥର ରକ୍ଷା କରିଥିଲେ।
ଖବର ମୁତାବକ, ଏହି ଘଟଣା ଏକ ଏୟାର ଇଣ୍ଡିଆ ବିମାନରେ ଘଟିଥିଲା। ବିମାନଟି ବ୍ରିଟେନରୁ ମୁମ୍ବାଇକୁ ଏହି ବିମାନ ଆସୁଥିଲା। ଏହି ବିମାନରେ ହଠାତ୍ ଜଣେ ଯାତ୍ରୀ ଚେତାଶୂନ୍ୟ ହୋଇ ପଡ଼ିଥିଲେ। ସେ ନିଶ୍ୱାସ ନେବାରେ ସକ୍ଷମ ହୋଇନଥିଲେ କିମ୍ବା ତାଙ୍କ ସ୍ପନ୍ଦନ ମଧ୍ୟ ଚାଲୁ ନଥିଲା। ଏହି ବିମାନରେ ଡାକ୍ତର ବିଶ୍ୱରାଜ ଭେମାଲା ମଧ୍ୟ ଯାତ୍ରା କରୁଥିଲେ। ସେ ତୁରନ୍ତ ହୃଦଘାତ ହୋଇଥିବା ଯାତ୍ରୀଙ୍କ ପାଖକୁ ଯାଇଥିଲେ ଏବଂ ଜୀବନ ବଞ୍ଚାଇଥିଲେ ।
Dr Vishwaraj Vemala, one of our consultant hepatologists, saved the life of a passenger who suffered two cardiac arrests mid-flight. With limited supplies, Dr Vemala was able to resuscitate him before handing over to emergency crews on the ground.
📰: https://t.co/VFOAa1VQyU pic.twitter.com/EXEg9Udujj— University Hospitals Birmingham (@uhbtrust) January 3, 2023
ସୂଚନାନୁସାରେ, ଡାକ୍ତର ଜଣକ ବ୍ରିଟେନର ବର୍ମିଂହାମସ୍ଥିତ ରାଣୀ ଏଲିଜାବେଥ ହସ୍ପିଟାଲରେ ଜଣେ ହେପାଟୋଲୋଜିଷ୍ଟ ଭାବେ କାର୍ଯ୍ୟରତ। ଯାତ୍ରୀଙ୍କୁ ହାର୍ଟଆଟାକ ଆସିବା ପରେ ସେ ଯାତ୍ରୀଙ୍କୁ ଚେକ କରିଥିଲେ ଏବଂ ପରେ ବିମାନର କ୍ୟାବିନ କର୍ମଚାରୀଙ୍କୁ ଜରୁରୀକାଳୀନ କିଟ୍ ମାଗିଥିଲେ। ପ୍ରାୟ ଏକ ଘଣ୍ଟା ପରେ ରୋଗୀଙ୍କ ଚେତନା ଫେରି ଡାକ୍ତରଙ୍କ ସହ କଥା ହୋଇଥିଲେ। ହେଲେ ସେ ପୁଣି ଥରେ ହୃଦଘାତରେ ଆକ୍ରାନ୍ତ ହୋଇଥିଲେ।
ରୋଗୀର ଦ୍ୱିତୀୟ ଷ୍ଟ୍ରୋକ୍ ପରେ ଡାକ୍ତର ଜଣକ ପୁଣି ଚିକିତ୍ସା କରି ଜୀବନ ବଞ୍ଚାଇଥିଲେ । ଏପରି ପରିସ୍ଥିତିକୁ ଦେଖି ବିମାନର ପାଇଲଟ ପାକିସ୍ତାନରେ ବିମାନ ଅବତରଣ କରିବାକୁ ଅନୁମତି ମାଗିଥିଲେ, ସେତେବେଳେ କର୍ତ୍ତୃପକ୍ଷ ମନା କରିଦେଇଥିଲେ। ତେବେ ହୃଦଘାତ ଆସିଥିବା ବ୍ୟକ୍ତିଙ୍କର ପୂର୍ବରୁ ଏହି ସମ୍ବନ୍ଧୀୟ କୌଣସି ରୋଗ ନଥିଲା । ତେବେ ଯାହା ହେଉ ଦୁଇ ଦୁଇ ହାର୍ଟଆଟାକ୍ ଆସିଥିଲେ ମଧ୍ୟ ଡାକ୍ତରଙ୍କ ଯୋଗୁଁ ବ୍ୟକ୍ତିଙ୍କ ଜୀବନ ବଞ୍ଚିଯାଇଥିଲା ।