ଦେଶର ଅନ୍ୟତମ ବରିଷ୍ଠ ଟେଲିକମ କମ୍ପାନୀ ଏୟାରଟେଲ ଅନ୍ୟ ଟେଲିକମ କମ୍ପାନୀ ଗୁଡିକୁ କଡା ଟକ୍କର ଦେବା ପାଇଁ ଏକ ଖାସ ରିଚାର୍ଜ ପ୍ଲାନ ଆରମ୍ଭ କରିଛି । ଏହି ଖାସ ପ୍ଲାନ ଟିର one airtel ରଖାଯାଇଛି । ଏହି ପ୍ୟାକ ଟିରେ ୟୁଜର୍ସଙ୍କୁ ଏକା ସାଥିରେ ପୋଷ୍ଟପେଡ, ବ୍ରାଣ୍ଡପେଡ଼, ଡିଟିଏଚ ସମେତ ଲାଣ୍ଡଲାଇନ ସୁବିଧା ମଧ୍ୟ ମିଳିପାରିବ । ସବୁଠୁ ଜରୁରୀ କଥା ହେଉଛି ଏହା ପୂର୍ବରୁ କୌଣସି ବି ଟେଲିକମ କମ୍ପାନୀ ଏପରି ରିଚାର୍ଜ ପ୍ଲାନ ବଜାରରେ ଲଞ୍ଚ କରି ନଥିଲେ । ତେବେ ଆସନ୍ତୁ ଜାଣିବା ଏହି ବିଶେଷ ପ୍ଲାନ ବିଷୟରେ ।
one Airtel ପ୍ଲାନ:
ଏବେ ପର୍ଯ୍ୟନ୍ତ ଏୟାରଟେଲ ଉପଭୋକ୍ତା ମାନଙ୍କୁ ଏୟାରଟେଲ ଡିଜିଟାଲ ଟିଭି ଓ ବ୍ରଡ଼ବ୍ୟାଣ୍ଡ ପାଇଁ ଭିନ୍ନ ଭିନ୍ନ ରିଚାର୍ଜ କରିବାକୁ ପଡୁଥିଲା । କିନ୍ତୁ ବର୍ତ୍ତମାନ ସମୟରେ ଏୟାରଟେଲର ଏହି ଅଣେ ଏୟାରଟେଲ ପ୍ଲାନ ଜରିଆରେ ଏହି ସବୁ ସୁବିଧା ଏକା ସାଥିରେ ମିଳିପାରିବ । କମ୍ପାନୀ ନିଜ ଏହି ପ୍ଲାନକୁ ନେଇ ଏକ ପୋଷ୍ଟର ମଧ୍ୟ ଜାରି କରିଛି । ଯାହା ଅନୁଯାୟୀ, ୟୁଜର୍ସଙ୍କୁ ଗୋଟିଏ ପ୍ୟାକରେ ଗୋଟିଏ ବିଲ, ଗୋଟିଏ କଲ ସେଣ୍ଟର ସମେତ ଜିରୋ ସ୍ବିଚିଙ୍ଗ ପରି ଖାସ ସେବା ବି ଉପଲବ୍ଧ ହେବ ।
କଣ ରହିଛି ଫାଇଦା:
ଉପଭୋକ୍ତା ମାନଙ୍କୁ ଏହି ପୋଷ୍ଟପେଡ ପ୍ଲାନରେ ଅନଲିମିଟେଡ଼ କଲ ଓ ୮୫ ଜିବି ଡାଟାର ସୁବିଧା ମାତ୍ର ୫୦୦ ଟଙ୍କାରେ ଏୟାରଟେଲ ଡିଜିଟାଲ ଟିଭି ଏଚଡ଼ି ଚ୍ୟାନେଲ ପ୍ୟାକ ଓ ଏୟାରଟେଲ ଏକଷ୍ଟ୍ରିମ ଫାଇବରର ସୁବିଧା ବି ମିଳିପାରିବ । ଏସବୁ ବ୍ୟତୀତ କମ୍ପାନୀ ଗ୍ରାହକ ମାନଙ୍କୁ ଅନଲିମିଟେଡ଼ କଲିଙ୍ଗର ଲ୍ୟାଣ୍ଡଲାଇନ ସେବା ବି ଯୋଗାଇବ ବୋଲି ଜଣାଯାଇଛି ।
କଣ ରହିଛି ଦର :
ମିଡ଼ିଆ ରିପୋର୍ଟ ଅନୁସାରେ, କମ୍ପାନୀ ଏଯାବତ ବଜାରରେ ଦୁଇ ଦୁଇଟି ଏୟାରଟେଲ ପ୍ଲାନ ଲଞ୍ଚ କରିଥିବା ବେଳେ ଏହାର ଦର ଗୁଡିକ ବିଷୟରେ କୌଣସି ସ୍ପଷ୍ଟୀକରଣ ଦେଇନାହିଁ । ଆଶା କରାଯାଉଛିକି, ଏହି ସିରିଜର ସମସ୍ତ ପ୍ଲାନ ଗୁଡିକର ଦର ୧,୦୦୦ ଟଙ୍କା ପାଖାପାଖି ହିଁ ରଖାଯିବ । ଅବଶ୍ୟ ଏଥିରେ ବ୍ରଡ଼ବ୍ୟାଣ୍ଡ ପ୍ଲାନର କୌଣସି ସୁବିଧା ମିଳିବା ନାହିଁ ।