ବିନା ହାତରେ ଜବରଦସ୍ତ ବ୍ୟାଟିଂ, ଦିବ୍ୟାଙ୍ଗଙ୍କ କ୍ରିକେଟ ଖେଳ ଦେଖି ସମସ୍ତେ ତାଜୁବ୍
ଜମ୍ମୁ-କାଶ୍ମୀରର ବିଜ ବେହେରାର ଓ୍ଵାଗାମା ଗାଁର ୩୪ବର୍ଷୀୟ ଭିନ୍ନକ୍ଷମ କ୍ରିକେଟର ଆମୀର ହୁସେନ । ଆପଣ ଦେଖୁଥବା ଏହି ବ୍ୟକ୍ତି ଜଣକ ଏମିତି ସେମିତି ବ୍ୟକ୍ତି ନୁହଁନ୍ତି । ଜମ୍ମୁ-କାଶ୍ମୀରର ପାରା କ୍ରିକେଟ ଦଳର ଅଧିନାୟକ ଅଛନ୍ତି । ୨୦୧୩ରୁ ଜଣେ ଶିକ୍ଷକ ତାଙ୍କ କ୍ରିକେଟ ପ୍ରତିଭା ଆବିଷ୍କାର କରି ତାଙ୍କୁ ପାରା କ୍ରିକେଟ ସହିତ ପରିଚିତ କରାଇବା ପରେ ଆମୀର ବୃତ୍ତିଗତ ଭାବରେ କ୍ରିକେଟ ଖେଳୁଥିଲେ। ସେ ଗୋଡ ବ୍ୟବହାର କରି ବୋଲିଂ କରନ୍ତି ଏବଂ କାନ୍ଧ ଏବଂ ବେକ ମଧ୍ୟରେ ବ୍ୟାଟ ଧରି ଖେଳନ୍ତି।
କୁହାଯାଏ ମନୋବଳ ଦୃଢ଼ ରଖିଲେ ମଣିଷ ଯାହା ଚାହିଁଥାଏ ତାହା କରିପାରିଥାଏ । ତେଣିକି କାର୍ଯ୍ୟଟି ଯେତେ କଠିନ ହେଉନା କାହିଁକି । ସଫଳତାର ଶୀର୍ଷରେ ପହଞ୍ଚିପାରିଥାଏ । ଆମେ ଆପଣମାନଙ୍କ ସାମ୍ନାରେ ଆଜି ଏପରି ଏକ ଦୃଶ୍ୟ ଉପସ୍ଥାପନା କରୁଛୁ ଯାହାକୁ ଦେଖିବା ପରେ ଆଖିରେ ଲୁହ ଆସିଯିବ । ଆପଣ ବି କହିବେ ସତରେ ଏହି ଭିନ୍ନକ୍ଷମ କ୍ରିକେଟର ଜଣକ ଧନ୍ୟ ।
ତେବେ ଜମ୍ମୁ-କାଶ୍ମୀରର ବିଜ ବେହେରାର ଓ୍ଵାଗାମା ଗାଁର ୩୪ବର୍ଷୀୟ ଭିନ୍ନକ୍ଷମ କ୍ରିକେଟର ଆମୀର ହୁସେନ । ଆପଣ ଦେଖୁଥବା ଏହି ବ୍ୟକ୍ତି ଜଣକ ଏମିତି ସେମିତି ବ୍ୟକ୍ତି ନୁହଁନ୍ତି । ଜମ୍ମୁ-କାଶ୍ମୀରର ପାରା କ୍ରିକେଟ ଦଳର ଅଧିନାୟକ ଅଛନ୍ତି । ୨୦୧୩ରୁ ଜଣେ ଶିକ୍ଷକ ତାଙ୍କ କ୍ରିକେଟ ପ୍ରତିଭା ଆବିଷ୍କାର କରି ତାଙ୍କୁ ପାରା କ୍ରିକେଟ ସହିତ ପରିଚିତ କରାଇବା ପରେ ଆମୀର ବୃତ୍ତିଗତ ଭାବରେ କ୍ରିକେଟ ଖେଳୁଥିଲେ। ସେ ଗୋଡ ବ୍ୟବହାର କରି ବୋଲିଂ କରନ୍ତି ଏବଂ କାନ୍ଧ ଏବଂ ବେକ ମଧ୍ୟରେ ବ୍ୟାଟ ଧରି ଖେଳନ୍ତି ।
ଆମିର କହିଛନ୍ତି ଯେ ସେ ବଲକୁ ମାରିବା ପାଇଁ ନିଜ ବେକ ଏବଂ କାନ୍ଧ ମଧ୍ୟରେ ବ୍ୟାଟ ଧରି ଅଭ୍ୟାସ କରିଥିଲେ। ତାଙ୍କ ଡାହାଣ ପାଦର ଦୁଇ ଆଙ୍ଗୁଠି ବ୍ୟବହାର କରି ଭିତର ଓ ବାହାରକୁ ସୁଇଙ୍ଗ ଶିଖିଲେ । ଆମୀରଙ୍କୁ ଯେତେବେଳେ ୮ ବର୍ଷ ହୋଇଥିଲା, ସେ ଏକ ଦୁର୍ଘଟଣାରେ ଦୁଇ ହାତ ହରାଇଲେ । ତଥାପି ତାଙ୍କର ସାହସ ଭାଙ୍ଗିଲା ନାହିଁ । ଆଜି ବି ସେ ନିଜର ଅନନ୍ୟ ଶୈଳୀରେ କ୍ରିକେଟ୍ ଖେଳନ୍ତି ଏବଂ ପ୍ରତ୍ୟେକ ଯୁବକଙ୍କ ପାଇଁ ପ୍ରେରଣା ହୋଇପାରିଛନ୍ତି । ୩୪ ବର୍ଷୀୟ ଆମୀର ୨୦୧୩ ଠାରୁ ପେସାଦାର କ୍ରିକେଟ୍ ଖେଳୁଛନ୍ତି। ତାଙ୍କର ଏହି ପ୍ରତିଭାକୁ ଜଣେ ଶିକ୍ଷକ ସ୍ୱୀକୃତି ଦେଇଥିଲେ ଏବଂ ତାଙ୍କୁ ପାରା କ୍ରିକେଟ୍ ସହିତ ପରିଚିତ କରାଇଥିଲେ ।
କାନ୍ଧ ଏବଂ ବେକ ମଧ୍ୟରେ ବ୍ୟାଟ୍ ଧରି ଆମୀର ବ୍ୟାଟ୍ସମ୍ୟାନ ଏବଂ ପାଦରେ ମଧ୍ୟ ବୋଲିଂ କରନ୍ତି । ଆମୀର ଏକ ନ୍ୟୁଜ୍ ଏଜେନ୍ସିକୁ କହିଛନ୍ତି ଯେ ଦୁର୍ଘଟଣା ପରେ ସେ ଆଶା ହରାଇ ନାହାଁନ୍ତି ଏବଂ ପରିଶ୍ରମ କରିଛନ୍ତି। ସେ କାହା ଉପରେ ନିର୍ଭର କରନ୍ତି ନାହିଁ ଏବଂ ସମସ୍ତ କାର୍ଯ୍ୟ ନିଜେ କରନ୍ତି । ସରକାର ମଧ୍ୟ ତାଙ୍କୁ ସାହାଯ୍ୟ କରିନଥିଲେ କିନ୍ତୁ ତାଙ୍କ ପରିବାର ସବୁବେଳେ ତାଙ୍କ ପାଖରେ ଛିଡା ହୋଇଥିଲେ। ତାଙ୍କୁ ବିନା ହାତରେ କ୍ରିକେଟ୍ ଖେଳୁଥିବା ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି । ଆମୀର କହିଛନ୍ତି ଯେ ସେ ୨୦୧୩ ରେ ଦିଲ୍ଲୀରେ ଜାତୀୟ କ୍ରିକେଟ୍ ଖେଳିଥିଲେ ଏବଂ ତା’ପରେ ୨୦୧୮ ରେ ବାଂଲାଦେଶ ବିପକ୍ଷରେ ଏକ ଆନ୍ତର୍ଜାତୀୟ ମ୍ୟାଚ୍ ଖେଳିଥିଲେ। ଏହା ପରେ ସେ ନେପାଳ, ଶାରଜା ଏବଂ ଦୁବାଇରେ ମଧ୍ୟ କ୍ରିକେଟ୍ ଖେଳିଥିଲେ। ଆମୀର ଆହୁରି ମଧ୍ୟ କହିଛନ୍ତି ଯେ ମୋର କଠିନ ପରିଶ୍ରମ ସଫଳ ହୋଇଥିବାରୁ ଭଗବାନଙ୍କୁ ଧନ୍ୟବାଦ ଦେଉଛି । ମୁଁ ଯେଉଁଠି ଖେଳିବାକୁ ଯାଏ, ମୋତେ ପ୍ରଶଂସା କରାଯାଏ ।
