ବଲିଉଡ ଅଭିନେତା ନସିରୁଦ୍ଦିନ ଶାହା ପ୍ରାୟତଃ ନିଜର ବିବାଦୀୟ ମନ୍ତବ୍ୟକୁ ନେଇ ଚର୍ଚ୍ଚାରେ ରହିଥାନ୍ତି । ତେବେ ବର୍ତ୍ତମାନ ତାଙ୍କର ଝିଅ ହିବା ଶାହା ମୁମ୍ବାଇସ୍ଥିତ ଏକ ପଶୁ ଚିକିତ୍ସାଳୟରେ କାମ କରୁଥିବା ଦୁଇ ମହିଳା କର୍ମଚାରୀଙ୍କ ସହ ମାଡପିଟ କରୁଥିବା ଅଭିଯୋଗ ଆସିଛି । କ୍ଲିନିକ ଏହି ଘଟଣାର ସିସିଟିଭି ଫୁଟେଜ ମଧ୍ୟ ଜାରି କରିଛି ଯେଉଁଥିରେ ସେ ଏକ ହଳଦିଆ ରଙ୍ଗର ପୋଷାକ ପିନ୍ଧିଥିବା ସହ କର୍ମଚାରୀଙ୍କ ଉପରେ ହାତ ଉଠାଉଥିବା ଦେଖିବାକୁ ମିଳିଛି ।
ଘଟଣାଟି ଘଟିଥିଲା ଜାନୁୟାରୀ ୧୬ ତାରିଖ ଦିନ । ସୂଚନା ଅନୁଯାୟୀ ହିବା ଶାହା ଓ ତାଙ୍କ ବନ୍ଧୁ ସୁପ୍ରିୟା ଶର୍ମା ନିଜର ଦୁଇ ବିଲେଇଙ୍କର ନସବନ୍ଦୀ କରାଇବା ପାଇଁ ସ୍ଲଟ ବୁକ କରିଥିଲେ କିନ୍ତୁ କୌଣସି କାରଣରୁ ସୁପ୍ରିୟା ସେଠାରେ ପହଂଚି ପାରିନଥିଲେ । ତେବେ ହିବା ସେଠାରେ ଜଣେ ବନ୍ଧୁଙ୍କ ସହ ନିଜ ବିଲେଇକୁ ନେଇ ୨.୫୦ ମିନିଟ ସମୟରେ ପହଂଚିଥିଲେ କିନ୍ତୁ ଯେତେବେଳେ ତାଙ୍କୁ ଅପେକ୍ଷା କରିବା ପାଇଁ କୁହାଯାଇଥିଲା ସେତେବେଳେ ସେ ବହୁତ ରାଗି ଯାଇଥିଲେ ।
The Versova police have registered a non-cognisable offence against daughter of film actor #NaseeruddinShah actress #HeebaShah for allegedly assaulting two employees of a veterinary clinic. #naseeruddinshah_Shame_on_You #ShaheenBaghTruth #SidharthShukIa pic.twitter.com/ss4u6Kno6B
— Rupeshkumar Gupta, #SidheSansadSe Host 🇮🇳 (@Rupeshkoomar) January 25, 2020
ଏହାପରେ ସେ ପଶୁଚିକିତ୍ସା କ୍ଲିନିକରେ ଥିବା କେୟାରଟେକରକୁ କହିଥିଲେ ଯେ କଣ ଆପଣ ଜାଣିନାହାନ୍ତି ମୁଁ କିଏ ? କିଛି ସାହାଯ୍ୟ ନକରି ଆପଣ ମୋତେ ଏତେ ସମୟ କିପରି ବାହାରେ ଅପେକ୍ଷା କରାଇପାରିବେ ? ବିଲେଇକୁ ରିକ୍ସାରୁ ବାହାର କରିବାପାଇଁ ମୋତେ କେହି ସାହାଯ୍ୟ କାହିଁକି କରୁନାହାନ୍ତି ? ତେବେ ଯେତେବେଳେ ହିବାଙ୍କୁ ଫର୍ମ ଭରିବା ପାଇଁ କୁହାଯାଇଥିଲା ସେତେବେଳେ ସେ ଆହୁରି ରାଗି ଯାଇଥିଲେ ଏବଂ ଗାଳି କରିବା ଆରମ୍ଭ କରିଦେଇଥିଲେ ।
ଏହାପରେ ସେଠାରେ ଥିବା କର୍ମଚାରୀ ଯେତେବେଳେ ତାଙ୍କୁ ବାହାରକୁ ଯିବାକୁ କହିଲେ ତ ସେ ମହିଳା କର୍ମଚାରୀଙ୍କ ଉପରକୁ ହାତ ଉଠାଇ ମାଡ଼ ମାରିବା ଆରମ୍ଭ କରିଦେଇଥିଲେ । ନିକଟରେ ତାଙ୍କ ବିରୋଧରେ ଏକ ମାମଲା ରୁଜୁ କରାଯାଇଛି ଏବଂ ପୋଲିସ ଏହି ମାମଲାର ତଦନ୍ତ କରୁଛି । କୁହାଯାଉଛି କି ହିବା ଶାହାଙ୍କ ବିରୋଧରେ ଫେଲାଇନ ଫାଉଣ୍ଡେସନ ତରଫରୁ ଅଭିଯୋଗ କରାଯାଇଛି । ତେବେ ଏହି ଫାଉଣ୍ଡେସନ ଉକ୍ତ ଚିକିତ୍ସାଳୟକୁ ଚଳାଇଥାଏ ।