ସନ୍ଧ୍ୟା ଟିଫିନ ପାଇଁ ଘରେ ବନାନ୍ତୁ “କଦଳୀ ଚକୋଲେଟ ଚିପ୍ସ ମଫିନ”, ପିଲାଙ୍କୁ ମଜା ଆସିଯିବ
ଆପଣ ନିଶ୍ଚିତ ରୂପେ ଦୋକାନ ବଜାରରେ ସ୍ୱାଦିଷ୍ଟ ମଫିନ ଖାଇଥିବେ । ଭେଜ ମଫିନ, ଚକୋଲେଟ ମଫିନ ଏମିତି କେତେ କଣ । କିନ୍ତୁ କେବେ କଦଳୀ ଫ୍ଲେଭରର ମଫିନ ତା ଭିତରେ ପୁଣି ଚକୋଲେଟ ଚିପ୍ସ ଥିବା ଚାଖିଛନ୍ତି କି । ଯଦି କେବେ ଖାଇନାହାନ୍ତି ତେବେ ଖୋଜି ଖୋଜି ଖାଆନ୍ତୁ । ଅଥବା ନିଜେ ଘରେ ନିଜେ ଥରେ ବନାନ୍ତୁ । ତେବେ ପ୍ରସ୍ତୁତ କରିବା ପାଇଁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ ବାବଦରେ ଲେଖିରଖନ୍ତୁ:
ଅଧ କପ ବଟର
ଗୋଟେ କପ ଗୁଣ୍ଡ ହୋଇଥିବା ଚିନି
୨ ଟି ବଡ ଅଣ୍ଡା
୩ ଟି କଦଳୀ- ପାଚି ଯାଇଥିବ
ଗୋଟେ ଚାମଚ ଭାନିଲା ଫ୍ଲେଭର
ଦେଢ଼ କପ ମଇଦା
ଗୋଟେ ଛୋଟ ଚାମଚ ବେକିଙ୍ଗ ସୋଡା଼
ଅଧା ଚାମଚ ଲୁଣ
ଗୋଟେ କପ ଚକୋଲେଟ ଚିପ୍ସ
ପ୍ରସ୍ତୁତି ପ୍ରଣାଳୀ:
– ପ୍ରଥମେ ଓଭାନକୁ ୩୫୦ ଡିଗ୍ରୀ ଫାରେନହିଟରେ ଗରମ କରନ୍ତୁ । ଏହାପରେ ପେପର ଦେଇ ମଫିନ ଟ୍ରେକୁ ବସାନ୍ତୁ ।
– ଏବେ ଏକ ମିକସିଙ୍ଗ ବାଉଲରେ ବଟର, ଚିନିକୁ ଭଲ ଭାବରେ ମିଶାନ୍ତୁ । ସେଥିରେ ଦୁଇଟି ଅଣ୍ଡା ଭାଙ୍ଗିକି ପକାନ୍ତୁ ।
– ଏବେ ସେଥିରେ କଦଳୀ ଚକଟା, ଭାନିଲା ଗୁଣ୍ଡକୁ ଭଲ ଭାବରେ ଗୋଳାଇ ଦିଅନ୍ତୁ ।
– ଏବେ ଆଉ ଏକ ପାତ୍ରରେ ଦେଢ଼ କପ ମଇଦା, ଗୋଟେ ଚାମଚ ବେକିଙ୍ଗ ସୋଢା,କିଛି ଲୁଣ ଦିଅନ୍ତୁ । ଏବେ ଶୁଖିଲା ମିକ୍ସ ସହିତ ଓଦା ମିକ୍ସକୁ ଏକାଠି କରି ଭଲ ଭାବରେ ମିଶାଇ ଦିଅନ୍ତୁ ।
– ଏବେ ସେଥିରେ ଚକୋଲେଟ ଚିପ୍ସ ଦିଅନ୍ତୁ । ଆଉ ଏହି ବାଟରକୁ ୧୨ଟି ଜାଗାରେ ସମାନ ପରିମାଣରେ ବାଣ୍ଟ କରି ଦିଅନ୍ତୁ । ଚାହିଁଲେ ଚିପ୍ସ ଗୁଡିକୁ ପକେଇ ପାରିବେ ।
– ଏବେ ୩୫୦ଡିଗ୍ରୀ ଫାରେନହିଟ ତାପମାତ୍ରାରେ ୨୫ ରୁ ୩୦ ମିନିଟ ପାଇଁ ବେକ କରିଦିଅନ୍ତୁ । ଉପର ପାଖ ସୁନେଲି ରଙ୍ଗ ହେବା ଯାଏଁ ସେକନ୍ତୁ ।
