ଯୁବଗୋଷ୍ଠୀଙ୍କ ପାଇଁ ସରକାର ଆଣିଲେ ସ୍କିମ
ଯୁବକମାନଙ୍କୁ ରୋଜଗାର ଦେବ ସରକାରଙ୍କ PMKVY ସ୍କିମ, ମିଳିବ ଅନେକ ସୁବିଧା
ଯୁବକମାନଙ୍କ ପାଇଁ ମୋଦୀ ସରକାରଙ୍କ ଜବରଦସ୍ତ ସ୍କିମ୍। ଏବେ ଦେଶର ଲକ୍ଷ ଲକ୍ଷ ଲୋକ ହେବେ ମାଲାମାଲ୍ । ଆଉ ରୋଜଗାରର ନାହିଁ ଚିନ୍ତା। ସରକାରଙ୍କ ତରଫରୁ ଆସିଛି ଏକ ଏଭଳି ସ୍କିମ , ଯାହା ସାହାଯ୍ୟରେ ଆପଣ ସମସ୍ତେ ଲାଭ ପାଇଁ ପାରିବେ ।
ମୋଦୀ ସରକାରଙ୍କ ମାଧ୍ୟମରେ ଲୋକଙ୍କ କଲ୍ୟାଣ ପାଇଁ ଅନେକ ପ୍ରକାରର ଯୋଜନା ଆରମ୍ଭ ହୋଇଛି । ଏହି ଯୋଜନା ମାଧ୍ୟମରେ ଲୋକଙ୍କ ହିତ ପାଇଁ କାମ କରାଯାଉଛି । ଏଥିମଧ୍ୟରେ ସରକାର ଯୁବକମାନଙ୍କ ପାଇଁ ଅନେକ ଯୋଜନା ମଧ୍ୟ ଆରମ୍ଭ କରିଛନ୍ତି। ଯାହା ମାଧ୍ୟମରେ ଲକ୍ଷ ଲକ୍ଷ ଲୋକଙ୍କୁ ଫାଇଦା ମିଳିବ । ଏଥିରେ ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନା ବା ପିଏମକେଭିୱାଇ ମଧ୍ୟ ରହିଛି । ଏହି ଯୋଜନା ମାଧ୍ୟମରେ ମୋଦୀ ସରକାରଙ୍କ ପକ୍ଷରୁ ଲୋକଙ୍କ ସ୍କିଲ୍ ଡେଭଲପମେଣ୍ଟ ପାଇଁ କାମ କରାଯାଇଛି । ତାଙ୍କ ରୋଜଗାର ପାଇଁ ଯୋଗ୍ୟ ଭାବରେ ପ୍ରସ୍ତୁତ କରାଯାଉଛି । ଏଥିରେ ଦକ୍ଷତା ବିକାଶ ପାଇଁ ଲକ୍ଷ ଲକ୍ଷ ଲୋକ କାମ କରିଛନ୍ତି ଏବଂ ସେମାନଙ୍କୁ ନିଯୁକ୍ତି ଦିଆଯାଇଛି ।
ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନା ୨୦୧୫ ରେ ଆରମ୍ଭ ହୋଇଥଲା । ପିଏମକେଭିୱାଇର ଉଦ୍ଦେଶ୍ୟ ହେଉଛି ଯୁବକମାନଙ୍କୁ ଦକ୍ଷତା ତାଲିମ ପ୍ରଦାନ କରିବା । ନ୍ୟାସନାଲ ସ୍କିଲ୍ ଡେଭଲପମେଣ୍ଟ କର୍ପୋରେସନ୍ ବା ଏନଏସଡିସି ମାଧ୍ୟମରେ କାର୍ଯ୍ୟକାରୀ ହୋଇଥିବା ଏହି ଯୋଜନା ୪୦ ମିଲିୟନରୁ ଅଧିକ ଯୁବକଙ୍କୁ ସେମାନଙ୍କ ଦକ୍ଷତା ସହିତ ଉତ୍ପାଦନରେ ଉନ୍ନତି ଏବଂ ନିଯୁକ୍ତି ସୁଯୋଗ ସୃଷ୍ଟି କରିଛି ।
ପିଏମକେଭିୱାଇ ଭାରତୀୟ ଯୁବକମାନଙ୍କୁ ଶିଳ୍ପ ସମ୍ବନ୍ଧୀୟ ତାଲିମ ନେବାକୁ ସକ୍ଷମ କରେ। ଯାହା ସେମାନଙ୍କୁ ଉନ୍ନତ ଜୀବିକା ନିର୍ବାହ କରିବାରେ ସାହାଯ୍ୟ କରେ । ପିଏମକେଭିୱାଇ ସମଗ୍ର ଭାରତରେ ଲକ୍ଷ ଲକ୍ଷ ଲୋକଙ୍କୁ ବିଶେଷ କରି ଗ୍ରାମାଞ୍ଚଳ ଏବଂ ଅର୍ଦ୍ଧ ସହରାଞ୍ଚଳରେ ଦକ୍ଷତା ତାଲିମ ପ୍ରଦାନ କରିବାରେ ସଫଳ ହୋଇଛି । ଏହି ସ୍କିମ୍ ଦକ୍ଷତା ବ୍ୟବଧାନକୁ ଦୂର କରିବାରେ ଏବଂ ଯୁବକମାନଙ୍କ ନିଯୁକ୍ତିରେ ଉନ୍ନତି ଆଣିବାରେ ମଧ୍ୟ ସାହାଯ୍ୟ କରିଛି । ଏହା ବ୍ୟତୀତ ପିଏମକେଭିୱାଇ ବିଭିନ୍ନ କ୍ଷେତ୍ରରେ ଦକ୍ଷ ଶ୍ରମିକଙ୍କ ବିକାଶରେ ଏକ ପ୍ରମୁଖ ଭୂମିକା ଗ୍ରହଣ କରିଛି, ଯାହା ଅର୍ଥନୀତିର ବିକାଶ ପାଇଁ ଜରୁରୀ ଅଟେ ।
ପିଏମକେଭିୱାଇ ଯୋଜନା ୧୫ ରୁ ୫୯ ବର୍ଷ ବୟସର ସମସ୍ତ ଭାରତୀୟ ନାଗରିକଙ୍କ ପାଇଁ ଖୋଲା ରହିଛି । ପିଏମକେଭିୱାଇ ଉତ୍ପାଦନ, କୃଷି, ନିର୍ମାଣ ସହିତ ବିଭିନ୍ନ କ୍ଷେତ୍ରରେ ବିଭିନ୍ନ ଦକ୍ଷତା ବିକାଶ ପାଠ୍ୟକ୍ରମ ପ୍ରଦାନ କରିଥାଏ । ପିଏମକେଭିୱାଇ ସ୍କିମ୍ ଅନ୍ତର୍ଗତ ପଞ୍ଜୀକରଣ ଅନଲାଇନ୍ ମୋଡ୍ ରେ ଲାଗୁ ହୋଇଥାଏ । ପିଏମକେଭିୱାଇ ଯୋଜନାରେ ନାମ ଲେଖାଇବା ପାଇଁ କୌଣସି ସର୍ବନିମ୍ନ ଶିକ୍ଷାଗତ ଯୋଗ୍ୟତା ଆବଶ୍ୟକ ନାହିଁ । ତଥାପି କେତେକ ତାଲିମ ପ୍ରୋଗ୍ରାମରେ ନିର୍ଦ୍ଦିଷ୍ଟ ଶିକ୍ଷାଗତ ଆବଶ୍ୟକତା ପଡ଼ିଥାଏ ।
