ମନି ଲଣ୍ଡରିଂ ମାମଲାରେ କଂଗ୍ରେସ ନେତା ହରକ ସିଂ ରାଓ୍ଵତଙ୍କ ଘରେ ଚଢଉ, ୧୨ ଟି ସ୍ଥାନରେ ଇଡିର ଆକ୍ସନ

କଂଗ୍ରେସ ନେତା ହରକ ସିଂ ରାଓ୍ଵତ ଏବଂ ଅନ୍ୟ କେତେକ ନେତାଙ୍କ ଠିକଣାରେ ଇଡିର ଚଢଉ । ମନି ଲଣ୍ଡ୍ରିଂ ମାମଲାରେ ରେଡ ଉତ୍ତରାଖଣ୍ଡ ଏବଂ ଦିଲ୍ଲୀ ଏନସିଆରରେ ୧୨ରୁ ଅଧିକ ସ୍ଥାନରେ ହେଉଛି । ଏହି ମାମଲାରେ ଇଡି ଦିଲ୍ଲୀ, ଚଣ୍ଡୀଗଡ, ଉତ୍ତରାଖଣ୍ଡରେ ଚଢଉ ଜାରି ରଖିଛି ।

By Swagatika
harak singh
Photo credit: English jagaran

ଉତ୍ତରାଖଣ୍ଡର ପୂର୍ବ କ୍ୟାବିନେଟ ମନ୍ତ୍ରୀ ତଥା କଂଗ୍ରେସ ନେତା ହରକ ସିଂ ରାଓ୍ଵତ ଏବଂ ଅନ୍ୟ କେତେକ ନେତାଙ୍କ ଠିକଣାରେ ଇଡିର ଚଢଉ । ମନି ଲଣ୍ଡ୍ରିଂ ମାମଲାରେ ରେଡ ଉତ୍ତରାଖଣ୍ଡ ଏବଂ ଦିଲ୍ଲୀ ଏନସିଆରରେ ୧୨ରୁ ଅଧିକ ସ୍ଥାନରେ ହେଉଛି । ଏହି ମାମଲାରେ ଇଡି ଦିଲ୍ଲୀ, ଚଣ୍ଡୀଗଡ, ଉତ୍ତରାଖଣ୍ଡରେ ଚଢଉ ଜାରି ରଖିଛି । କେବଳ ହରକଙ୍କ ୧୨ରୁ ଅଧିକ ସ୍ଥାନର ଚଢଉ ଜାରି ରହିଛି ।

ଇଡି ଟିମ୍‌ ଡେରାଡୁନର ଡିଫେନ୍ସ କଲୋନୀ ସ୍ଥିତି ତାଙ୍କ ବାସଭବନରେ ପହଞ୍ଚି ଚଢଉ କରିଛି । ଏହାସହିତ ମନ୍ତ୍ରୀଙ୍କ ସଂପର୍କୀୟଙ୍କ ଉପରେ କାର୍ଯ୍ୟାନୁଷ୍ଠାନ ନେଇଛି । ଏହାପୂର୍ବରୁ ୨୦୨୩ ଅଗଷ୍ଟରେ ଭିଜିଲାନ୍ସ ଟିମ ହରକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ।

ହରକ ସିଂ ରାଓ୍ଵତକୁ ବିଜେପି ଅନୁଶାସନହୀନତା ଯୋଗୁଁ ପାର୍ଟିରୁ ବହିଷ୍କୃତ କରିଥିଲା । ଏହାପରେ କ୍ୟାବିନେଟ ମନ୍ତ୍ରୀ ପଦରୁ ବହିଷ୍‌ୃତ ହୋଇଥିଲେ । ଏହାପରେ ସେ ୨୦୨୨ରେ କଂଗ୍ରେସରେ ଯୋଗ ଦେଇଥିଲେ ।