ଫିଲ୍ମ ‘ଫାଇଟର୍’ରେ ବୋଲ୍ଡ ସିନ୍ କରି ଫସିଲେ ହ୍ରିତିକ ରୋଶନ-ଦୀପିକା ପାଦୁକୋନ, ଆସିଲା ଲିଗାଲ୍ ନୋଟିସ
ହ୍ରିତିକ ରୋଶନ ଏବଂ ଦୀପିକା ପାଦୁକୋନ ଏବଂ ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦଙ୍କୁ ଜଣେ ଏୟାରଫୋର୍ସ ଅଧିକାରୀଙ୍କ ଦ୍ୱାରା ଲିଗାଲ୍ ନୋଟିସ ପଠାଯାଇଛି । ଫିଲ୍ମ ଫାଇଟରରେ ଥିବା ଲିପ-ଲକ୍ ସିନ୍ ସମ୍ପର୍କରେ ଏକ ଲିଗାଲ୍ ନୋଟିସ ପଠାଯାଇଛି । ଏୟାରଫୋର୍ସ ଅଧିକାରୀ କହିଛନ୍ତି ଯେ ଲିପ-ଲକ୍ ସିନ୍ ଭାରତୀୟ ବାୟୁସେନାର ସମ୍ମାନକୁ କ୍ଷତି ପହଞ୍ଚାଇଛି ।
ସିନେମାହଲରେ ‘ଫାଇଟର୍’ ରିଲିଜ୍ ହେବା ସହ ହ୍ରିତିକ୍ ରୋଶନ୍-ଦୀପିକା ପାଦୁକୋନଙ୍କ ଯୋଡି ଖୁବ ଚର୍ଚ୍ଚାରେ ରହିଛି । ଫିଲ୍ମ ରିଳିଜର ଦୁଇ ସପ୍ତାହ ପରେ ମଧ୍ୟ ସିନେମହଲରେ ଏହାର କ୍ରେଜ କମିନି । ହ୍ରିତିକ ରୋଶନ-ଦୀପିକା ପାଦୁକୋନ ଉଭୟଙ୍କୁ ଏୟାରଫୋର୍ସ ୟୁନିଫର୍ମରେ ଦେଖିବାକୁ ମିଳିଛି । ଉଭୟଙ୍କ ଉପରେ ଏହି ୟୁନିଫର୍ମ ଖୁବ ଭଲ ଦେଖାଯାଉଥିଲା, କିନ୍ତୁ ବର୍ତ୍ତମାନ ଏହି ୟୁନିଫର୍ମ ଯୋଗୁଁ ଏକ ବିବାଦ ସୃଷ୍ଟି ହୋଇଛି । ‘ଫାଇଟର୍’ ନିର୍ମାତାଙ୍କ ସହ ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କୁ ଲିଗାଲ୍ ନୋଟିସ ମିଳିଛି । ଏହି ସମସ୍ତ ବିବାଦ ଏକ ଦୃଶ୍ୟ ଉପରେ ଘଟିଛି ଯେଉଁଥିରେ ଉଭୟ ହ୍ରିତିକ ଓ ଦୀପିକା ୟୁନିଫର୍ମରେ ରୋମାଣ୍ଟିକ୍ ସିନ୍ କରୁଥିବାର ନଜର ଆସିଛନ୍ତି । ଏହି ଦୃଶ୍ୟକୁ ନେଇ ଜଣେ ସେନା ଅଧିକାରୀ କ୍ରୋଧିତ ହୋଇ ଟିମର ସମସ୍ୟା ବଢ଼ାଇଦେଇଛନ୍ତି । ଏହି ବିବାଦ ଯୋଗୁଁ ଫିଲ୍ମ ନିର୍ମାତାଙ୍କୁ ଆଇନଗତ ଜଟିଳତା ମଧ୍ୟରେ ଜଡ଼ିତ ହେବାକୁ ପଡ଼ିବ ।
ହ୍ରିତିକ ରୋଶନ ଏବଂ ଦୀପିକା ପାଦୁକୋନ ଏବଂ ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦଙ୍କୁ ଜଣେ ଏୟାରଫୋର୍ସ ଅଧିକାରୀଙ୍କ ଦ୍ୱାରା ଲିଗାଲ୍ ନୋଟିସ ପଠାଯାଇଛି । ଫିଲ୍ମ ଫାଇଟରରେ ଥିବା ଲିପ-ଲକ୍ ସିନ୍ ସମ୍ପର୍କରେ ଏକ ଲିଗାଲ୍ ନୋଟିସ ପଠାଯାଇଛି । ଏୟାରଫୋର୍ସ ଅଧିକାରୀ କହିଛନ୍ତି ଯେ ଲିପ-ଲକ୍ ସିନ୍ ଭାରତୀୟ ବାୟୁସେନାର ସମ୍ମାନକୁ କ୍ଷତି ପହଞ୍ଚାଇଛି । କହି ରଖୁଛୁ ଏହି ସିନ୍ ଏୟାରଫୋର୍ସ ୟୁନିଫର୍ମରେ ସୁଟିଂ କରାଯାଇଛି । ଏହି କାରଣରୁ ବାୟୁସେନା ଅଧିକାରୀଙ୍କର ଅଧିକ ଆପତ୍ତି ରହିଛି । ୱିଙ୍ଗ କମାଣ୍ଡର ସୌମ୍ୟ ଦୀପ ଦାସ ଆସାମର ଅଫିସର୍ ମେସ୍, ବାୟୁସେନା ଷ୍ଟେସନ ତେଜପୁରରେ ପୋଷ୍ଟ କରାଯାଇଛି । ନିର୍ମାତା ଏବଂ କଳାକାରଙ୍କ ବିରୋଧରେ ସେ ଏକ ଲିଗାଲ୍ ନୋଟିସ ପଠାଇଛନ୍ତି ।
ସୂଚନାଯୋଗ୍ୟ, ଏରିୟଲ ଆକ୍ସନ୍ କ୍ଷେତ୍ରରେ ଏହା ହେଉଛି ଦେଶର ପ୍ରଥମ ପ୍ରୟାସ । ଏହା ହେଉଛି ପ୍ରଥମ ଫିଲ୍ମ ଯେଉଁଥିରେ ଦମଦାର ଏରିଲ୍ ଆକ୍ସନ୍ ଦେଖାଯିବ । ମାର୍ଫ୍ଲିକ୍ସ ପିକ୍ଚର୍ସ ସହିତ ମିଳିତ ଭାବରେ ଭିଆକମ୍ 18 ଷ୍ଟୁଡିଓ ଦ୍ୱାରା ଉପସ୍ଥାପିତ ହୋଇଥିବା ‘ଫାଇଟର୍’ ସିଦ୍ଧାର୍ଥ ଆନନ୍ଦଙ୍କ ଦ୍ୱାରା ନିର୍ଦ୍ଦେଶିତ । ଏଥିରେ ହ୍ରିତିକ ରୋଶନ, ଦୀପିକା ପାଦୁକୋନ ଏବଂ ଅନିଲ କପୁର ମୁଖ୍ୟ ଭୂମିକାରେ ନଜର ଆସିଛନ୍ତି । ସିନେମାହଲରେ ଫିଲ୍ମର ପ୍ରଦର୍ଶନ ବିଷୟରେ ଲୋକମାନେ ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଫିଲ୍ମକୁ ବହୁତ ପସନ୍ଦ କରୁଛନ୍ତି । ଫିଲ୍ମର ଆକ୍ସନ୍, ଫାଇଟିଂ ସିନ୍ ଏବଂ VFX ମଧ୍ୟ ଖୁବ ଦମଦାର ରହିଛି, ଯାହାକୁ ଲୋକମାନେ ବହୁତ ପ୍ରଶଂସା କରୁଛନ୍ତି । ଫିଲ୍ମଟି ଭଲ ରୋଜଗାର ମଧ୍ୟ କରୁଛି । ଏହି ଫିଲ୍ମଟି ବ୍ଲକବଷ୍ଟର ରୋଜଗାର ସହିତ ଅନେକ ନୂଆ ରେକର୍ଡ ସୃଷ୍ଟି କରିଛି ।
