ତେନ୍ତୁଳି ପଣା
ସାମଗ୍ରୀ
ମଞ୍ଜି ଛଡା ତେନ୍ତୁଳି : ୨ ଚାମଚ, ଗୁଡ : ୨ ଚାମଚ, ଗୋଲମରୀଚ ପାଉଡର : ୧/୪ ଚାମଚ, ଅଳେଇଚ ପାଉଡର : ୧/୪ ଚାମଚ, ବିଟ୍ ଲୁଣ : ୧/୨ ଚାମଚ, ଚାଟ ମସଲା : ୧/୨ ଚାମଚ, ପୋଦିନା ପତ୍ର : ୬ଟି, ପାଣି : ୧ ଲିଟର।
ପ୍ରସ୍ତୁତି ପ୍ରଣାଳୀ
ତେନ୍ତୁଳିକୁ ଧୋଇ ସମସ୍ତ ସାମଗ୍ରୀ ସହିତ ମିକ୍ସରରେ ୧ କପ୍ ପାଣି ଦେଇ ଭଲଭାବେ ଗ୍ରାଇଣ୍ଡିଂ କରିଦିଅନ୍ତଚ। ଏବେ ଏହାକୁ ଛଣାରେ ଛାଣି ଦିଅନ୍ତୁ। ଏବେ ଏଥିରେ ବଳକା ଥିବା ପାଣି ପକାନ୍ତୁ ଏବଂ ୨ ଘଣ୍ଟା ପର୍ଯ୍ୟନ୍ତ ଫ୍ରିଜରେ ରଖିବା ପରେ ବରଫ ଖଣ୍ଡ ପକାଇ ସର୍ଭ କରନ୍ତୁ।
ଆମ ପନା ରେସିପି
ସାମଗ୍ରୀ
କଞ୍ଚା ଆମ୍ବ : ୫୦୦ ଗ୍ରାମ, ପାଣି : ୧/୨ ଲିଟର, ଚିନି : ୫୦୦ ଗ୍ରାମ, ଭଜା ଜିରା ପାଉଡର : ୨ ଚାମଚ, କଳା ଲୁଣ : ଦେଢ଼ ଚାମଚ, ଗୋଲମରୀଚ : ୧/୨ ଚାମଚ, ଛୋଟ ଅଳେଇଚ : ୪ଟି, ଅଦା : ୨ ଇଞ୍ଚର ଅଦା ଖଣ୍ଡ, ପୋଦିନା ପତ୍ର : ୧/୨ କପ୍
ପ୍ରସ୍ତୁତି ପ୍ରଣାଳୀ
ପ୍ରଥମେ ଆମ୍ବର ଚୋପା ଛଡାଇ ଛୋଟ ଛୋଟ ଖଣ୍ଡରେ କାଟି ୧/୨ ଲିଟର ପାଣିରେ ଫୁଟାନ୍ତୁ। ଆମ୍ବର ଟାକୁଆକୁ ଫୋପାଡି ଦିଅନ୍ତୁ। ମଝିରେ ମଝିରେ ଚଲାନ୍ତୁ ଯେତେବେଳେ ଆମ୍ବ ଭଲଭାବେ ହୋଇଯିବ ସେତେବେଳେ ଗ୍ୟାସ ଧୀମା କରି ଏହାକୁ ଚାମଚ୍ ସାହାଯ୍ୟରେ ଚକଟି ଦିଅନ୍ତୁ। ଏବେ ଚିନି ମିଶାଇ ୫ ରୁ ୧୦ ମିନିଟ୍ ଯାଏଁ ଆଞ୍ଚରେ ବସାନ୍ତୁ। ମଝିରେ ମଝିରେ ଏହାକୁ ଚଲାନ୍ତୁ ଯାହାଦ୍ୱାରା ଚିନି ସମ୍ପୂର୍ଣ୍ଣ ଭାବେ ମିଶିଯିବ। ଗ୍ୟାସ ବନ୍ଦ କରିଦିଅନ୍ତୁ। ଥଣ୍ଡା ହେବା ପରେ ପେଶି ଦିଅନ୍ତୁ। ସମସ୍ତ ମସଲା ଏବଂ ଅଦା, ପୋଦିନାକୁ ବି ଏକ ଚାମଚ ଚିନି ସହିତ ମିକ୍ସରରେ ପେଶି ଆମ୍ବ ପେଷ୍ଟରେ ମିଶାଇ ଦିଅନ୍ତୁ। ଏବେ ଏହାକୁ ଛଙ୍କାରେ ଛାଣି କାଚ ବୋତଲରେ ଭରିଦିଅନ୍ତୁ। ଏବେ ଏଥିରୁ ଗୋଟେ ଚାମଚ ନେଇ ଗ୍ଲାସରେ ରଖି ଥଣ୍ଡା ପାଣି ମିଶାଇ ସର୍ଭ କରନ୍ତୁ। ଆପଣ ଏହାକୁ ଫ୍ରିଜରେ ରଖି ୨ ମାସ ପର୍ଯ୍ୟନ୍ତ ବି ବ୍ୟବହାର କରିପାରିବେ।
ଆମ୍ବଲା ପନ୍ନା
ସାମଗ୍ରୀ
ତାଜା ଆମ୍ବଲା ବା ଅଁଳା : ୨୫୦ ଗ୍ରାମ, ଗୁଡ ପାଉଡର : ୧୫୦ ଗ୍ରାମ, ଗୋଲମରୀଚ ପାଉଡର : ୧/୪ ଚାମଚ, ବିଟ୍ ଲୁଣ : ୧/୨ ଚାମଚ, ସୁଣ୍ଠି ପାଉଡର : ୧/୨ ଚାମଚ, ଅଳେଇଚ ପାଉଡର : ୧/୨ ଚାମଚ, ପାଣି : ୧ ଲିଟର
ପ୍ରସ୍ତୁତି ପ୍ରଣାଳୀ
ଆମ୍ବଲାକୁ ଧୋଇ ୧ କପ୍ ପାଣି ସହିତ ମିଶାଇ ପ୍ରେସର କୁକରରେ ଗୋଟେ ସିଟି ଆସିବା ପର୍ଯ୍ୟନ୍ତ ସିଝିବାକୁ ଦିଅନ୍ତୁ। ଥଣ୍ଡା ହେବା ପରେ ଏହାର ମଞ୍ଜି ବାହାର କରି ପେଶି ଦିଅନ୍ତୁ। ଗୁଡକୁ ଏକ କପ୍ ପାଣି ସହିତ ୫ ମିନିଟ୍ ପର୍ଯ୍ୟନ୍ତ ଧୀମା ଆଞ୍ଚରେ ବସାଇ ଗ୍ୟାସ ବନ୍ଦ କରିଦିଅନ୍ତୁ। ଆମ୍ବଲାର ଏହି ଜୁସରେ ଗୋଲମରୀଚ, କଳା ଲୁଣ, ସୁଣ୍ଠି, ଅଳେଇଚ ପାଉଡର ଏବଂ ଗୁଡକୁ ଭଲଭାବେ ମିଶାନ୍ତୁ। ପ୍ରସ୍ତୁତ ପନ୍ନାକୁ ଏକ କାଚ ବୋତଲରେ ଭର୍ତ୍ତି କରି ଫ୍ରିଜରେ ରଖିଦିଅନ୍ତୁ। ଯେତେବେଳେ ମନ କରିବ ସେତେବେଳେ ଫ୍ରିଜରୁ ବାହାର କରି ମଜା ନିଅନ୍ତୁ ଆମ୍ବଲା ପନ୍ନାର।