ଚିନ୍ତା ଏବଂ ଥକ୍କାପଣ ଦୂର କରିଥାଏ ଏହିସବୁ ଯୋଗାସନ, ଜାଣନ୍ତୁ କ’ଣ ଆଉ କିପରି କରିବେ
ଶରୀରକୁ ଫିଟ୍ ରଖିବା ପାଇଁ ଲୋକ ବିଭିନ୍ନ ପ୍ରକାର ବ୍ଯାୟାମ ଏବଂ ଯୋଗ କରୁଛନ୍ତି। କିନ୍ତୁ ଯଦି ଆପଣ ମାନସିକ ସ୍ତରରେ ସୁସ୍ଥ ନାହାନ୍ତି , ତେବେ ଏପରି ବ୍ଯାୟାମ କରିବା କୌଣସି ଫାଇଦା ନାହିଁ। ଏମିତି କିଛି ବ୍ଯାୟାମ ରହିଛି, ଯାହାକୁ କରି ଆପଣ ମାନସିକ ଚିନ୍ତା ଏବଂ ଷ୍ଟ୍ରେସ ଦୂର କରିପାରିବେ। ତେବେ ଆସନ୍ତୁ ଜାଣିବା… ଏହା ବିଷୟରେ
ଅନୁଲୋମ ବିଲୋମ: ଏହି ପ୍ରାଣାୟମ କରିବା ପାଇଁ ପିଠିକୁ ବିଲକୁଲ ସିଧା ରଖି ବସନ୍ତୁ। ଏବେ ଡାହାଣ ହାତଆଙ୍ଗୁଠିରେ ଡାହାଣ ନାକ ପୁଡା ଚାପି ରଖି ନିଶ୍ବାସ ପ୍ରଶ୍ବାସ ଭିତରକୁ ନିଅନ୍ତୁ ଏବଂ ଧୀରେ ଧୀରେ ଛାଡନ୍ତୁ। ଏମିତି ଆପଣ ୨ରୁ ୫ ମିନିଟ୍ ପର୍ଯ୍ଯନ୍ତ କରନ୍ତୁ।
ବାଳାସନ: ବାଳାସନ କରିବା ପାଇଁ ଆଣ୍ଠୁକୁ ମୋଡି ବସିଯାଆନ୍ତୁ। ଏମିତି ବସି ହାତକୁ ଯେତେ ବାଟ ପର୍ଯ୍ଯନ୍ତ ସମ୍ଭବ ଆଗକୁ ଟାଣି ରଖନ୍ତୁ। ଏହି ଆସନ କରିବା ବହୁତ ସହଜ ଏବଂ ଫାଇଦାଯୁକ୍ତ। ଏହାକୁ ୫ ମିନିଟ୍ ପର୍ଯ୍ଯନ୍ତ କରନ୍ତୁ।
ମର୍ଜାରୀ ଆସନ: ଏହି ଆସନରେ ମଧ୍ୟ ଆଣ୍ଠୁ ଭାଙ୍ଗି ବସି ପଛକୁ ନର୍ଇଯାଆନ୍ତୁ। ନିଶ୍ବାସ ଭିତରକୁ ନେଇ ପେଟକୁ ଭିତରକୁ ଟାଣନ୍ତୁ। ତା’ ପରେ ନିଶ୍ବାସ ଧିରେ ଧିରେ ଛାଡନ୍ତୁ। ଏମିତି କଲେ ମୁଣ୍ଡ ବିଲକୁଲ ଶାନ୍ତ ରହିଥାଏ।
ଶବାସନ: ଏହାକୁ କରିବା ପୁରା ସହଜ। ଏଥିପାଇଁ ଆପଣ ତଳେ ଶୋଇପଡି ଶରୀରକୁ ହାଲକା କରିଦିଅନ୍ତୁ। ଏହି ଆସନ କରିବା ଦ୍ବାରା ସମସ୍ତ ଚିନ୍ତା ଏବଂ ଷ୍ଟ୍ରେସ ଦୂର ହୋଇଯାଏ।
ପଶ୍ଚିମୋତ୍ତାନାସନ: ଏହି ଆସନରେ ପାଦ ଲମ୍ବାଇ ପିଠିକୁ ବିଲକୁଲ ସିଧା ରଖନ୍ତୁ। ଏବେ ହାତକୁ ପାଦ କୁ ଧରିବା ପାଇଁ ଚେଷ୍ଟା କରନ୍ତୁ। ମୁଣ୍ଡକୁ ତଳକୁ ନୁଆନ୍ତୁ। ଏବେ ଧିରେ ଧିରେ ସାମାନ୍ଯ ଅବସ୍ଥାକୁ ଫେରିଆସନ୍ତୁ।
