ପ୍ରତିଦିନ ଖଜୁରୀ ଫେସ୍‌ ପ୍ୟାକ୍‌ ବ୍ୟବହାର କରନ୍ତୁ ସ୍କିନ୍‌ର ଅନେକ ସମସ୍ୟା ହେବ ଦୂର

ଆପଣମାନେ ତ ଜାଣିଥିବେ ଖଜୁରୀ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । ତେବେ ଏହାକୁ ବ୍ୟବହାର କରି ଆପଣ ନିଜ ଚେହେରାକୁ ସୁନ୍ଦର କରିପାରିବେ । ଏହା ଚେହେରାକୁ ଚମକାଇଥାଏ ଏବଂ ଏହାକୁ ହେଲଦି ରଖିଥାଏ । ଏହା ସହ ପିମ୍ପଲ୍ ଦୂର କରିବାରେ ସାହାଯ୍ୟ କରିଥାଏ । ତାହେଲେ ଆସନ୍ତୁ ଜାଣିବା ଯେ ଖଜୁରୀକୁ ଫେସ୍‌ରେ କିପରି ବ୍ୟବହାର କରିବେ ।

ଖଜୁରୀ ବ୍ୟବହାର କରି ଆପଣ ନିଜ ଚେହେରାକୁ ନରମ କରିବା ସହିତ ଚମକାଇ ପାରିବେ । ଏହା ବ୍ୟତୀତ ସ୍କିନ୍‌ ଅନେକ ସମସ୍ୟା ମଧ୍ୟ ଦୂର ହେବ । ତେବେ ଖଜୁରୀ ଖାଇବା ପାଇଁ ସ୍ୱାଦିଷ୍ଟ ହେବା ବ୍ୟତୀତ ସ୍ୱାସ୍ଥ୍ୟ ଏବଂ ଫେସ୍‌ ପାଇଁ ମଧ୍ୟ ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । ଏଥିରେ ଥିବା ପୋଷକ ତତ୍ତ୍ୱ ସ୍କିନ୍‌କୁ ହେଲଦ୍‌ ରଖିବା ସହ ଉଜ୍ଜ୍ୱଳ ଏବଂ ସୁନ୍ଦର କରିବାରେ ସାହାଯ୍ୟ କରିଥାଏ । ତେବେ ସ୍ନାକ୍ସ କିମ୍ବା ଦଲିଆରେ ମିଶାଇ ଆପଣ ପ୍ରତିଦିନ ୩ ରୁ ୪ ଥର ଖଜୁରୀ ଖାଇପାରିବେ ।

ଏଥିପାଇଁ ଆପଣ ୨ ରୁ ୩ଟି ଖଜୁରୀକୁ ପାଣିରେ ଭିଜାଇ ଦିଅନ୍ତୁ, ତା’ପରେ ସେଗୁଡିକରେ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହି ପେଷ୍ଟକୁ ମୁହଁରେ ୧୫ ରୁ ୨୦ ମିନିଟ୍ ଲଗାନ୍ତୁ, ତା’ପରେ ମୁହଁ ଧୋଇ ଦିଅନ୍ତୁ । ତେବେ ଖଜୁରୀରୁ ଏକ ସ୍କ୍ରବ୍ ତିଆରି କରିବାକୁ, ୨ଟି ଖଜୁରୀକୁ ଗ୍ରାଇଣ୍ଡ୍ କରି ପାଉଡର ତିଆରି କରନ୍ତୁ, ଏଥିରେ ୧ ଚାମଚ ମହୁ ଏବଂ ୧ ଚାମଚ ଦହି ମିଶାଇ ଧୀରେ ଧୀରେ ମସାଜ୍ କରନ୍ତୁ । କିନ୍ତୁ ମନେରଖନ୍ତୁ ଯେ ଏହାକୁ ବ୍ୟବହାର କରିବା ପୂର୍ବରୁ ଏକ ପ୍ୟାଚ୍ ପରୀକ୍ଷା କରନ୍ତୁ । କିଛି ଲୋକଙ୍କୁ ଏଥିରୁ ଆଲର୍ଜି ହୋଇପାରେ । ଯଦି ଏପରି ହେଉଛି ତେବେ ନିଶ୍ଚିତ ଭାବରେ ଡାକ୍ତରଙ୍କ ସହିତ ପରାମର୍ଶ କରନ୍ତୁ । ନଚେତ୍‌ ଆଗକୁ ଯାଇ ବଡ଼ ସମସ୍ୟା ହୋଇପାରେ ।