ସାଇନସ୍ ସମସ୍ୟାରୁ ମୁକ୍ତି ଦେବ ହସ୍ତ ମୁଦ୍ରା, ପ୍ରତିଦିନ ଏମିତି କରନ୍ତୁ ଅଭ୍ୟାସ
ବର୍ତ୍ତମାନ କୋଭିଡ ମହାମାରୀ ଆସିବା ପରେ ଅନେକ ଫ୍ଲୁ ଜନିତ ରୋଗ କିଛି ଲୋକଙ୍କୁ ହେଉଛି। ଯାହା ପାଇଁ ଅନେକ ଅସୁବିଧାର ସାମ୍ନା କରୁଛନ୍ତି କିଛି ଲୋକ। କାରଣ ସଂକ୍ରମଣ ମଧ୍ୟ ସେହି ହିସାବରେ ବଢୁଛି। ଥଣ୍ଡା ହେଲେ ଆଉ ଏକ ବଡ଼ ଅସୁବିଧା ହେଉଛି ମୁଣ୍ଡ ବିନ୍ଧିବା । ପୁଣି ଏହା ଅଧିକ ହୋଇଥାଏ ଯଦି କାହାର ସାଇନସ୍ ଥାଏ। କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ଟିପ୍ସ ବିଷୟରେ କହିବୁ, ଯାହା ଦ୍ଵାରା ଆପଣ ଅତି ସହଜ ଉପାୟରେ ନିଜର ସାଇନସ୍ ଦୂର କରିପାରିବେ।
ସାଇନସ୍ ହେଇଛି ନାକ ସହିତ ଜଡିତ ଏକ ରୋଗ, ଯେଉଁଥିରେ ଥଣ୍ଡା ପାଇଁ ନାକ ବନ୍ଦ ହେବା ସହିତ ପ୍ରବଳ ମାତ୍ରାରେ ମୁଣ୍ଡବିନ୍ଧା ଏବଂ ନିଶ୍ୱାସ ପ୍ରଶ୍ୱାସ ଭଳି ସମସ୍ୟା ଦେଖାଯା। ଏହା ଦ୍ୱାରା ପ୍ରଭାବିତ ଲୋକଙ୍କ ଜୀବନ ଖାସକରି ମେଡିସିନ ଉପରେ ନିର୍ଭରଶୀଳ ହୋଇଯାଏ। ଅବଶ୍ୟ, ସାଇନସ୍ ରୋଗରେ ପୀଡିତ ଲୋକମାନେ ସେମାନଙ୍କର ଦୈନନ୍ଦିନ ଜୀବନରେ କିଛି ହସ୍ତ ମୁଦ୍ରା କରି ଯୋଗ କରି ଏହି ବଡ଼ ସମସ୍ୟାରୁ ମୁକ୍ତି ପାଇପାରିବେ।
ଆସନ୍ତୁ ଜାଣିବା ଏହିପରି କିଛି ହାସ୍ତ ମୁଦ୍ରା ବିଷୟରେ, ଯାହା ଆପଣଙ୍କୁ ସାଇନସରୁ ମୁକ୍ତି ଦେବ:
୧.ଜଳ ଶାମକ ମୁଦ୍ରା:
ସର୍ବପ୍ରଥମେ, ପଦ୍ମସନ କିମ୍ବା ସୁଖାସନ ସ୍ଥିତିରେ ଯୋଗରେ ବସନ୍ତୁ। ଏହାପରେ ନିଜର ଦୁଇ ହାତକୁ ସିଧା କରି ଆଣ୍ଠୁରେ ରଖନ୍ତୁ। ଏହି ସମୟରେ ଆପଣଙ୍କ ପାପୁଲି ଉପର ଆଡକୁ ମୁହାଁଇବା ଉଚିତ। ବର୍ତ୍ତମାନ ନିଜର ଦୁଇ ହାତର ବୁଢ଼ା ଆଙ୍ଗୁଠିକୁ କନିଷ୍ଠ ଆଙ୍ଗୁଠି ଉପରେ ରଖନ୍ତୁ ଓ ଅନ୍ୟ ସମସ୍ତ ଆଙ୍ଗୁଠିକୁ ସିଧା ରଖନ୍ତୁ ।
ଏହା ପରେ ଆପଣ ଆଖିକୁ ବନ୍ଦ କରି ନିଶ୍ବାସ ପ୍ରଶ୍ଵାସ ନିଅନ୍ତୁ। ଏହାକୁ ଖାସକରି ୧୫ ରୁ ୨୦ ମିନିଟ୍ ପର୍ଯ୍ୟନ୍ତ କରନ୍ତୁ। ଏପରି ନିୟମିତ କରିବା ଦ୍ୱାରା ସାଇନସ ଆପଣ ପ୍ରାକୃତିକ ଉପାୟରେ କମାଇ ପାରିବେ।
୨.ଅପାନ ବାୟୁ ମୁଦ୍ରା:
ଅପାନ ଭାୟୁ ମୁଦ୍ରା ପାଇଁ ପ୍ରଥମେ ସୁଖାସନା ମୁଦ୍ରାରେ ବସନ୍ତୁ। ବର୍ତ୍ତମାନ ନିଜର ହାତକୁ ସିଧା କରି ଆଣ୍ଠୁରେ ରଖନ୍ତୁ। ଏହି ସମୟରେ ଆପଣଙ୍କ ପାପୁଲି ଆକାଶ ଆଡକୁ ରହିବା ଉଚିତ୍। ଏହା ପରେ, ନିଜ ହାତର ଇଣ୍ଡେକ୍ସ ଫିଙ୍ଗର ବା ବିଶି ଆଙ୍ଗୁଠିକୁ ବଙ୍କା କରି ଆଙ୍ଗୁଠିର ମୂଳକୁ ସ୍ପର୍ଶ କରନ୍ତୁ, ତା’ପରେ ରିଙ୍ଗ ଫିଙ୍ଗର ଏବଂ ମଧ୍ୟ ଆଙ୍ଗୁଠିକୁ ବଙ୍କା କରି ଆଙ୍ଗୁଠିର ଟିପକୁ ଦବାନ୍ତୁ।
ଏହି ସମୟରେ, ଛୋଟ ଆଙ୍ଗୁଠିକୁ ବାହାରକୁ ରଖନ୍ତୁ ଏବଂ ଉଭୟ ଆଖି ବନ୍ଦ ରଖନ୍ତୁ। କିଛି ସମୟ ପରେ ଏହି ମୁଦ୍ରାକୁ ଛାଡିଦିଅନ୍ତୁ। ଏହାକୁ ଆପଣ ନିୟମିତ କରନ୍ତୁ।
୩. ଜେଣ୍ଡର ପୋଜ୍:
ସର୍ବପ୍ରଥମେ, ଏକ ଆରାମଦାୟକ ଯୋଗ ମ୍ୟାଟରେ ଉପରେ ବସନ୍ତୁ । ବର୍ତ୍ତମାନ ନିଜର ଦୁଇ ହାତକୁ ପେଟ ଉପରେ ରଖନ୍ତୁ, ପାପୁଲିକୁ ମିଶାଇ ଆଙ୍ଗୁଠିଗୁଡ଼ିକୁ ଇଣ୍ଟରଲକ୍ କରନ୍ତୁ। ମନେରଖନ୍ତୁ ଯେ ଆପଣଙ୍କର ବାମ ବୁଢ଼ା ଆଙ୍ଗୁଠି ଉପରକୁ ଉଠିବା ଦରକାର। ଏହି ମୁଦ୍ରାକୁ ପ୍ରାୟ ୧୫ ମିନିଟ୍ କରି ରଖନ୍ତୁ ଏବଂ ସାଧାରଣ ଭାବରେ ନିଶ୍ୱାସ ଛାଡନ୍ତୁ।
୪. ପ୍ରାଣ ମୁଦ୍ରା:
ସର୍ବପ୍ରଥମେ ପଦ୍ମାସନ କରି ଯୋଗ ମ୍ୟାଟ ଉପରେ ବସନ୍ତୁ। ବର୍ତ୍ତମାନ ଦୁଇ ହାତକୁ ଆଣ୍ଠୁ ଉପରେ ରଖ ରଖନ୍ତୁ। ଏହି ସମୟରେ ପାପୁଲି ଆକାଶ ଆଡକୁ ରହିବା ଉଚିତ୍। ଏହା ପରେ, ବୁଢ଼ା ଆଙ୍ଗୁଠିର ଟିପ୍ ସହିତ ନିଜ ହାତର ଛୋଟ ଆଙ୍ଗୁଠି ଏବଂ ରିଙ୍ଗ୍ ଆଙ୍ଗୁଠିକୁ ସ୍ପର୍ଶ କରାନ୍ତୁ। ବାକି ଆଙ୍ଗୁଠିକୁ ସିଧା ରଖନ୍ତୁ, ତା’ପରେ ଉଭୟ ଆଖିକୁ ବନ୍ଦ କରନ୍ତୁ ଏବଂ ଏହି ମୁଦ୍ରା କରି ଆପଣ ପ୍ରାୟ ୨୦-୨୫ ମିନିଟ୍ ରହିବାକୁ ଚେଷ୍ଟା କରନ୍ତୁ।
ଏହି ସବୁ ମୁଦ୍ରା ଖୁବ୍ ଲାଭ ଦାୟକ। ଆପଣ ନିଶ୍ଚୟ ଶୁଣିଥିବେ ପ୍ରାଚୀନ କାଳରୁ ହିଁ ଯୋଗୋ ବିଦ୍ୟାର ଅନେକ ଲାଭ ରହିଆସିଛି। ତେଣୁ ଆପଣ ଏହି ସବୁ ଯୋଗୋ ମୁଦ୍ରା ଆପଣାଇ ସାଇନସ ରୋଗ ଦୂର କରିପାରିବେ।