ଜାଣନ୍ତି କି ଆପଣଙ୍କ ଫ୍ରିଜରେ ଥିବା ‘ଗାଜର’ ଆପଣଙ୍କ ଶରୀରକୁ ପ୍ରଦୂଷଣରୁ ରକ୍ଷା କରିପାରିବ
ଦେଶରେ ପ୍ରଦୂଷଣର ମାତ୍ରା ବଢି଼ବା କଥାତ ନକହିବା ଭଲ । ବିଶେଷ କରି ଦେଶର ରାଜଧାନୀ ଦିଲ୍ଲୀରେ ପ୍ରଦୂଷଣର ମାତ୍ରା ଏମିତି ବଢ଼ିଲାଣି ଯେ ଘରୁ ପାଦ କାଢ଼ିବା ବି ଅସମ୍ଭବ ହେଲାଣି । ଏମିତିକି ଏହି କାରଣରୁ ସରକାର ଦିଲ୍ଲୀର ସ୍କୁଲ, କଲେଜକୁ କିଛି ଦିନ ପାଇଁ ବନ୍ଦ କରିଦେଇଛନ୍ତି । ଖାଲି ଦିଲ୍ଲୀ କାହିଁକି ଦେଶର ଅନ୍ୟ ସହର ଗୁଡିକରେ ପ୍ରଦୂଷଣର ମାତ୍ରା ବିଗତ ୫ ବର୍ଷ ଭିତରେ ବେଶ ବଢି ଯାଇଛି । ଅତ୍ୟଧିକ ଯାନବାହାନ ଚଳାଚଳ, ନିର୍ମାଣ ଧୀନ କାର୍ଯ୍ୟ ଗୁଡିକର ବୃଦ୍ଧି, ମାତ୍ରାଧିକ ଗଛ କଟା ହେଉଛି ପ୍ରଦୂଷଣ ବୃଦ୍ଧିର ଗୋଟେ ଗୋଟେ ପ୍ରମୁଖ କାରଣ । ତେଣୁ ଆମକୁ ବେଳହୁଁ ସାବଧାନ ହୋଇ ଏହି ପ୍ରଦୂଷଣରୁ ନିଜକୁ ରକ୍ଷା କରିବାକୁ ପଡିବ । ଆପଣ ଜାଣନ୍ତି ଆପଣଙ୍କ ଘରେ ପ୍ରାୟ ସମୟରେ ରହୁଥିବା ଏକ ସାଧାରଣ ପରିବା ଗାଜର ପ୍ରଦୂଷଣ ଠାରୁ ଆମକୁ ବଞ୍ଚାଇବାରେ ବିଶେଷ ସହାୟକ ହୋଇଥାଏ । ତେବେ ଆସନ୍ତୁ ଜାଣିବା କେମିତି ଏହା ସୁରକ୍ଷା ଦେଇଥାଏ ।
୧. ଗାଜରରୁ ଶରୀରକୁ ଆଣ୍ଟି ଆକ୍ସିଡେଣ୍ଟ, ଭିଟାମିନ ଏ ଓ ପୋଟାସିୟମ ଭଳି ତତ୍ତ୍ୱ ମାନ ମିଳିଥାଏ । ଏଗୁଡିକ ପ୍ରଦୂଷଣ ଠାରୁ ଶରୀରକୁ ରକ୍ଷା କରିଥାଏ । ଏହା ସହ ଏହା ଅନ୍ଧାରକଣା ଭଳି ମାରାତ୍ମକ ରୋଗକୁ ମଧ୍ୟ ଟକ୍କର ଦେଇଥାଏ ।
୨. ଗାଜରରେ ବିଟା କାରୋଟିନ, ଭିଟାମିନ କେ , ପୋଟାସିୟମ, ଫାଇବର ପରି ବହୁ ଗୁରୁତ୍ୱପୁର୍ଣ ତତ୍ତ୍ୱ ମାନ ରହିଛି । ଯାହାକି ବାୟୁ ପ୍ରଦୂଷଣ, ଜଳ ପ୍ରଦୂଷଣ ପରି ମାରାତ୍ମକ ଘାତକ ମାନଙ୍କ ଠାରୁ ବଂଚାଇଥାଏ ।
୩. ଆଉ ମଧ୍ୟ ଗାଜର ଖାଇବା ଦ୍ୱାରା ଓଜନ କମ ହୋଇଥାଏ । ଏହା ସହ ଆଖିକୁ ସୁସ୍ଥ ରଖିଥାଏ । ଗାଜର ଖାଇବା ଦ୍ୱାରା ଶରୀରକୁ ନାଚୁରାଲ ଗ୍ଲୁକୋଜ ଓ ଶୁକ୍ରଜ ମିଳିଥାଏ । ଏହା ଖାଇବା ଦ୍ୱାରା ଗ୍ଲିକେମିକ୍ସ ଇଣ୍ଡେକ୍ସ କମ ହୋଇଥାଏ ଯାହା ଡାଇବେଟିସ ପରି ମାରାତ୍ମକ ରୋଗ ପ୍ରକୋପରୁ ଶରୀରକୁ ଦୁରେଇ ରଖେ ।
ଏହା ସହ ପଢନ୍ତୁ: ଶୀତଦିନେ ହାତ ଶୁଷ୍କ ହୋଇଯାଉଥିଲେ ଲଗାନ୍ତୁ ଏହି ଚାରିଟି ଘରୋଇ ମାସ୍କ, ତ୍ୱଚା ହେବ ମୁଲାୟମ
୪. ଗାଜରରେ ମହଜୂତ ଥିବା ବିଟା କାରୋଟିନ ତତ୍ତ୍ୱ ଭିଟାମିନ ଏ କୁ ରୂପାନ୍ତରିତ ହୋଇଥାଏ । ଯାହାକି ଶରୀରର ଇମ୍ମ୍ୟୁନିଟି ବା ରୋଗ ପ୍ରତିରୋଧ ଶକ୍ତିକୁ ଅଧିକ ଶକ୍ତ କରିଥାଏ । ଫଳରେ ପ୍ରଦୂଷଣ ଯୋଗୁଁ ହେଉଥିବା ରୋଗ ଶରୀରକୁ ସେତେଟା ଭେଦ କରିପାରେ ନାହିଁ । ଏହା ଛଡା ଏହା ବହୁ ଅନ୍ୟାନ ରୋଗକୁ ମଧ୍ୟ ମାତ ଦେଇ ପାରିଥାଏ ।
