୨୦୧୯ ଡିସେମ୍ବରରେ ସମସ୍ତ ଟେଲିକମ୍ କମ୍ପାନୀମାନେ ନିଜ ଗ୍ରାହକଙ୍କୁ ଝଟକା ଦେଇ ଟାରିଫ୍ ପ୍ଲାନ୍ ମହଙ୍ଗା କରିଦେଇଥିଲେ କିନ୍ତୁ ଏବେ ପୁଣିଥରେ ଗ୍ରାହକଙ୍କୁ ଟଝକା ଦେବେ ଅନେକ ଟେଲିକମ୍ କମ୍ପାନୀ। କରୋନା ସଂକ୍ରମଣ ଓ ଲକଡାଉନ ମାଡ ଭୋଡାଫୋନ୍ ଆଇଡିଆ ଓ ଏୟାରଟେଲ୍ ଉପରେ ମଧ୍ୟ ପଡିଛି । ଏହାର ଭରଣା ପାଇଁ ଏହି କମ୍ପାନୀମାନେ ନିଜ ପ୍ଲାନ୍ ମହଙ୍ଗା କରିପାରନ୍ତି ।
ଗତ ବର୍ଷ ଟାରିଫ୍ ପ୍ଲାନ୍ ୧୦-୪୦ ପ୍ରତିଶତ ମହଙ୍ଗା ହୋଇଥିଲା ଏବଂ ଏବେ ଏୟାରଟେଲ୍ ଓ ଭୋଡାଫୋନ୍ ଆଇଡିଆ ପୁଣି ଟାରିଫ୍ ପ୍ଲାନ୍ ମହଙ୍ଗା କରିବା ପାଇଁ ପ୍ରସ୍ତୁତ ହେଉଛି । ଏକ ରିପୋର୍ଟରେ କୁହାଯାଇଛି କି ସେପ୍ଟେମ୍ବର- ଅକ୍ଟୋବରରେ ଏୟାରଟେଲ୍ ଓ ଭୋଡାଫୋନ୍ ଆଇଡିଆ ଟାରିଫ୍ ପ୍ଲାନରେ ୨-୫ ପ୍ରତିଶତ ପର୍ଯ୍ୟନ୍ତ ମହଙ୍ଗା ହୋଇପାରେ ଯଦିଓ ପ୍ରତ୍ୟେକ ୬ ମାସରେ ୧୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଛି । ତେବେ ଟେଲିକମ୍ କମ୍ପାନୀମାନେ ଏହି ମାମଲାରେ ଏପର୍ଯ୍ୟନ୍ତ କୌଣସି ଅଫିସିଆଲ୍ ଷ୍ଟେଟମେଣ୍ଟ ଦେଇନାହାନ୍ତି।