ଫାଶୀ ଲଗାଇ ଆତ୍ମହତ୍ଯା କଲେ ଭୋଜପୁରୀ ଅଭିନେତ୍ରୀ ଅନୁପମା ପାଠକ, ମୃତ୍ୟୁ ପୂର୍ବରୁ କରିଥିଲେ ଫେସବୁକ୍ ଲାଇଭ୍
ଗତ କିଛି ମାସ ମଧ୍ୟରେ ଅନେକ କଳାକାର ଆତ୍ମହତ୍ୟା କରି ନିଜ ଜୀବନ ଦେଇଛନ୍ତି। ଏହି କ୍ରମରେ ଭୋଜପୁରୀ ଅଭିନେତ୍ରୀ ଅନୁପମା ପାଠକଙ୍କ ଆତ୍ମହତ୍ୟା ଖବର ସାମ୍ନାକୁ ଆସିଛି। ରିପୋର୍ଟ ଅନୁଯାୟୀ ଅନୁପମାମୁମ୍ବାଇ ସ୍ଥିତ ନିଜ ବାସଭବନରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ତାଙ୍କ ମୃତଦେହ ମୁମ୍ବାଇର ଦାହିସର ଘରେ ଝୁଲୁଥିବାର ଦେଖିବାକୁ ମିଳିଥିଲା। ୪୦ ବର୍ଷ ବୟସ୍କ ଅଭିନେତ୍ରୀଙ୍କ ଆତ୍ମହତ୍ୟା ଖବର ଏବେ ସମସ୍ତଙ୍କୁ ଚକିତ କରିଛି।
ମୃତ୍ୟୁର ଗୋଟିଏ ଦିନ ପୂର୍ବରୁ ସେ ସୋସିଆଲ ମିଡିଆରେ ଲାଇଭ ଆସି ଲୋକଙ୍କ ସାମ୍ନାରେ ନିଜ ମନ କଥା କହିଥିଲେ। ସେ ତାଙ୍କ ଫେସବୁକ୍ ଲାଇଭରେ କହିଥିଲେ କାହାକୁ ବିଶ୍ୱାସ କରାଯିବା ଅନୁଚିତ। ଏଥିସହ ତାଙ୍କୁ କିପରି ପ୍ରତାରଣା କରାଯାଇଛି ସେ ତାଙ୍କ ଭିଡିଓରେ ମଧ୍ୟ କହିଛନ୍ତି। ଖବର ଅନୁଯାୟୀ ଅନୁପମାଙ୍କ ଫ୍ଲାଟରୁ ଏକ ଆତ୍ମହତ୍ୟା ନୋଟ ମଧ୍ୟ ଉଦ୍ଧାର କରାଯାଇଛି, ଯେଉଁଥିରେ ତାଙ୍କୁ ଏହି ପଦକ୍ଷେପ ନେବା ପାଇଁ ଦୁଇଟି କାରଣ ଉଲ୍ଲେଖ କରାଯାଇଛି। ସେ ଏହି ଆତ୍ମହତ୍ୟା ନୋଟରେ ଲେଖିଛନ୍ତି, “ମୁଁ ଜଣେ ବନ୍ଧୁଙ୍କ ଅନୁରୋଧ କ୍ରମେ ମାଲାଡର ୱିସଡମ ପ୍ରୋଡ୍ଯୁସର କମ୍ପାନୀରେ ୧୦ ହଜାର ଟଙ୍କା ବିନିଯୋଗ କରିଥିଲି। କମ୍ପାନୀ ଗତ ଡିସେମ୍ବର ୨୦୧୯ରେ ମୋର ଟଙ୍କା ଫେରସ୍ତ କରିବାକୁ ଥିଲା। ତଥାପି କମ୍ପାନୀ ମୋ ଟଙ୍କା ଫେରସ୍ତ କରିବାକୁ ନାରାଜ।” ସେ ଆତ୍ମହତ୍ୟା ନୋଟରେ ମନୀଷ ଝା ନାମକ ଜଣେ ବ୍ୟକ୍ତିଙ୍କ ନାଁ ଉଲ୍ଲେଖ କରିଛନ୍ତି।
ଅନୁପମା ତାଙ୍କ ଆତ୍ମହତ୍ୟା ନୋଟରେ କହିଥିଲେ ଯେ ମନୀଷ ଝା କିପରି ତାଙ୍କଠାରୁ ଦୁଇ ଚକିଆ ଯାନକୁ ତାଲା ପକାଇ ନେଇଥିଲେ ଏବଂ ପରେ ଏହାକୁ ଫେରାଇବାକୁ ମନା କରିଦେଇଥିଲେ। ଅନୁପମାଙ୍କ ଶେଷ ଫେସବୁକ୍ ପୋଷ୍ଟରେ ରାତି ପ୍ରାୟ ୧୨ ଟା ସମୟରେ ବାଏ ବାଏ ଏବଂ ଗୁଡ୍ ନାଇଟ୍ ଲେଖିଛନ୍ତି।
ଜାଣନ୍ତୁ ଫେସବୁକ୍ ପୋଷ୍ଟରେ କ’ଣ କହିଛନ୍ତି?
ଅନୁପମା ତାଙ୍କ ଫେସବୁକ୍ ପୋଷ୍ଟରେ କହିଛନ୍ତି ଯେ, ସେ ସାଧାରଣତ ଫେସବୁକ୍ ଲାଇଭକୁ ଆସନ୍ତି ନାହିଁ କିନ୍ତୁ ଆଜି ସେ କିଛି ଜିନିଷ ସେୟାର କରିବାକୁ ଆସିଛନ୍ତି। ସେ କହିଥିଲେ ଯେତେବେଳେ କାହାର ମ୍ତ୍ଯୁ ହୋଇଯାଏ ସେତେବେଳେ ଲୋକମାନେ ବିଭିନ୍ନ ପ୍ରକାର କଥା କହିଥାନ୍ତି। ଏପରି କି, ଯଦି ସେ କହିଥାନ୍ତେ ତେବେ କିଛି ସମାଧାନ ହୋଇଥାନ୍ତା | କିନ୍ତୁ ଏସବୁ କହିବା କଥା | କାହାର କୌଣସି ସମସ୍ୟାର ସମାଧାନ କରେ ନାହିଁ| ଅନୁପମା କହିଛନ୍ତି ଜଣେ ବ୍ୟକ୍ତି ଯେତେବେଳେ କ୍ଳାନ୍ତ ହୋଇଯାଏ ଏବଂ ତାଙ୍କର ମସ୍ତିଷ୍କ କାମକରିବା ବନ୍ଦ କରିଦିଏ ସେତେବେଳେ ମଣିଷ ଏହି ପ୍ରକାର ପଦକ୍ଷେପ ନେଇଥାଏ | ଅନୁପମା ତାଙ୍କ ପୋଷ୍ଟରେ କହିଛନ୍ତି ଯେ ମୁଁ ଏହିସବୁ ଜିନିଷକୁ ଅତି ନିକଟରୁ ଅନୁଭବ କରିଛି। ଯଦି ତୁମେ ଯାଇ କାହାକୁ କୁହ ଯେ ଆମେ ଏଭଳି ପଦକ୍ଷେପ ନେବାକୁ ଯାଉଛୁ ଏବଂ ଆମେ ଆପଣଙ୍କୁ ଏହା କହିବାକୁ ଚାହୁଁଛୁ, ଯାହାଦ୍ବାରା ଆମେ ଚାଲିଯିବା ପରେ ଆପଣ ଏହାକୁ ସମସ୍ତଙ୍କୁ କହିପାରିବେ। ଯଦି ତୁମେ ଏପରି କୁହ, ତେବେ ସେହି ଲୋକମାନେ କ’ଣ କୁହନ୍ତି ଦେଖନ୍ତୁ | ସେମାନଙ୍କର ପ୍ରତିକ୍ରିୟା ଏପରି ହୋଇଥାଏ, ତୁମେ କାହିଁକି ମତେ ଏସବୁ କହୁଛ? ଆପଣ କାହିଁକି ମତେ ଅସୁବିଧାରେ ପକାଇବାକୁ ଚାହୁଁଛନ୍ତି? ଅନୁପମା ଏପରି ଅନେକ କଥା ନିଜ ଫେସବୁକ୍ ଲାଇଭରେ କହିଛନ୍ତି।
