ଇଂଲଣ୍ଡର ୟୁନିଭରସିଟି ଅଫ୍ ରିଡିଙ୍ଗ ଭାରତୀୟ ବିଦ୍ୟାର୍ଥୀଙ୍କ ପାଇଁ ଫେଲିକ୍ସ (Felix) ନାଁ ରେ ସ୍କଲରସିପ୍ ନେଇ ଆସିଛି। ସୂଚନା ମୁତାବକ ଏହି ସ୍କଲାରସିପ୍ ପାଇଁ ପୋଷ୍ଟ ଗ୍ରାଜୁଏଟ୍ ଛାତ୍ର-ଛାତ୍ରୀମାନେ ଆବେଦନ କରିପାରିବେ। ଏହି ସ୍କଲାରସିପ୍ ସେହି ଛାତ୍ର-ଛାତ୍ରୀମାନଙ୍କ ପାଇଁ ଯେଉଁମାନେ ଉଚ୍ଚ ଶିକ୍ଷା କରିବା ପାଇଁ ଆଗ୍ରହୀ କିନ୍ତୁ ସେମାନଙ୍କୁ ଆର୍ଥିକ ସମସ୍ୟାର ସାମ୍ନା କରିବାକୁ ପଡୁଛି। ତେବେ ଜାଣନ୍ତୁ ଏହି ସ୍କଲାରସିପ୍ ପାଇବା ପାଇଁ କିପରି କରିବେ ଆବେଦନ।
କେଉଁମାନେ କରିପାରିବେ ଏହି ସ୍କଲାରସିପ୍ ପାଇଁ ଆବେଦନ:
-ଆବେଦନ କରିଥିବା ଛାତ୍ର-ଛାତ୍ରୀ ଭାରତୀୟ ନାଗରିକ ହୋଇଥିବେ।
-ବିଦ୍ୟାର୍ଥୀ ଏବେ ଭାରତରେ ପାଠ ପଢୁଥିବେ।
-କୌଣସି ଭାରତୀୟ ସଂସ୍ଥାନରୁ ସ୍ନାତକ ପାସ୍ କରିଥିବା ବିଦ୍ୟାର୍ଥୀ ଏହି ସ୍କଲାରସିପ୍ ପାଇଁ ଆବେଦନ କରିପାରିବେ।
-ବିଦ୍ୟାର୍ଥୀଙ୍କ ପାଖରେ କୌଣସି ବିଦେଶୀ ଡିଗ୍ରୀ ନଥିବ। ଏବଂ ବିଦ୍ୟାର୍ଥୀଙ୍କ ପାଖରେ କୌଣସି ବିଶ୍ୱବିଦ୍ୟାଳୟରେ ନିଯୁକ୍ତି ପାଇଁ ଅଫର୍ ରହିଥିବ।
ଜାଣନ୍ତୁ କେଉଁ କେଉଁ ସୁବିଧା ପାଇପାରିବେ:
-ଯେଉଁ ବିଦ୍ୟାର୍ଥୀଙ୍କୁ ଏହି ସ୍କଲାରସିପ୍ ପାଇଁ ଚୟନ କରାଯିବ ତାଙ୍କୁ ଇଣ୍ଟରନ୍ୟାସନାଲ ମାର୍କେଟ ରେଟ୍ ଅନୁଯାୟୀ ଟ୍ୟୁସନ ଫିସ୍ ଦିଆଯିବ।
-ଆବେଦନକାରୀଙ୍କୁ ସମୁଦାୟ ରାଶି ଷ୍ଟାଇପେଣ୍ଡ ରୂପେ ପାଖାପାଖି ୧୪, ୫୭୦ ଗ୍ରେଟ ବ୍ରିଟେନ ପାଉଣ୍ଡ ଅର୍ଥାତ ଭାରତୀୟ ଟଙ୍କାରେ ୧୩ ଲକ୍ଷ ଟଙ୍କା ମିଳିବ।
-ଆବେଦନକାରୀଙ୍କୁ ରହିବା ଏବଂ ଖାଇବା ପାଇଁ ଯେପରି କୌଣସି ପ୍ରକାର ସମସ୍ୟାର ସାମ୍ନା କରିବାକୁ ନପଡେ ସେଥିପାଇଁ ଷ୍ଟାଇପେଣ୍ଡର ବ୍ୟବସ୍ଥା କରାଯାଇଛି।
ସ୍କଲାରସିପ୍ ପାଇଁ ଏପରି କରନ୍ତୁ ଆବେଦନ:
-ଆଡମିସନ୍ ସେପ୍ଟେମ୍ବର ମାସରୁ ଆରମ୍ଭ ହେବ ଏବଂ ଏହି ସ୍କଲାରସିପ୍ ଆବେଦନ କରିବା ପାଇଁ ଆପଣଙ୍କ ପାଖରେ ପୋଷ୍ଟ ଗ୍ରାଜୁଏଟ୍ ଡିଗ୍ରୀ ଥିବା ଆବଶ୍ୟକ।
-ଏହାପରେ ଆପଣଙ୍କର ବିଦେଶରେ ପଢିବା ପାଇଁ ଆଡମିଶନ୍ ଲେଟର ମିଳିବା ପରେ ଆପଣ ଏହି ସ୍କଲାରସିପ୍ ପାଇଁ ଆବେଦନ କରିପାରିବେ।
-ଏଥିପାଇଁ ଆପଣଙ୍କୁ ଅଫିସିଆଲ ପୋର୍ଟଲ ଫର୍ମ ପୂରଣ କରିବାକୁ ପଡିବ।
-ଆବେଦନକାରୀଙ୍କ ପାଇଁ ଆବଦେନ କରିବାର ଶେଷ ତାରିଖ- ୩୦ ଜାନୁଆରୀ ୨୦୨୦।