ପେନସନ ଫଣ୍ଡ ନିୟାମକ ଏବଂ ବିକାଶ ପ୍ରାଧିକରଣ (PFRDA) ସର୍ବନିମ୍ନ ରିଟର୍ଣ୍ଣ ଗ୍ୟାରେଣ୍ଟିଯୁକ୍ତ ପେନସନ ଯୋଜନା ଆରମ୍ଭ କରିବାକୁ ଯାଉଛି। ଏହାର ଅଧ୍ୟକ୍ଷ ସୁପ୍ରତିମ ବନ୍ଦୋପଧ୍ୟାୟ ଏନେଇ ସୂଚନା ଦେଇଛନ୍ତି। ସେ କହିଛନ୍ତି ଯେ, ପ୍ରାଧିକରଣ ସର୍ବନିମ୍ନ ରିଟର୍ଣ୍ଣ ଗ୍ୟାରେଣ୍ଟି ଦେଉଥିବା ସ୍କିମ ଆରମ୍ଭ କରିବା ପାଇଁ ଯୋଜନା ଚାଲିଛି। ଏହି ସମ୍ବନ୍ଧରେ ପେନସନ ଫଣ୍ଡ ଏବଂ ଏକ୍ସଚ୍ୟୁରିଆଲ ଫାର୍ମା ସହିତ କଥାବାର୍ତ୍ତା ଚାଲୁରହିଛି। ଏହି କଥାବାର୍ତ୍ତା ପରେ ପ୍ରସ୍ତାବିତ ଯୋଜନାର ରୂପରେଖ ପ୍ରସ୍ତୁତ କରାଯିବ।
ସେ କହିଛନ୍ତି ଯେ, ‘PFRDA ଅଧିନିୟମ ଅନୁଯାୟୀ ଆମକୁ ସର୍ବନିମ୍ନ ନିଶ୍ଚିତ ରିଟର୍ନ ସ୍କିମ୍ ଆରମ୍ଭ କରିବାକୁ ଅନୁମତି ଦିଆଯାଇଛି । ପେନ୍ସନ୍ ପାଣ୍ଠି (ପିଏଫ୍) ସ୍କିମ୍ ଅଧୀନରେ ପରିଚାଳିତ ପାଣ୍ଠି ବଜାର ଆଧାରିତ । ବୋଧହୁଏ ସେଥିପାଇଁ ଅର୍ଥ ବ୍ୟବସ୍ଥାରେ ହ୍ରାସ ବୃଦ୍ଧି ଲାଗିରହିଛି ଏବଂ ମୂଲ୍ୟ ବଜାରର ଗତିବିଧି ଉପରେ ଆଧାରିତ । ବନ୍ଦୋପଧ୍ୟାୟ ଆହୁରି କହିଛନ୍ତି ଯେ ଏପରି କିଛି ଲୋକ ଥାଇପାରନ୍ତି ଯେଉଁମାନେ ସର୍ବନିମ୍ନ ସୁନିଶ୍ଚିତ ରିଟର୍ଣ୍ଣ ଚାହୁଁଛନ୍ତି ।
ତେଣୁ ସର୍ବନିମ୍ନ ଗ୍ୟାରେଣ୍ଟିର ଆଦର୍ଶ ସ୍ତର ନିର୍ଣ୍ଣୟ କରିବାକୁ ଆମେ ଆମର ପେନ୍ସନ୍ ପାଣ୍ଠିର ପରିଚାଳକ ଏବଂ କିଛି ଆକ୍ଚୁରିଆଲ୍ ଫାର୍ମ ସହିତ କାର୍ଯ୍ୟ କରୁଛୁ । ଏହା ସତ୍ତ୍ୱେ ସେ କହିଛନ୍ତି ଗ୍ୟାରେଣ୍ଟି ବଜାର ସହିତ ସଂଯୁକ୍ତ ହେବ କାରଣ ଫଣ୍ଡ୍ ମ୍ୟାନେଜରମାନଙ୍କୁ ପୁଞ୍ଜି ବିନିଯୋଗ ଉପରେ ଫେରସ୍ତର ସୁନିଶ୍ଚିତ ଅଂଶ ନିର୍ଣ୍ଣୟ କରିବାକୁ ପଡ଼ିବ । ଚଳିତ ଆର୍ଥିକ ବର୍ଷରେ PFRDA ଏହି ଯୋଜନା ପ୍ରଦାନ କରିବ କି ବୋଲି ପଚରାଯିବାରୁ ସେ କହିଛନ୍ତି, ‘ଆମେ ଚେଷ୍ଟା କରିବୁ । ଏହା ଏକ ଉତ୍ପାଦ ଯାହାକୁ ଆମେ ନିଜେ ପ୍ରସ୍ତୁତ କରୁଛୁ ।
ଏହାଛଡା NPS ଏବଂ APY ଅର୍ଥ ମନ୍ତ୍ରଣାଳୟର ପରାମର୍ଶରେ ପ୍ରସ୍ତୁତ କରାଯାଇଛି କିନ୍ତୁ PFRDA ରାଷ୍ଟ୍ରୀୟ ପେନସନ ପ୍ରଣାଳୀ ଯୋଜନାରେ ଅନେକ ସୁବିଧା ଯୋଡିଛି।