ଦେଖନ୍ତୁ ଶକୁନ୍ତଳା ଦେବୀର ଟ୍ରେଲର : ସାମ୍ନାକୁ ଆସିଲା ବିଦ୍ୟା ବାଲାନ ଓ ସାନ୍ୟା ମାଲହୋତ୍ରାଙ୍କ ଜବରଦସ୍ତ ଆକ୍ଟିଙ୍ଗ
ବିଦ୍ୟା ବାଲାନଙ୍କ ଆଗାମୀ ଚଳଚ୍ଚିତ୍ର ‘ଶକୁନ୍ତଳା ଦେବୀ’ର ଟ୍ରେଲର ରିଲିଜ ହୋଇଛି । ଏହି ଚଳଚ୍ଚିତ୍ରରେ ବିଦ୍ୟା ବାଲାନ ଗଣିତଜ୍ଞ ଶକୁନ୍ତଳା ଦେବୀ ଭୂମିକାରେ ନଜର ଆସିଛନ୍ତି । ଏହି ଫିଲ୍ମରେ ବିଦ୍ୟା ତାଙ୍କ ପୂର୍ବ ଚରିତ୍ରଗୁଡିକ ଠାରୁ ବହୁତ ଭିନ୍ନ ରହିଛନ୍ତି । ଏଥିରେ ସାନିଆ ମଲହୋତ୍ରା, ଅମିତା ସାଧ ମୁଖ୍ୟ ଚରିତ୍ରରେ ନଜର ଆସିଛନ୍ତି । ଏହି ଚଳଚ୍ଚିତ୍ରରେ ଶକୁନ୍ତଳାଙ୍କ ବ୍ୟକ୍ତିଗତ ଜୀବନ ଏବଂ ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ପହଞ୍ଚିବା ପାଇଁ ତାଙ୍କର ଯାତ୍ରା ଚିତ୍ରିତ ହୋଇଛି ଯିଏକି ହ୍ୟୁମାନ୍ କମ୍ପ୍ୟୁଟର ଭାବରେ ଜଣାଶୁଣା ।
ଏହି ଚଳଚ୍ଚିତ୍ରରେ ସାନ୍ୟା ମାଲହୋତ୍ରା ବିଦ୍ୟା ବାଲାନଙ୍କ ଝିଅ ଭୂମିକାରେ ନଜର ଆସିଛନ୍ତି । ଏହି ସମୟରେ ଅମିତ ସାଧ ସାନିଆଙ୍କ ଲଭ ଇନ୍ଟରେଷ୍ଟ ପ୍ଲେ କରୁଥିବା ନଜର ଆସିଛନ୍ତି । ଟ୍ରେଲରରେ ଆପଣ ଦେଖିପାରିବେ ଯେ ଶକୁନ୍ତଳା ଦେବୀଙ୍କ ପାଇଁ ଏହି ପଦବୀ ହାସଲ କରିବା ଏତେ ସହଜ ନଥିଲା । ଏଥିପାଇଁ ତାଙ୍କୁ ବ୍ୟକ୍ତିଗତ ଜୀବନରେ ବହୁତ ସଂଘର୍ଷ କରିବାକୁ ପଡୁଥିଲା ।
ଏହି ଚଳଚ୍ଚିତ୍ରରେ ତାଙ୍କ ଭୂମିକା ବିଷୟରେ ବିଦ୍ୟା କହିଛନ୍ତି, “ବଡ ପରଦାରେ ମାନବ କମ୍ପ୍ୟୁଟର ଶକୁନ୍ତଳା ଦେବୀ ଭୂମିକାରେ ଅଭିନୟ କରି ମୁଁ ବହୁତ ଖୁସି । ସେ ପ୍ରକୃତରେ ଜଣେ ମହିଳା ଯିଏ କେବଳ ତାଙ୍କ ବ୍ୟକ୍ତିତ୍ୱ ଗ୍ରହଣ କରିନଥିଲେ, ବରଂ ଏକ ସଶକ୍ତ ନାରୀବାଦର ସ୍ୱର ସହିତ ସଫଳତାର ଶିଖରରେ ପହଞ୍ଚିବାକୁ ଅନେକ ଲୋକଙ୍କୁ ଚ୍ୟାଲେଞ୍ଜ ମଧ୍ୟ କରିଥିଲେ ।
ସୂଚନା ଅନୁଯାୟୀ ବିଦ୍ୟା ବାଲାନଙ୍କ ଫିଲ୍ମ ‘ଶକୁନ୍ତଳା ଦେବୀ’ OTT ପ୍ଲାଟଫର୍ମ ଆମାଜନ ପ୍ରାଇମରେ ମୁକ୍ତିଲାଭ କରାଯିବ । ଫିଲ୍ମର ଡିଜିଟାଲ ପରିମିୟର 31 ଜୁଲାଇରେ ହେବ । ଫିଲ୍ମର ସ୍କ୍ରିପ୍ଟ ମେନନ୍ ଏବଂ ନୟନିକା ମହତାନୀ ଲେଖିଥିବାବେଳେ ସଂଳାପଗୁଡ଼ିକ ଇଶିତା ମାଳହୋତ୍ରା ଲେଖିଛନ୍ତି।
ଶକୁନ୍ତଳା ଦେବୀ କିଏ?
ଏହି ଚଳଚ୍ଚିତ୍ରଟି ଗଣିତଜ୍ଞ ଶକୁନ୍ତଳା ଦେବୀଙ୍କ ଉପରେ ଆଧାରିତ । ଯାହାକୁ ମାନବ କମ୍ପ୍ୟୁଟର ଭାବରେ ବିବେଚନା କରାଯାଏ ବିଦ୍ୟା ବାଲାନ ତାଙ୍କ ଚରିତ୍ରରେ ଅଭିନୟ କରିଥିଲେ । ଯେତେବେଳେ ମାତ୍ର ପାଞ୍ଚ ବର୍ଷ ବୟସରେ ସେ 18 ବର୍ଷ ବୟସର ଛାତ୍ରଙ୍କ ଗଣିତର ସମାଧାନ କରିଥିଲେ ସେତେବେଳେ ଶକୁନ୍ତଳାଙ୍କ ବୁଦ୍ଧି ଜଗତକୁ ଆସିଥିଲା। ତାଙ୍କର ଯୋଗ୍ୟତା ପାଇଁ 1982 ମସିହାରେ ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ତାଙ୍କ ନାମ ନାମିତ ହୋଇଥିଲେ ।
