ଆମେ ଜାଣିଛେ ଜଙ୍ଗଲର ରାଜା ବାଘ । ଭାରତରେ ପୃଥିବୀର ବାଘଙ୍କର ସବୁଠାରୁ ଅଧିକ ଜନସଂଖ୍ୟା ରହିଛି। ଦୁନିଆର ପ୍ରାୟ ୭୦% ବାଘ ଜଙ୍ଗଲରେ ବୁଲନ୍ତି ଏବଂ ଏହି ସଂଖ୍ୟା ପାଖାପାଖି ପ୍ରତିବର୍ଷ ବୃଦ୍ଧି ପାଇଥାଏ। ବର୍ତ୍ତମାନ ସମୟରେ ଭିତ୍ତିଭୂମିର ବିକାଶ ନାମରେ ଖୋଲା ଖାଲି ଭାବେ ଜଙ୍ଗଲ ନଷ୍ଟ ହେବାରେ ଲାଗିଛି । ଯାହା ସରକାରଙ୍କୁ ଚିନ୍ତା କରିବା ଆବଶ୍ୟକ।
ତେବେ ଏମିତି ଏକ ଭିଡିଓ ଏବେ ସାମ୍ନାକୁ ଆସିଛି। ଏକ ବ୍ୟସ୍ତବହୁଳ ରାଜପଥ ଅତିକ୍ରମ କରୁଥିବା ଏକ ବାଘର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭାଇରାଲ ଭିଡିଓରେ ବାଘଟି ରାସ୍ତା ପାର୍ କରିବା ପାଇଁ ଅପେକ୍ଷା କରିଛି। ରାସ୍ତାରେ ଟ୍ରକ ଏବଂ ଭାରି ଯାନବାହାନ ଯିବା ଆସିବା କରୁଥିବାରୁ ସେ ଧିରସ୍ଥିର ଭାବେ ରାସ୍ତା କଡରେ ଅପେକ୍ଷା କରିଥିବା ଦେଖିବାକୁ ମିଳୁଛି। ଆଉ ଯେତେବେଳେ ରାସ୍ତା ଟିକେ ଫାଙ୍କା ହେଉଛି, ସୁଯୋଗ ପାଇ ବାଘଟି ରାସ୍ତା ପାର ହୋଇ ଅନ୍ୟ ପାର୍ଶ୍ୱରେ ଥିବା ଜଙ୍ଗଲକୁ ଚାଲିଯାଉଛି। ଏହି ଭିଡିଓଟିକୁ ଭାରତୀୟ ବନ ସେବା ଅଧିକାରୀ ସୁଶାନ୍ତ ନନ୍ଦା ସେୟାର କରିଛନ୍ତି। ଏହି ଭିଡିଓଟି ମହାରାଷ୍ଟ୍ରର ବୋଲି କୁହାଯାଉଛି।
This is how far the
‘development’ has taken our wildlife. pic.twitter.com/9J5eRrb8sd— Susanta Nanda IFS (@susantananda3) February 7, 2023
ଭିଡିଓର କ୍ୟାପସନରେ ଲେଖାହୋଇଛି, ‘ବିକାଶ’ ଆମ ବନ୍ୟଜନ୍ତୁକୁ କେତେ ଦୂରକୁ ନେଇଯାଇଛି। ଏକ ମିଲିୟନରୁ ଅଧିକ ଭ୍ୟୁ ସହିତ, ଭିଡିଓଟି ୧୦,୦୦୦ ରୁ ଅଧିକ ଲାଇକ୍ ଏବଂ ୨,୦୦୦ ରିଟ୍ୱିଟ ପାଇଛି। ଏହି ଭିଡିଓଟିରେ ପ୍ରସିଦ୍ଧ ଟିଭି ଅଭିନେତ୍ରୀ ରୁପାଲି ଗାଙ୍ଗୁଲି ମଧ୍ୟ ନିଜ ମନ୍ତବ୍ୟ ଦେଇଛନ୍ତି। ସେ କହିଥିଲେ, “ଏହା ହୃଦୟ ବିଦାରକ…। ବିକାଶ ଦରକାର କିନ୍ତୁ ବନ୍ୟଜନ୍ତୁଙ୍କ ମୂଲ୍ୟରେ ନୁହେଁ !!! ଅଣ୍ଡରପାସ୍ କିମ୍ବା ଓଭରବ୍ରିଜ୍ କାହାହିଁ ତିଆରି ହୋଇପାରିବ ନାହିଁ ?????”
ଆଉ ଜଣେ ଉପଭୋକ୍ତା କହିଛନ୍ତି ଯେ ଆମେ ସେମାନଙ୍କ ସ୍ଥାନ କବଜା କରିଛୁ ଏବଂ ବର୍ତ୍ତମାନ ସେମାନଙ୍କର ବଞ୍ଚିବା ପାଇଁ ସ୍ଥାନ ନାହିଁ। ଅନ୍ୟ ଜଣେ ଉପଭୋକ୍ତା କହିଛନ୍ତି ଯେ ଜାତୀୟ ରାଜପଥ ପାଇଁ ୨ ଲାଇନ୍, ୪ ଲାଇନ୍, ୬ ଲାଇନ୍ ରାସ୍ତା ପାଇଁ ଜମି ଅଧିଗ୍ରହଣ ଦ୍ବାରା ଉଦ୍ଭିଦ, ଜୀବଜନ୍ତୁ ଏବଂ ଜଙ୍ଗଲକୁ ବଳି ଦେବାକୁ ପଡୁଛି। ଆଇଏଫଏସ ଅଧିକାରୀ ପରଭିନ କାସୱାନ ଭିଡିଓ ଉପରେ ଏକ ଆଶାବାଦୀ ମନ୍ତବ୍ୟ ବାଣ୍ଟିଛନ୍ତି, ସେ କହିଛନ୍ତି, “ଏହା ହେଉଛି ପ୍ରକୃତ ସ୍ଥାନ ଯେଉଁଠାରେ ସେମାନେ ବନ୍ୟଜନ୍ତୁ ପାଇଁ ସଂଯୋଗକାରୀ ସେତୁ ନିର୍ମାଣ କରୁଛନ୍ତି। ତେଣୁ ଏହାକୁ ଏକ ସକାରାତ୍ମକ ବିଷୟ ପାଇଁ ଆଶା କର।”