ଜୁନିୟର NTRଙ୍କ ଫ୍ୟାନ୍ ହେଲେ ଅନୁପମ ଖୈର, ସେୟାର କଲେ ଫଟୋ

ନିଜର ଚମତ୍କାର ଅଭିନୟ ଏବଂ ଦମଦାର ଚରିତ୍ର ପାଇଁ ଅନୁପମ ଖେର ସର୍ବଦା ଲୋକଙ୍କ ମଧ୍ୟରେ ଚର୍ଚ୍ଚାରେ ଥାଆନ୍ତି । ଏହି ଅଭିନେତା ସୋସିଆଲ ମିଡିଆରେ ମଧ୍ୟ ବହୁତ ଆକ୍ଟିଭ ଅଟନ୍ତି । ଏବେ ଅନୁପମ ଖେର ଏବଂ ଜୁନିଅର ଏନଟିଆରଙ୍କର ଏକ ଫଟୋ ସାମ୍ନାକୁ ଆସିଛି ଯାହା ସୋସିଆଲ ମିଡିଆରେ ଭାଇରାଲ ହେଉଛି । ଏହି ଫଟୋଟି ଏବେ ଖୁବ ଲାଇମଲାଇଟ୍ ରେ ଅଛି । ନିକଟରେ ଅଭିନେତା ଅନୁପମ ସ୍ୱପ୍ନ ସହର ମୁମ୍ବାଇରେ ସାଉଥ ଅଭିନେତା ଜୁନିଅର ଏନଟିଆରଙ୍କୁ ଭେଟିଥିଲେ, ଏହା ପରେ ସେ RRR ଅଭିନେତାଙ୍କ ସହ ଏକ ଫଟୋ ସେୟାର କରିଥିଲେ ଏବଂ ତାଙ୍କୁ ପ୍ରଶଂସାରେ ଏକ ନୋଟ୍ ଲେଖିଥିଲେ ।

ସୋସିଆଲ ମିଡିଆରେ ଏହି ଫଟୋ ସେୟାର କରିବା ସମୟରେ ଅନୁପମ ଖେର ସାଉଥ ସୁପରଷ୍ଟାର ଜୁନିଅର ଏନଟିଆରଙ୍କୁ ପ୍ରଶଂସା କରିଥିଲେ ଏବଂ ଏକ ନୋଟ୍ ଲେଖିଥିଲେ, ‘ଗତକାଲି ରାତିରେ ମୋର ଜଣେ ପ୍ରିୟ ବ୍ୟକ୍ତି ଅଭିନେତା ଜୁନିଅର ଏନଟିଆରଙ୍କୁ ଭେଟିବା ଅତ୍ୟନ୍ତ ଆନନ୍ଦଦାୟକ ଥିଲା । ମୁଁ ତାଙ୍କ କାମକୁ ବହୁତ ପସନ୍ଦ କରେ । ସେ ଦିନକୁ ଦିନ ଆହୁରି ଆଗକୁ ବଢନ୍ତୁ! ଜୟ ହୋ # ଆକ୍ଟର୍ ।’ ଉଭୟଙ୍କୁ ଏକାଠି ଦେଖି କିଛି ଲୋକ ଅନୁଭବ କଲେ ଯେ ସେମାନେ ଆଗାମୀ କିଛି ଫିଲ୍ମରେ ଏକାଠି ଆସିବାକୁ ଯାଉଛନ୍ତି, କିନ୍ତୁ ସେପରି କିଛି ବି ନୁହେଁ ।

ଅନୁପମ ଖେରଙ୍କ ଦ୍ୱାରା ସେୟାର ହୋଇଥିବା ଫଟୋରେ ତାଙ୍କୁ କ୍ରିମ କଲରର ଟ୍ରାଉଜର ଏବଂ ଧଳା ସାର୍ଟରେ ଦେଖିବାକୁ ମିଳିଥିଲା । ଜୁନିଅର NTR ଏକ ଗ୍ରେ କଲର ଟ୍ରାଉଜର ଏବଂ କଳା ଟି-ସାର୍ଟରେ ନଜର ଆସିଥିଲେ । ଫଟୋ ପାଇଁ ଉଭୟ ଏକତ୍ର ସୁନ୍ଦର ଭାବରେ ପୋଜ୍ କରୁଥିବା ନଜର ଆସିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଅଭିନେତା କେଉଁ ଇଭେଣ୍ଟରେ ଭେଟିଛନ୍ତି ତାହା ପ୍ରକାଶ କରି ନାହାଁନ୍ତି । ଜୁନିଅର NTR ଏହି ଫଟୋକୁ ପୁନଃ ପୋଷ୍ଟ କରି ଲେଖିଛନ୍ତି, ‘ଜଣେ ଅଭିନେତାଙ୍କୁ ଭେଟି ଖୁସି, ଯାହାର କାମର ମୁଁ ସର୍ବଦା ପ୍ରଶଂସା କରେ । ଆପଣ ଆଗାମୀ ପିଢ଼ି ଏବଂ ଅଭିନେତାମାନଙ୍କୁ ପ୍ରେରଣା ଦିଅନ୍ତି … ସାର୍ ।

ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଜୁନିଅର ଏନଟିଆର ବର୍ତ୍ତମାନ ଆୟାନ ମୁଖାର୍ଜୀଙ୍କ ନିର୍ଦ୍ଦେଶିତ ହ୍ରିତିକ ରୋଶନଙ୍କ ସହ ଫିଲ୍ମ ‘ୱାର ୨’ ସୁଟିଂରେ ବ୍ୟସ୍ତ ଅଛନ୍ତି । ଗତ ମାସରେ ସେ ଆକ୍ସନ୍ ଥ୍ରୀଲରର ସିକ୍ୱେନ୍ସ ସୁଟିଂ କରିବାକୁ ମୁମ୍ବାଇ ଆସିଥିଲେ । ଏହି ସମୟରେ ଅନୁପମ ଖେରଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ତାଙ୍କୁ YRF ର ‘ବିଜୟ ୬୯’ ରେ ଦେଖିବାକୁ ମିଳିବ ଯାହା ଚଳିତ ବର୍ଷ OTT ପ୍ଲାଟଫର୍ମ ନେଟଫ୍ଲିକ୍ସରେ ସ୍ଟ୍ରିମିଂ ହେବ ଏବଂ କଙ୍ଗନା ରାନାୱତଙ୍କ ନିର୍ଦ୍ଦେଶିତ ଡେବ୍ୟୁ ‘ଏମର୍ଜେନ୍ସୀ’ ରେ ମଧ୍ୟ ନଜର ଆସିବେ ।

It was such a pleasure to meet one of my favourite persons and actor @tarak9999 last night. Have loved his work. May he keep rising from strength to strength! Jai Ho! 😍🕉👏 #Actors pic.twitter.com/XSetC87b4Y

— Anupam Kher (@AnupamPKher) May 1, 2024

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।