ଆସନ୍ତା ବର୍ଷ ମାରୁତି କମ୍ପାନୀ ଲଞ୍ଚ କରିବ ଇଲେକ୍ଟ୍ରିକ କାର Futuro-E
ଦେଶର ସବୁଠୁ ବଡ କାର ନିର୍ମାଣକାରୀ କମ୍ପାନୀ ମାରୁତି ସୁଜୁକି ଆସନ୍ତା ବର୍ଷ ଅଟୋ ଏକ୍ସପୋରେ ନିଜ ଇଲେକ୍ଟ୍ରିକ କାରକୁ ଲଞ୍ଚ କରିବାକୁ ଯାଉଛି । ଅନୁମାନ କରାଯାଉଛିକି ଏହି କାର ପୁର୍ବରୁ ୱେଗନର ଓ ହେଚବ୍ୟାକ ସଦୃଶ ହିଁ ହୋଇଥିବ । ସୂଚନା ଅନୁଯାୟୀ କିଛି ଦିନ ପୂର୍ବେ ମାରୁତି କମ୍ପାନୀ Futuro-E ନାମରେ ଏକ ଟ୍ରେଡ଼ମାର୍କ ରେଜିଷ୍ଟର ମଧ୍ୟ କରାଇଛି । ବିଗତ ଏକ ବର୍ଷ ଧରି ରହି କମ୍ପାନୀ ନିଜ ଇଲେକ୍ଟ୍ରିକ କାରର ଟେଷ୍ଟିଙ୍ଗ କରାଉଛି । ଏହି କାରକୁ ୧୫୦ ରୁ ୨୦୦ କିମି ରେଞ୍ଜ ଭିତରେ ଲଞ୍ଚ କରିବା ନେଇ କମ୍ପାନୀ ଲକ୍ଷ ରଖିଛି । ଯାହା ଦ୍ୱାରା ଗୋଟିଏ ସହର ଭିତରେ ସହଜରେ ଯାଆସ କରାଯାଇପାରିବ । ଏଥିରେ କମ୍ପାନୀ ତରଫରୁ ଫାଷ୍ଟ ଚାରଜିଙ୍ଗ ଟେକ୍ନୋଲୋଜି ବ୍ୟବସ୍ଥା ଦେଇପାରେ ।
ପୂର୍ବରୁ ଟାଟା, ମହିନ୍ଦ୍ରା, ହ୍ୟୁଣ୍ଡାଇ ପରି କମ୍ପାନୀ ମାନ ନିଜ ନିଜ ଇଲେକ୍ଟ୍ରିକ କାର ଗୁଡିକ ବଜାରରେ ଲଞ୍ଚ କରି ସାରିଥିବା ବେଳେ ମାରୁତି ହିଁ ଏକ ମାତ୍ର କମ୍ପାନୀ ଯିଏ ଏହି ରାସ୍ତାରେ ନିଜ ପାଦ ଥାପି ନଥିଲା । ମାରୁତି ନିଜର ଏହି କାରର ମୂଲ୍ୟ ୧୦ ଲକ୍ଷ ଟଙ୍କା ଭିତରେ ରଖିପାରେ ବୋଲି ବିଶେଷ ସୂତ୍ରରୁ ଜଣା ପଡିଛି । ଏହି କାରର ଲମ୍ବା ୩୬୫୫ ଏମଏଚ, ଚୌଡା ୧୬୨୦ ଏମଏଚ ଓ ଉଚ୍ଚତା ୨୪୩୫ ଏମଏଚ ରଖାଯିବ । ଏହାବାଦ ରିପୋର୍ଟ ଅନୁଯାୟୀ ଏହି କାରରେ ଟଚ ସ୍କ୍ରିନ ଇନଫୋନ ଟେନ୍ସନ ସିଷ୍ଟମ ବ୍ୟବସ୍ଥା ଦିଆଯିବ । ଏହାକୁ ରେଗୁଲାର 15 ସୋକେଟ ସହ ଡିସି ଫାଷ୍ଟ ଚାର୍ଜରରେ ବି ଚାର୍ଜ କରାଯାଇପାରିବ ।
