ଆଜି ସନ୍ଧ୍ୟା ଜଳଖିଆରେ କଣ ବନେଇବେ ଚିନ୍ତା କରୁଛନ୍ତି ନା, ତେବେ ଫଟାଫଟ ଜାଣି ରଖନ୍ତୁ “ବ୍ରେଡ ଉତ୍ତପମ”ର ପ୍ରସ୍ତୁତି ପ୍ରଣାଳୀ
ସକାଳ ଜଳଖିଆରେ କଣ ବନେଇବେ ସେନେଇ ସବୁ ଗୃହିଣୀଙ୍କର ଏକ ଚିନ୍ତା ଥାଏ । ଆଉ ସେପଟେ ସକାଳ ଜଳଖିଆ ଯଦି ସ୍ୱାଦିଷ୍ଟ ନହୁଏ ପରିବାର ଲୋକେ ବି ଅଶାନ୍ତି ହୋଇଯାନ୍ତି । ତେଣୁ ସକାଳ ସମୟରେ ଯେମିତି ସୁସ୍ୱାଦୁ ଜଳଖିଆ ହେବ ସେହି ଚେଷ୍ଟାରେ ପ୍ରାୟ ସବୁ ଗୃହିଣୀ ଥାନ୍ତି । ଆପଣଙ୍କ ସେହି ଚେଷ୍ଟାକୁ ଦୂର କରିବା ପାଇଁ ଆଜି ଆମେ ଆପଣଙ୍କ ପାଇଁ ନେଇ ଆସିଛୁ ସହଜ ଓ ସୁବିଧାରେ ପ୍ରସ୍ତୁତ ହୋଇ ପାରୁଥିବା ଜଳଖିଆ “ବ୍ରେଡ ଉତ୍ତପମ” ।
ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
– ବ୍ରେଡ ସ୍ଲାଇସ
– ଅଧା କପ ସୁଜି
– ୨ ଚାମଚ ଚାଉଳ ଗୁଣ୍ଡ
– ଅଧା କପ ଦହି
– ଲୁଣ ସ୍ୱାଦ ଅନୁସାରେ
– ସେକିବା ପାଇଁ କିଛି ତେଲ
– କିଛି କଟା ଯାଇଥିବା ପିଆଜ
– ଗୋଟେ ଟମାଟୋ
– ୩ ଚାମଚ ଧନିଆ ପତ୍ର
– କିଛି ଭୃସଙ୍ଗ ପତ୍ର
– କଞ୍ଚା ଲଙ୍କା
ପ୍ରସ୍ତୁତି ପ୍ରଣାଳୀ:
– ପ୍ରଥମେ ବ୍ରେଡର କଡ ଗୁଡିକୁ କାଟି ନିଅନ୍ତୁ । ହାତରେ ଗୁଣ୍ଡ ଗୁଣ୍ଡ କରି ଦିଅନ୍ତୁ ।
– ଏକ ପାତ୍ରରେ ବ୍ରେଡ ଗୁଣ୍ଡ, ସୁଜି, ଚାଉଳ ଗୁଣ୍ଡ,ଦହି, ପାଣି, ଲୁଣ ଥୋଇ ଭଲ ଭାବରେ ଫେଣ୍ଟି ଦିଅନ୍ତୁ । 20 ମିନିଟ ପାଇଁ ଢାଙ୍କି ରଖି ଦିଅନ୍ତୁ ।
– ଏବେ ଏହି ମିଶ୍ରଣକୁ ଗ୍ରାଇଣ୍ଡରରେ ଦେଇ ଗ୍ରାଇଣ୍ଡ କରି ନିଅନ୍ତୁ । ଆବଶ୍ୟକତା ଅନୁସାରେ ପାଣି ଦେଇ ଏକ ପତଳା ଘୋଳ ପ୍ରସ୍ତୁତ କରନ୍ତୁ ।
– ଏବେ ଚୁଲାରେ ଏକ ନନ ଷ୍ଟିକ ପ୍ୟାନ ବସାନ୍ତୁ । ଗରମ ହେଲେ ତେଲ ଦେଇ ଦୋସା ଭଳି ଘୋଳ ଦେଇ ଦୋଶା ବନାନ୍ତୁ ।
– ଏବେ ତାହା ଉପରେ ଷ୍ଟପିଙ୍ଗ ସାମଗ୍ରୀ ଓ କଡରେ ତେଲ ଦିଅନ୍ତୁ ।
– ଦରକାର ପଡିଲେ ଲେଉଟାଇ ଦିଅନ୍ତୁ ।
– ଏବେ ନିଜ ପସନ୍ଦର ଚଟଣି ସହ ଗରମ ଗରମ ଉତ୍ତପମର ମଜା ନିଅନ୍ତୁ ।