ଡ୍ଯାନ୍ସ ପ୍ଲସ-୪ ର ବିଜେତା ସାଜିଲେ ଚେତନ ସଲୁଖେ, ଟ୍ରଫି ସହ ମିଳିଲା ୨୫ ଲକ୍ଷ ଟଙ୍କା
ମୁମ୍ବାଇ : ଡ୍ୟାନ୍ସ ରିଆଲିଟି ଶୋ ଡ୍ୟାନ୍ସ ପ୍ଳସ୍- ୪କୁ ଦର୍ଶକ ଖୁବ ମାତ୍ରାରେ ପସନ୍ଦ କରିଥାନ୍ତି। ଗତ ରାତିରେ ଏହି ଶୋର ଫାଇନାଲ ଏପିସୋଡ଼ ରହିଥିଲା। ଫିନାଲେରେ ମୁହଁମୁହିଁ ହୋଇଥିଲେ ବର୍ତ୍ତିକା ଝା, ବି ଅନବିଟେବଲ, ସୁଜାନ-ଆଞ୍ଚଳ ଏବଂ ଚେତନ ସଲୁଖେ। ଏମାନଙ୍କ ମଝିରେ ହୋଇଥିଲା ଯୋରଦାର ମୁକାବଲା । କିନ୍ତୁ ଶେଷକୁ ବାଜି ମାରି ନେଇଥିଲେ ଚେତନ।
ଚେତନଙ୍କୁ ଶୋର ବିଜେତା ଟ୍ରଫି ସହ ୨୫ ଲକ୍ଷ ଟଙ୍କା ପୁରସ୍କାର ଅର୍ଥ ମିଳିଛି। ସେହିପରି ବର୍ତ୍ତିକା ସିଜନର ଥାର୍ଡ଼ ଫାଇନାଲିଷ୍ଟ ହୋଇଥିବା ବେଳେ ଦ୍ବୀତିୟ ସ୍ଥାନରେ ରହିଛନ୍ତି ସୁଜାନ ଏବଂ ଆଞ୍ଚଲ।
ଏହି ସିଜନକୁ ରାଘମ ଜୁୟାଲ ଏବଂ ସୁଗନ୍ଧା ମିଶ୍ରା ମିଳିତ ଭାବେ ହୋଷ୍ଟ କରିଥିବା ବେଳେ ବିଚାରକ ଭାବେ ନଜର ଆସିଥିଲେ କୋରିଓଗ୍ରାଫର ରେମୋ ଡିସୁଜା , ପୁନିତ ପାଠକ, ଶକ୍ତି ମୋହନ ଏବଂ ଧର୍ମେଶ ୟେଲାଣ୍ଡ। ଫିନାଲେରେ ଅତିଥି ଭାବେ ନଜର ଆସିଥିଲେ ବଲିଉଡ଼ର ସୁପରଷ୍ଟାର ମାଧୁରୀ ଦିକ୍ଷୀତ ଏବଂ ଅନିଲ କପୁର।
