ଆଜି ରାତି ଖାଇବାରେ ପ୍ରସ୍ତୁତ କରନ୍ତୁ ବାଜରା-ପାଳଙ୍ଗ ପରଠା
ଶୀତ ଦିନେ ବିଭିନ୍ନ ରଙ୍ଗର ପନିପରିବା ବଜାରରେ ମିଳିଥାଏ । ସବୁଦିନ ସେହି ସମାନ ପ୍ରକାରର ଡ଼ିସ ଖାଇ ବୋର ଲାଗୁଥିବା ବେଳେ ଫ୍ରେସ ପନିପରିବାରେ ଆଉ କ’ଣ ନୂଆ ବନା ଯାଇପାରିବ ସେନେଇ ଚିନ୍ତାରେ ପଡିଯାନ୍ତି ଗୃହିଣୀମାନେ । ଏହି ଦିନରେ ପାଳଙ୍ଗ ଶାଗ ବି ପ୍ରଚୁର ମାତ୍ରାରେ ମିଳିଥାଏ । ଏହାକୁ ସାଧାରଣତଃ ତରକାରୀ କିମ୍ବା ଶାଗ ରାନ୍ଧି ଖିଆ ଯାଇଥାଏ । ପାଳଙ୍ଗ ଓ ପୁରି ଆଦି ପ୍ରସ୍ତୁତ କରି ବି ଚାଖିଥାନ୍ତି । କିନ୍ତୁ ପ୍ରସ୍ତୁତି ଠିକ ଭାବେ ଜାଣି ନଥିଲେ ପରଠା ସେତେଟା ସ୍ୱାଦିଷ୍ଟ ଲାଗିନଥାଏ । ତେବେ ଆସନ୍ତୁ ପାଳଙ୍ଗ ପରଠାକୁ ଏକ ନୂଆ ଟ୍ଵିଷ୍ଟ ଦେବା, ଆଉ ଘରେ ପ୍ରସ୍ତୁତ କରିବା ବାଜରା- ପାଳଙ୍ଗ ପରଠା । ଜାଣି ରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
ବାଜରା ଅଟା- ଅଧା କପ
ପାଳଙ୍ଗ ଶାଗ- ଅଧା କପ
ଗହମ ଅଟା- 2 ଚାମଚ
କଞ୍ଚା ଲଙ୍କା- 2ଟି
ଅଦା ରସୁଣ ପେଷ୍ଟ- ଗୋଟେ ବଡ ଚାମଚ
ଜିରା- ଗୋଟେ ଛୋଟ ଚାମଚ
ଲୁଣ ସ୍ୱାଦ ଅନୁସାରେ
ଲଙ୍କା ଗୁଣ୍ଡ – ସ୍ୱାଦ ଅନୁସାରେ
ଗରମ ମସଲା- ଗୋଟେ ଛୋଟ ଚାମଚ
ତେଲ- ଗୋଟେ ବଡ ଚାମଚ
1. ପ୍ରଥମେ ପ୍ୟାନରେ ତେଲ ଗରମ କରନ୍ତୁ । ସେଥିରେ ଜିରା, ଅଦା ରସୁଣ ପେଷ୍ଟ ଆଦି ପକାନ୍ତୁ ।
2. ଏବେ ପାଳଙ୍ଗ ଶାଗ ଓ ଲୁଣ ଦିଅନ୍ତୁ ।
3. ଶାଗ ମଉଳି ଆସିଲେ ଗ୍ୟାସ ବନ୍ଦ କରନ୍ତୁ ଆଉ ଥଣ୍ଡା ହେବା ପାଇଁ ଛାଡି ଦିଅନ୍ତୁ ।
4. ଏବେ ଆଉ ଏକ ବାଉଲରେ ବାଜରା ଓ ଗହମ ଅଟା ଓ ରନ୍ଧା ହୋଇଥିବା ପାଳଙ୍ଗ ଶାଗକୁ ଭଲ ଭାବରେ ମିଶାନ୍ତୁ ।
5. ଏବେ ସେଥିରେ ଗୋଟେ ଚାମଚ ତେଲ ଦେଇ ଭଲ ଭାବରେ ଚକଟି ଦିଅନ୍ତୁ ।
6. ଚକଟିବା ପରେ ଏକ ଓଦା କପଡା ଦେଇ ଢାଙ୍କି ଦିଅନ୍ତୁ ।
7. ଏବେ ସେଥିରେ ଛୋଟ ଛୋଟ ଗୁଳା ପ୍ରସ୍ତୁତ କରି ରୁଟି ବେଲି ଦିଅନ୍ତୁ ।
8. ପ୍ୟାନରେ ଘିଅ ଲଗାଇ ରୁଟି ଗୁଡିକୁ ସେକି ଦିଅନ୍ତୁ ।
9. ଏବେ ପ୍ରସ୍ତୁତ ହୋଇଯାଇଥିବା ପରଠାକୁ ଆଚାର, ଦହି କିମ୍ବା ଅନ୍ୟ କୌଣସି ଚଟଣି ସହିତ ଟେଷ୍ଟ କରନ୍ତୁ ।
