ଶାହରୁଖ ଏବଂ ସନି ଦେଓ୍ଵଲଙ୍କୁ ପଛରେ ପକାଇଲେ ସଲମାନ ଖାନ, ଦ୍ୱିତୀୟ ଦିନରେ ଜବରଦସ୍ତ ଆୟ କଲା ‘ଟାଇଗର ୩’
ଜବରଦସ୍ତ ଆୟ କରୁଛି ସଲମାନଙ୍କ ଫିଲ୍ମ ‘ଟାଇଗର ୩’ । ଦୁଇଦିନରେ ଫିଲ୍ମ ୧୦୦ କୋଟି କ୍ଲବରେ ସାମିଲ ହୋଇଛି । ଖୁବଶୀଘ୍ର ୫୦୦ କୋଟି କ୍ଲବରେ ସାମିଲ ହେବ ବୋଲି ଫ୍ୟାନ୍ସ ଆଶା ରଖିଛନ୍ତି ।
ସଲମାନଙ୍କ ଫିଲ୍ମ ‘ଟାଇଗର ୩’ ଦୀପାବଳିରେ ରିଲିଜ ହୋଇ ଜବରଦସ୍ତ ଆୟ କରୁଛି । ସଲମାନ ଏବଂ କ୍ୟାଟ୍ରିନାଙ୍କ ଫିଲ୍ମ ପ୍ରଥମ ଦିନରେ ୪୪ କୋଟି ଟଙ୍କା ରୋଜଗାର କରିଥିବା ବେଳେ ଦ୍ୱିତୀୟ ଦିନରେ ରେକର୍ଡ ଆୟ କରିଛି । ପ୍ରଥମ ଦିନରେ ଫିଲ୍ମ ଗଦର ୨ ଏବଂ ଦ୍ୱିତୀୟ ଦିନରେ ଫିଲ୍ମ ଜଓ୍ଵାନ ଆୟକୁ ପଛରେ ପକାଇଛି ‘ଟାଇଗର ୩’ । ଓପନିଂ ଡେ’ରେ ସଲମାନ ଖାନଙ୍କ କୌଣସି ଫିଲ୍ମ କେବେ ହେଲେ ଏତେ ଟଙ୍କା ଆୟ କରି ନଥିଲା ।
ସଲମାନଙ୍କ ଟାଇଗର ୩ ଦ୍ୱିତୀୟ ଦିନରେ ପାଖାପାଖି ୫୭.୫୦ କୋଟି ଆୟ କରିଛି । ଏହାସହିତ ୧୦୦କୋଟି କ୍ଲବରେ ସାମିଲ ହୋଇଛି । ସନି ଦେଓ୍ଵଲଙ୍କ ଫିଲ୍ମ ଗଦର ୨ ପ୍ରଥମ ଦିନ ଅପେକ୍ଷା ଅଧିକ ୪୩ କୋଟି ଟଙ୍କା ଆୟ କରିଥିଲା । ସେହିପରି ଜଓ୍ଵାନ ଦ୍ୱିତୀୟ ଦିନରେ ୫୩ କୋଟି ଆୟ କରିଥିଲା । ହେଲେ ଟାଇଗର ୩ ଏସବୁକୁ ପଛରେ ପକାଇ ଦେଇଛି ।
TIGER HITS CENTURY IN 2 DAYS… #Tiger3 hits the ball out of the park on Day 2 [Mon]… The *2-day* total now crosses ₹ 100 cr mark, it’s the third #Hindi film [in 2023] to hit century in 2 days / 48 hours: #Pathaan [Jan], #Jawan [Sept] and now #Tiger3 [Nov].#Tiger3 went on an… pic.twitter.com/pWbQCAEVUy
— taran adarsh (@taran_adarsh) November 14, 2023
ଟାଇଗର ୩ ସଲମାନଙ୍କ କ୍ୟାରିଅରର ସବୁଠୁ ବଡ ଓପନିଂ ଫିଲ୍ମ । ତେବେ ଯଦି ଫିଲ୍ମ ଏମିତି ଆୟ କରେ, ତେବେ ଖୁବଶୀଘ୍ର ୫୦୦ କୋଟି କ୍ଲବରେ ଫିଲ୍ମ ସାମିଲ ହୋଇଯିବ ।
ତେବେ ଟାଇଗର ୩’ ଫିଲ୍ମରେ ଶାହରୁଖ ଖାନଙ୍କ କେମିଓ ଦେଖିବାକୁ ମିଳିଛି । ଯାହାକୁ ଦେଖି ଫ୍ୟାନ୍ସ ଦିଓ୍ଵାନା ହୋଇଛନ୍ତି । ସଲମାନ ଖାନ, କ୍ୟାଟ୍ରିନା କୈଫ ଏବଂ ଇମ୍ରାନ ହାସମୀଙ୍କୁ ଲିଡ୍ ରୋଲରେ ଦେଖିବାକୁ ମିଳିଛି । ଖଳନାୟକ ଭାବେ ଇମ୍ରାନ ଫ୍ୟାନ୍ସଙ୍କ ମନ ଛୁଇଁଛନ୍ତି ।
