ଆଜିକାଲି ବ୍ୟସ୍ତବହୁଳ ଜୀବନରେ ସ୍ୱାସ୍ଥ୍ୟର ଯତ୍ନ ନେବା ବହୁତ ସମସ୍ୟା ହୋଇଗଲାଣି। ଅସମୟରେ ଖାଦ୍ୟ ଖାଇବା ଏବଂ ଠିକ ଭାବରେ ଡାଏଟ୍ ନନେବା କାରଣରୁ ଲୋକଙ୍କ ମଧ୍ୟରେ କ୍ଳାନ୍ତି ଓ ଅଳସୁଆପଣ ଆସିଥାଏ । ଏହି ସମସ୍ୟାରୁ ମୁକ୍ତି ପାଇବା ପାଇଁ ଆତ ବହୁତ ଭଲ କାମ କରେ ।
-ଆତରେ ଆଣ୍ଟିଅକ୍ସିଡେଣ୍ଟ ଏବଂ ଭିଟାମିନ୍ -ସି ପ୍ରଚୁର ପରିମାଣରେ ରହିଥାଏ। ଏହା ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ।
-ଆତରେ ଭିଟାମିନ ବି-୨ ମଧ୍ୟ ବହୁତ ମାତ୍ରାରେ ରହିଥାଏ। ପ୍ରତିଦିନ ଗୋଟିଏ ଲେଖାଏଁ ଆତ ଖାଇବା ଦ୍ୱାରା ମସ୍ତିଷ୍କ ଶାନ୍ତି ରହିଥାଏ। ବିରକ୍ତିଭାବ ଏବଂ କ୍ରୋଧରୁ ମୁକ୍ତି ମିଳିଥାଏ।
-ଏହାକୁ ଖାଇବା ଦ୍ୱାରା ରକ୍ତର ଅଭାବ ଅର୍ଥାତ ଏନିମିଆ ଠାରୁ ରକ୍ଷା ମିଳିଥାଏ। ଯଦି ସବୁବେଳେ ଅସ୍ତବ୍ୟସ୍ତ ଲାଗୁଥାଏ ତେବେ ଏହି ଫଳକୁ ଖାଇବା ଦ୍ୱାରା ବାନ୍ତି ଲାଗି ନଥାଏ।
-ଆତରେ ଅନେକ ପୋଷକ ତତ୍ତ୍ୱ ରହିଥାଏ ଯାହା ଶରୀରର ଦୁର୍ବଳତାକୁ ଦୂର କରିବାରେ ସାହାଯ୍ୟ କରିଥାଏ। ଏହାକୁ ନିୟମିତ ଭାବରେ ଖାଇବା ଦ୍ୱାରା ମୋଟାପଣ ଠାରୁ ରକ୍ଷା ମିଳିଥାଏ।
ଏହା ସହ ପଢନ୍ତୁ : ବର୍ଷା ଦିନେ ଦୁର୍ବଳ ହୋଇଯାଇଥାଏ ପାଚନ ଶକ୍ତି, ନିହାତି ଏହି ୫ଟି ଖାଦ୍ୟକୁ ଆପଣଙ୍କ ଡାଏଟ୍ ରେ କରନ୍ତୁ ସାମିଲ୍
-ଏଥିରେ ଥିବା ମ୍ୟାଗ୍ନେସିୟମ ଶରୀରରେ ଥିବା ଜଳକୁ ସନ୍ତୁଳିତ କରିଥାଏ। ଏହା ଗଣ୍ଠିରେ ଥିବା ଅମ୍ଳକୁ ହଟାଇଥାଏ। ଯାହାଦ୍ୱାରା ଆଣ୍ଠୁ-ଗଣ୍ଠି ରୋଗ ହୋଇନଥାଏ।
-ଏହା ଦାନ୍ତ ପାଇଁ ମଧ୍ୟ ବହୁତ ଲାଭଦାୟକ। ଏହାଦ୍ୱାରା କ୍ୟାଲସିୟମ ଏବଂ ଭିଟାମିନ୍-ସି ମିଳିଥାଏ । ଆତ ଖାଇଲେ ଦାନ୍ତ ଯନ୍ତ୍ରଣା ଏବଂ ମାଢ଼ି ଫୁଲିବା ଠାରୁ ରକ୍ଷା ମିଳିଥାଏ।
-ଆତ ଶରୀରର ବ୍ଲଡ୍ ସୁଗାରକୁ ନିୟନ୍ତ୍ରିତ ରଖିବାରେ ସାହାଯ୍ୟ କରିଥାଏ। ଏହାକୁ ଖାଇବା ଦ୍ୱାରା ରକ୍ତରେ ଅତିରିକ୍ତ ସୁଗାର ଶୋଷି ହୋଇଯାଏ। ଯାହାଦ୍ୱାରା ମଧୁମେହ ଭଳି ମରାତ୍ମକ ରୋଗ ହୋଇନଥାଏ।
-ଏଥିରେ ସୋଡିୟମ ଏବଂ ପୋଟାସିୟମ ସନ୍ତୁଳିତ ମାତ୍ରାରେ ରହିଥାଏ ଯାହା ଦ୍ୱାରା ରକ୍ତ ସଞ୍ଚାଳନ ଠିକ ରହିଥାଏ। ଏହାଦ୍ୱାରା ବ୍ଲଡପ୍ରେସର ସାମାନ୍ୟ ରହିଥାଏ।
-ଆତରେ ଭିଟାମିନ ସି ଏବଂ ରେବୋଫ୍ଲୋବିନ ବହୁତ ଅଧିକ ମାତ୍ରାରେ ରହିଥାଏ। ଏହାଦ୍ୱାରା ଚକ୍ଷୁର ରଶ୍ମି ବଢ଼ିଥାଏ ଏବଂ ଚଷମା ବି ଦରକାର ପଡ଼ିବ ନାହିଁ ।