ବରୁଣ-ନତାଶା ଓ ଆଲିଆ-ରଣବୀରଙ୍କ ବିବାହରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବେ ନିର୍ଦ୍ଦେଶକ କରଣ ଜୋହର
ବଲିଉଡ୍ ରେ ୨୦୧୮ ମସିହାରେ ଅନେକ ସେଲିବ୍ରିଟି ବିବାହ ବନ୍ଧନରେ ବାନ୍ଧି ହୋଇଥିଲେ । ଯେପରି ଦୀପିକା-ରଣବୀର ଓ ପ୍ରିୟଙ୍କା-ନିକ୍ଙ୍କ ବିବାହ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଚଳିତ ବର୍ଷ ମଧ୍ୟ ଅନେକ ବଲିଉଡ୍ ଷ୍ଟାରମାନେ ବିବାହ ବନ୍ଧନରେ ବାନ୍ଧି ହେବାର ଖବର ଶୁଣିବାକୁ ମିଳିଛି। ରିପୋର୍ଟ ଅନୁଯାୟୀ ଚଳିତ ବର୍ଷ ବରୁଣ-ନତାଶା ଏବଂ ଆଲିଆ-ରଣବୀରଙ୍କ ବିବାହ ହେବା ନେଇ ଚର୍ଚ୍ଚା ହେଉଥିବା ବେଳେ ଦୁହିଁଙ୍କ ବିବାହରେ ନିର୍ଦ୍ଦେଶକ-ପ୍ରଯୋଜକ କରଣ ଜୋହର ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବେ ବୋଲି ଜଣା ପଡ଼ିଛି ।
ସୂଚନା ଅନୁଯାୟୀ ବର-ବଧୂ ନିଜ ସଙ୍ଗୀତ୍ ରେ କରଣଙ୍କ ବ୍ରାଣ୍ଡ ତ୍ୟାନିର ଅଳଙ୍କାର ପିନ୍ଧିବେ ବୋଲି ଜଣା ପଡ଼ିଛି । କରଣ ବରୁଣ ଓ ଆଲିଆଙ୍କୁ ବଲିଉଡ୍କୁ ଆଣିଥିବା ବେଳେ ଦୁହେଁ ଏକା ସାଙ୍ଗରେ ବଲିଉଡ୍ରେ ଡେବ୍ୟୁ କରିଥିଲେ । ଦୁହିଁଙ୍କ ବିବାହକୁ ନେଇ ଅନେକ ଆଲୋଚନା ଚାଲୁଥିବା ବେଳେ ବରୁଣ-ନତାଶା ଡିସେମ୍ବରରେ ବିବାହ କରି ପାରନ୍ତି ବୋଲି ଜଣା ପଡ଼ିଛି । ଅନ୍ୟ ପକ୍ଷରେ, ଆଲିଆ-ରଣବୀରଙ୍କ ବିବାହ ମାସ ଜଣା ପଡ଼ି ନଥିଲେ ମଧ୍ୟ ଦୁହେଁ ନିଜ ପ୍ରଶଂସକମାନଙ୍କୁ ଖୁବ୍ ଶୀଘ୍ର ଖୁସି ଖବର ଦେବେ ବୋଲି ଆଶା କରାଯାଉଛି ।
ଏହାସହ ପଢନ୍ତୁ: ଦ୍ରୌପଦୀଙ୍କ ଦୁଃଖ, ତିନି ଥର ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ ରୂପା ଗାଙ୍ଗୁଲୀ
ବରୁଣ-ନତାଶା ଜୋଧପୁରରେ ପ୍ରିୟଙ୍କାଙ୍କ ଭଳି ବିବାହ କରିବେ ବୋଲି ସୂଚନା ମିଳିଛି। ଏହା ବ୍ୟତୀତ ପ୍ରିୟଙ୍କା ଚୋପ୍ରାଙ୍କ ୱେଡିଙ୍ଗ ପ୍ଲାନର ମୋଟଓ୍ଵାନି ଏଣ୍ଟରଟେନମେଣ୍ଟ ଆଣ୍ଡ ୱେଡିଙ୍ଗ୍ ବିବାହର ସମସ୍ତ ଦାୟିତ୍ବ ବହନ କରିବ ବୋଲି ସୂଚନା ମିଳିଛି।
