କରୋନା ସହ ଲଢ଼େଇ: ଭାରତୀୟ ଯବାନ ତିଆରି କଲେ ହ୍ୟାଣ୍ଡ ଫ୍ରି ସାନିଟାଇଜିଙ୍ଗ ମେସିନ, ବିନା ସ୍ପର୍ଶରେ ହାତ ଧୋଇବା ହେଲା ସହଜ
କରୋନା ଭାଇରସର ଗମ୍ଭୀର ପରିସ୍ଥିତି ଭିତରେ ଭାରତୀୟ ସେନାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରଲ ହେଉଛି । ଏଥିରେ ଏକ ମେସିନ ବିଷୟରେ କୁହାଯାଉଛି, ଯାହାକି ହାତର ସ୍ପର୍ଶ ବିନା ପାଣି ଏବଂ ସାନିଟାଇଜର ଉପଲବ୍ଧ କରାଉଛି । ଏହାକୁ ଗୋଡ଼ରେ ଅପରେଟ କରାଯାଇଥାଏ । ଏହା ସାହାଯ୍ୟରେ ବ୍ୟକ୍ତି ନିଜ ହାତକୁ ଧୋଇପାରିଥାଏ । ଏଥିପାଇଁ ନଳ ଏବଂ ସାନିଟାଇଜର ବୋତଲକୁ ଛୁଇଁବାକୁ ପଡି ନ ଥାଏ।
Innovation, thy name is Indian Forces!!
Supercool hand sanitising mechanism!!
Great job!! #IndiaFightsCorona pic.twitter.com/t2EghPgpY5— Gautam Gambhir (@GautamGambhir) March 24, 2020
ଭିଡିଓକୁ ସାଂସଦ ଗୌତମ ଗମ୍ଭୀର ସେୟାର କରିଛନ୍ତି । ଭିଡିଓ ସହ ସେ କ୍ୟାପସନ ଲେଖିଛନ୍ତି ଯେ ଇନୋଭେସନ ଭାରତୀୟ ସେନାର ନାଁ । ସୁପରକୁଲ ହ୍ୟାଣ୍ଡ ସାନିଟାଇଜିଙ୍ଗ ମେସିନ । ଶାନଦାର କାମ । ଏହି ଭିଡିଓକୁ ସାଢେ 6 ହଜାରରୁ ଅଧିକ ଲାଇକ ଏବଂ 31 ହଜାରରୁ ଅଧିକ ଭ୍ୟୁ ମିଳିସାରିଲାଣି । ଏହାକୁ 1 ହଜାରରୁ ଅଧିକ ରିଟୁଇଟ ମଧ୍ୟ କରାଯାଇଛି ।
