ଗୋଟେ ଭଲ ଜୀବନସାଥୀ ପାଇବାକୁ ଚାହୁଁଛନ୍ତି କି? ଧ୍ଯାନ ଦିଅନ୍ତୁ ଏହି ୫ଟି ଦିଗ ଉପରେ
ସାରା ଜୀବନ ଖୁସିରେ ରହିବା ପାଇଁ ଏକ ଭଲ ଜୀବନ ସାଥିର ନିହାତି ଜରୁରୀ ହୋଇଥାଏ । ଯଦି ସାଥି ମନମୁତାବକ ହୋଇଥାଏ, ଏବଂ ମନକୁ ବୁଝିଲାବାଲା ହୋଇଥାଏ ତେବେ ବୈବାହିକ ଜୀବନ ଖୁସିମୟ ହୋଇଥାଏ ।
ତେବେ ଜାଣନ୍ତୁ ଗୋଟେ ସାଥୀକୁ ବାଛିବାରେ କେଉଁ ଦିଗ ପ୍ରତି ଧ୍ଯାନ ଦେବା ଆବଶ୍ଯକ
ଆପଣଙ୍କ ସ୍ବଭାବ ସହ ମେଳ ଖାଉଥିବ
ଆପଣ ଏମିତି ସାଥି ଟିଏ ବାଛିବା ଦରକାର ଯାହାର ସ୍ବଭାବ ଆପଣଙ୍କ ସ୍ବଭାବ ସହ ମେଳ ଖାଉଥିବ । ଏହା ଧ୍ଯାନ ଦିଅନ୍ତୁ କି ସବୁ ସ୍ବଭାବ ସମାନ ନହେଲେ ମଧ୍ଯ ଅଧିକତଃ ଯେପରି ସମାନ ହେଉଥିବ । ଯେବେ ଆପଣ କାହା ସହ ଜୀବନ ବିତାଇବାକୁ ଚାହୁଁଛନ୍ତି ତେବେ ଏହି ଦିଗ ପ୍ରତି ଧ୍ଯନ ଦେବା ଆବଶ୍ଯକ । ଯାହାଫଳରେ ଆପଣ ଉଭୟ ମିଶି ବହୁତ ସାରା କାମ ଏକାଠି ଏବଂ ସହଜରେ କରିପାରିବେ ।
ସ୍ତରରେ ନଥିବ ବଡ ଅନ୍ତର
ବିବାହ ଦିନଟେ ପାଇଁ ହୋଇନଥାଏ ,ଏହା ସାରା ଜୀବନ ପାଇଁ ହୋଇଥାଏ । ତେଣୁ ଉଭୟଙ୍କ ପରିବାର ଲୋକେ ମଧ୍ଯ ସମାନ ସ୍ତରର କିମ୍ବା ଟିକେ ତଳ ଉପର ହେଲେ ଚଳିବ । କିନ୍ତୁ ଏକ ବଡ ସ୍ତରର ଭିନ୍ନତା ରହିଲେ ସମ୍ପର୍କରେ ତିକ୍ତତା ଆସିପାରେ ।
ପରସ୍ପରକୁ ସମ୍ମାନ କରିବା
ଆପଣ ଏମିତି କୌଣସି ସାଥି ସହ ଜୀବନ ଅତିବାହିତ କରିପାରିବେ ନାହିଁ ଯାହା ମନରେ ଆପଣଙ୍କ ପ୍ରତି ସମ୍ମାନ ନଥିବ । ତେଣୁ ସାଥି ଏମିତି ହେବା ଦରକାର କି, ସେ ଆପଣଙ୍କୁ ସମ୍ମାନ ଦେଉଥିବା ସହ ପରିବାର ଲୋକଙ୍କୁ ଯେପରି ସମ୍ମାନ ଦେଉଥିବ ।
ପରସ୍ପର ଉପରେ ଭରଷା ରଖିବା
ଆଜିକାଲିକା ଦୁନିଆରେ ସବୁଠାରୁ ଜରୁରୀ କଥା ହେଉଛି ପରସ୍ପର ପ୍ରତି ବିଶ୍ବାସ ଏବଂ ଭରଷା ରଖିବା । ଯଦି ଆପଣ ପରସ୍ପର ପ୍ରତି ଭରଷା ନ ରଖିବେ ତେବେ ବୈବାହିକ ଜୀବନ ଖୁସିରେ ଅତିବାହିତ ହେବାରେ ସମସ୍ଯା ଦେଖାଦେବ ।
ଏକାଠି ସମୟ ଅତିବାହିତ କରନ୍ତୁ
ଯେତେବେଳେ ସମୟ ପାଉଛନ୍ତି ସାଥୀଙ୍କ ସହିତ ସମୟ ଅତିବାହିତ କରନ୍ତୁ । ସମୟ ଅତିବାହିତ କରିବା ଦ୍ବାରା ବୈବାହିକ ଜୀବନ ଶାନ୍ତିମୟ ଏବଂ ଖୁସିମୟ ହୋଇଥାଏ ।
