୩୭ ବର୍ଷରେ ପାଦ ଦେଲେ ଅଙ୍କିତା ଲୋଖଣ୍ଡେ, ବିବାହ ପରେ ସ୍ୱାମୀ ଭିକ୍କିଙ୍କ ସହ କଲେ ଜବରଦସ୍ତ ସେଲିବ୍ରେସନ୍; ଦେଖନ୍ତୁ ଫଟୋ
୩୭ ବର୍ଷରେ ପାଦ ଦେଲେ ପବିତ୍ର ରିସ୍ତା ଫେମ୍ ଅଙ୍କିତା ଲୋଖଣ୍ଡେ। ନବ ବିବାହିତା ଅଭିନେତ୍ରୀ ଅଙ୍କିତା ଲୋଖଣ୍ଡେ ବାହାଘର ପରେ ପ୍ରଥମ ଜନ୍ମଦିନ ବେଶ୍ ଖାସ୍ ଅନ୍ଦାଜରେ ସେଲିବ୍ରେଟ୍ କରିଛନ୍ତି। ଅଙ୍କିତାଙ୍କ ଜନ୍ମଦିନ ପାଇଁ ସ୍ୱାମୀ ଭିକ୍କି ଜୈନ୍ ବିଳମ୍ବିତ ରାତିରେ ସରପ୍ରାଇଜ୍ ପ୍ଲାନ୍ କରିଥିଲେ।
ଭିକ୍କି ଜୈନ୍ ଅଙ୍କିତା ଲୋଖଣ୍ଡେଙ୍କ ପରିବାର ଓ ସାଙ୍ଗସାଥୀଙ୍କୁ ନିମନ୍ତ୍ରଣ କରିଥିଲେ। ବିଳମ୍ବିତ ରାତିରେ ସମସ୍ତେ ମିଶି ଖୁବ୍ ମସ୍ତି କରିଥିଲେ। ଅଙ୍କିତାଙ୍କ ଜନ୍ମଦିନ ପାଇଁ ଭିକ୍କି ବେଶ୍ ସୁନ୍ଦର ଡେକୋରେସନ୍ କରିବା ସହ ଟେଷ୍ଟି କେକ୍ର ବି ଆୟୋଜନ କରିଥିଲେ। ଜନ୍ମଦିନ ପାର୍ଟିର କେତେକ ଇନ୍ସାଇଡ୍ ଭିଡିଓ ଅଙ୍କିତା ଲୋଖଣ୍ଡେ ଇନ୍ଷ୍ଟାଗ୍ରାମ୍ରେ ଫ୍ୟାନ୍ଙ୍କ ସହ ସେୟାର କରିଛନ୍ତି।
ଦେଖନ୍ତୁ ପାର୍ଟିର ଭିଡିଓ:
View this post on Instagram
ପ୍ରକାଶ ଯେ ଅଙ୍କିତା ଲୋଖଣ୍ଡେ ଓ ଭିକ୍କି ଜୈନ ୧୪ ଡିସେମ୍ବରରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ବିବାହର ପ୍ରତିଟି ମୁହୂର୍ତ୍ତକୁ ଉପଭୋଗ କରିବା ପରେ ଭିକ୍କି ସ୍ତ୍ରୀ ଅଙ୍କିତାଙ୍କ ଏହି ସ୍ପେଶାଲ ଡେ’କୁ ଆହୁରି ସ୍ପେଶାଲ କରିବାକୁ ଚାହିଁଛନ୍ତି। ଏଣୁ ସେ ଅଧ ରାତିରେ ସୋସିଆଲ ମିଡିଆରେ ସ୍ପେଶାଲ ପୋଷ୍ଟ ସେୟାର କରିବା ସହ ପରିବାର ଓ ସାଙ୍ଗସାଥୀଙ୍କ ସହ ପାର୍ଟି ବି ଆୟୋଜନ କରିଥିଲେ। ଅଙ୍କିତାଙ୍କ ଜନ୍ମଦିନର କେତେକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓରେ ଅଙ୍କିତାଙ୍କ ମା’ ଓ ଭଉଣୀଙ୍କ ସହ ତାଙ୍କ ସାଙ୍ଗ ତଥା ଟିଭି ଅଭିନେତ୍ରୀ ଆଶିତା ଧଓ୍ଵନ ମଧ୍ୟ ନଜର ଆସିଛନ୍ତି।
ଅଙ୍କିତାଙ୍କୁ ଜନ୍ମଦିନର ଅଭିନନ୍ଦନ ଜଣାଇବା ଅବସରରେ ଭିକ୍କି ଜୈନ୍ ସୋସିଆଲ ମିଡିଆରେ ଅଙ୍କିତା ଓ ନିଜର ଏକ ଫଟୋ ସେୟାର କରିଛନ୍ତି। ଏହି ଫଟୋର କ୍ୟାପସନ୍ରେ ଲେଖିଛନ୍ତି-ହାପି ବାର୍ଥ ଡେ’ ମିସେସ୍ ଜୈନ୍।