ବଲିଉଡ୍ ଆକ୍ଟର ବରୁଣ ଧଓ୍ଵନଙ୍କ ଫିଲ୍ମ ABCD 2ର ଲିଡ୍ ଅଭିନେତ୍ରୀ ତଥା ଡ୍ୟାନ୍ସର ଲରେନ୍ ଗଟ୍ଲିବ ଏକ ବଡ଼ ଖୁଲାସା କରିଛନ୍ତି। ସେ ଏକ ଇଣ୍ଟରଭ୍ୟୁରେ କହିଥିଲେ, ଫିଲ୍ମ ABCD 2 ପରେ ସେ ସମ୍ପୂର୍ଣ୍ଣ ମଦ ଏବଂ ଡ୍ରଗ୍ସ ନିଶାରେ ପଡ଼ିଯାଇଥିଲେ। ଅନ୍ଧାରରେ ଡୁବିଯାଇଥିଲେ। ଯଦିଓ ପାଖାପାଖି ୮ ମାସ ଯାଏ ସେ ସୋସିଆଲ ମିଡିଆରେ ନିଜର ହସ ହସ ମୁହଁର ଫଟୋ ପୋଷ୍ଟ କରୁଥିଲେ, କିନ୍ତୁ ଭିତରେ ବହୁତ ଚିନ୍ତିତ ରହୁଥିଲେ।
୩୧ ବର୍ଷୀୟା ଏହି ଅଭିନେତ୍ରୀ ଆହୁରି କହିଥିଲେ ଯେ ସେ ବହୁତ ଦୁଃଖି ଥିଲେ। ଆଉ ନିଜ ଉଦାସର ଚିକିତ୍ସା ନିଶା ଭିତରେ ଖୋଜି ବୁଲୁଥିଲେ। ସେ କୁହନ୍ତି, ‘ମୁଁ ମଦ ପିଉଥିଲି। ଡ୍ରଗ୍ସ ନେଉଥିଲି। ସବୁକିଛି ମୁଁ କରୁଥିଲି, ଯାହାକି ମୋତେ ଖୁସି କରିପାରୁଥିଲା’।
ଏହାସହ ପଢ଼ନ୍ତୁ: ସାମ୍ନାକୁ ଆସିଲା ରାନୁ ମଣ୍ଡଳଙ୍କ ହମ୍ସକଲ, ଫୁଟ୍ପାଥରେ ବସି ଗାଉଥିଲେ ‘ତେରି ମେରି କାହାନୀ’
ଲରେନ୍ କହିଥିଲେ, ଏ ସବୁ ଭିତରେ ସେ ନିଜକୁ ଦୋଷୀ ବୋଲି ମାନୁଥିଲେ। ତେବେ ଏହାରି ଭିତରୁ ବାହାରିବା ପାଇଁ ତାଙ୍କୁ ସମୟ ଲାଗିଥିଲା। କହି ରଖୁଛୁ କି, ଲରେନ୍ ବିଗ୍ବସ୍ ୧୧ ଏବଂ ଝଲକ ଦିଖଲାଜା ସିଜନ ୬ରେ ମଧ୍ୟ ନଜର ଆସିଥିଲେ। ଏହାସହ ସେ ଅନେକ ପଞ୍ଜାବୀ ଫିଲ୍ମ ଏବଂ ଗୀତରେ ମଧ୍ୟ କାମ କରିଛନ୍ତି।