ଶରୀର ପାଇଁ ଲାଭଦାୟକ ମୌସମ୍ବି ଜୁସ୍ । ମୌସମ୍ବିରେ ଭିଟାମିନ୍ ସି ଏବଂ ପୋଟାସିୟମ୍ ଭରପୂର ମାତ୍ରାରେ ରହିଛି । ଖଟା ମିଠା ସ୍ବାଦ ଯୋଗୁଁ ଏହାର ଜୁସ୍ କୁ ସବୁ ଲୋକ ପସନ୍ଦ କରିଥାନ୍ତି । ମୌସମ୍ବି ଜୁସ୍ ସହଜରେ ମଧ୍ୟ ସବୁଠାରେ ଉପଲବ୍ଧ ହୋଇଥାଏ । ମୌସମ୍ବିରେ ଫାଇବରର ମାତ୍ରା ମଧ୍ୟ ଭରପୂର ରହିଛି, ଯାହା ସ୍ବାସ୍ଥ୍ୟ ପାଇଁ ବେଶ୍ ଉପକାରୀ । ଆସନ୍ତୁ ଜାଣିବା ସ୍ବାସ୍ଥ୍ୟ ଏବଂ ଶରୀର ପାଇଁ କେତେ ଲାଭଦାୟର ମୌସମ୍ବି ଜୁସ୍…
– ସ୍କର୍ଭି ରୋଗ ପାଇଁ ବେଶ୍ ଲାଭଦାୟକ ହୋଇଥାଏ ମୌସମ୍ବି ଜୁସ୍।
-ପାଚନ କ୍ରିୟା ପାଇଁ ମୌସମ୍ବି ଜୁସ୍ ବେଶ୍ ଲାଭଦାୟକ ହୋଇଥାଏ । ମୌସମ୍ବିର ମିଠା ସ୍ବାଦ ଏବଂ ଏସିଡ୍ ମାତ୍ରା ଥିବାରୁ ଏହାର ଜୁସ୍ ପିଇବା ଦ୍ବାରା ପାଚନ କ୍ରିୟାରେ ସହାୟତା ମିଳିଥାଏ ।
-ପ୍ରତିଦିନ ମୌସମ୍ବି ଜୁସ୍ ପିଇବା ଦ୍ବାରା ରକ୍ତ ସଂଚାଳନ ସଠିକ୍ ଭାବେ ହୋଇଥାଏ । ମୌସମ୍ବି ଜୁସ୍ ରୋଗ ପ୍ରତିରୋଧକ ଶକ୍ତି ବଢାଇବା ସହ ଶରୀରକୁ ରୋଗ ସହ ଲଢିବା ପାଇଁ ଶକ୍ତି ମିଳିଥାଏ ।
-ମୌସମ୍ବିରେ କ୍ୟାଲୋରୀ ମାତ୍ରା ବହୁତ କମ୍ ରହିଥାଏ । ଫଳରେ ଓଜନ କମାଇବାରେ ଏହା ସାହାଯ୍ୟ କରିଥାଏ । ଏହାଛଡା ମୌସମ୍ବି ଜୁସ୍ ପିଇବା ଦ୍ବାରା କୋଲେଷ୍ଟ୍ରୋଲର ମାତ୍ରା ସଠିକ୍ ରହିଥାଏ । ଏହାଦ୍ବାରା ରକ୍ତଚାପ ସମସ୍ୟା ମଧ୍ୟ ଦୂର ହୋଇଥାଏ ।
-ଗର୍ଭବତୀ ମହିଳାମାନଙ୍କ ପାଇଁ ମୌସମ୍ବି ଜୁସ୍ ଖୁବ୍ ଲାଭଦାୟକ ହୋଇଥାଏ । ଏହା ମା’ ଏବଂ ଛୁଆ ଉଭୟଙ୍କ ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ ।