ଶ୍ରୀରାମଙ୍କ ଭବ୍ୟ ମନ୍ଦିର ପ୍ରତିଷ୍ଠା ଉତ୍ସବ ପାଇଁ କାଠରେ ପ୍ରସ୍ତୁତ ହୋଇଛି ହନୁମାନ ଚାଳିଶା
ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ବ୍ଳକ କଞ୍ଚୁରୁ ପଞ୍ଚାୟତ କଣ୍ଟେଇକୋଳି ଗାଁର ଅରୁଣ ସାହୁ ଅଦରକାରୀ କାଠ ରେ ହନୁମାନ ଚାଳିଶା ବହି,ଶ୍ରୀରାମଙ୍କ ଫୋଟୋ ପ୍ରସ୍ତୁତ କରିଛନ୍ତି ।
କାଠରେ ତିଆରି ହୋଇଛି ହନୁମାନ ଚାଳିଶା । ଦେଖିବାକୁ ଖୁବ ସୁନ୍ଦର । ଦେଖିଲେ ଆଖି ଲାଖି ରହି ଯାଉଛି । ତେବେ ଆସନ୍ତା ୨୨ ତାରିଖରେ ଅଯୋଧ୍ୟା ରେ ପ୍ରଭୁ ଶ୍ରୀରାମଙ୍କ ଭବ୍ୟ ମନ୍ଦିର ପ୍ରତିଷ୍ଠା ହେବ । ଏଥି ପାଇଁ ସବୁଠାରେ ଉତ୍ସାହ ପରିଲକ୍ଷିତ ହୋଇଛି । ଦେଶର କୋଣ ଅନୁକୋଣରୁ ଶ୍ରୀରାମଙ୍କ ପାଇଁ ଭିନ୍ନ ଭିନ୍ନ ଜିନିଷ ପଠା ଯାଉଛି । କିଏ ମିଠା ପ୍ରସ୍ତୁତ କରି ଦେଉଛି ତ କିଏ ହୀରା, ସୁନାରେ ପ୍ରସ୍ତୁତ ଜିନିଷ ଦେଉଛନ୍ତି । ଏହାକୁ ଦୃଷ୍ଟିରେ ରଖି ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ବ୍ଳକ କଞ୍ଚୁରୁ ପଞ୍ଚାୟତ କଣ୍ଟେଇକୋଳି ଗାଁର ଅରୁଣ ସାହୁ ଅଦରକାରୀ କାଠ ରେ ହନୁମାନ ଚାଳିଶା ବହି,ଶ୍ରୀରାମଙ୍କ ଫୋଟୋ ପ୍ରସ୍ତୁତ କରିଛନ୍ତି । ସର୍ବ ସାଧାରଣ ସ୍ଥାନରେ ଲୋକେ ପଢ଼ିଲା ଭଳି ଏକ ହନୁମାନ ଚାଳିଶା ପ୍ରସ୍ତୁତ କରିଛନ୍ତି । ଦିନ ରାତି ପରିଶ୍ରମ କରି ଏହାକୁ ପ୍ରସ୍ତୁତ କରିଛନ୍ତି । ଏଥିରେ କିଛି ମହିଳା ଓ ଅନ୍ୟ ସହଯୋଗୀ ମଧ୍ୟ ତାଙ୍କୁ ସହଯୋଗ କରିଛନ୍ତି । ପ୍ରଭୁଙ୍କ ଏହି ଉତ୍ସବକୁ ନଯାଇ ପାରିଲେ ମଧ୍ୟ ଏହି କଳାକୃତି କିଭଳି ମନ୍ଦିରରେ ପହଞ୍ଚିବ ସେଥିପାଇଁ ସେ ଚେଷ୍ଟା ଜାରି ରଖିଛନ୍ତି ।