ଇରାକର ମୋସୁଲରେ ISIS ଆତଙ୍କୀକୁ ଧରିବାକୁ ଯାଇଥିବା ସ୍ୱାଟ ଟିମ ସେତେବେଳେ ଆଶ୍ଚର୍ଯ୍ୟ ହୋଇଯାଇଥିଲେ ଯେତେବେଳେ ସେ ଆତଙ୍କବାଦୀଙ୍କୁ ଏକ ରୁମ ଭିତରେ ବସିବାର ଦେଖିଥିଲେ । କାରଣ ଆତଙ୍କୀ ଜଣକ ପୋଲିସକୁ ଦେଖି ମଧ୍ୟ ଟିକିଏ ହଲି ପାରୁନଥିଲା । ସବୁଠାରୁ ବଡ଼କଥା ହେଉଛି ଏହି ଆତଙ୍କବାଦୀଙ୍କ ଓଜନ ଥିଲା ୨୫୦ କିଲୋ ଏବଂ ଯେତେବେଳେ ତାଙ୍କୁ ଗିରଫ କରାଗଲା ଜେଲକୁ ନେବାପାଇଁ ଏକ ପିକଅପ ଟ୍ରକର ଆବଶ୍ୟକତା ପଡିଥିଲା । ତେବେ ଆତଙ୍କିକୁ ପିକଅପ ଟ୍ରକରେ ନେଇଯିବାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । କୁହାଯାଉଛି ଯେ ଆତଙ୍କବାଦୀ ଜଣକ ଓବିଶିଟିର ଶିକାର ହୋଇଥିଲେ ।
ISIS Mufti Shifa al-Nima has been arrested. He was one of the main figures to order the butchering, executions, enslavement, rape, kidnapping and sale of non-Muslims and Muslims that opposed ISIS. He couldn’t fit in a police car, so they carried him in a pickup truck. pic.twitter.com/cSyl68Znx3
— Imam of Peace (@Imamofpeace) January 17, 2020
ISIS ଆତଙ୍କୀ ସିଫ ଅଲ ନିମା ଅବୁ ଅବଦୁଲ ବାରି ନାମରେ ମଧ୍ୟ ପରିଚିତ । ତେବେ ତାଙ୍କୁ ଇରାକର ସ୍ୱାଟ ଟିମ ପଶ୍ଚିମ ଇରାକରୁ ଗିରଫ କରିଛି । ISISର ଶୀର୍ଷ ନେତା ମାନଙ୍କ ମଧ୍ୟରୁ ଜଣେ ଜବ୍ବା ଦ ଜିହାଦୀ ନାମରେ ପ୍ରସିଦ୍ଧ ଏହି ଆତଙ୍କୀ ସୁରକ୍ଷାବଳ ବିରୋଧରେ ଭାଷଣ ଦେଇଥାନ୍ତି । ତେବେ ଯାଞ୍ଚ ଅଧିକାରୀ ମାନଙ୍କ କହିବା ଅନୁଯାୟୀ ଏକ ଫତୱା ଜାରି କରିବା ସହିତ ଅବୁ ଅବଦୁଲ ବାରି ବିଦ୍ୱାନ ଏବଂ ମୌଲବୀମାନଙ୍କୁ ଫାଶୀ ଦେବାପାଇଁ ଆଦେଶ ଦେଇଥିଲା କାରଣ ସେମାନେ ISIS ସପକ୍ଷରେ ରହୁନଥିଲେ । ସୁରକ୍ଷାବଳର କହିବା ଅନୁଯାୟୀ ସହରର ଏକ ମସଜିଦକୁ ବ୍ଲାଷ୍ଟ କରି ଉଡାଇଦେବା ପାଇଁ ଅବୁ ବାରି ଏକ ଫତୱା ଜାରି କରିଥିଲେ । ତେବେ ଏହି ମସଜିଦକୁ ୨୦୧୪ ମସିହାରେ ISIS ସମ୍ପୂର୍ଣ୍ଣ ଭାବେ ନଷ୍ଟ କରିଦେଇଥିଲା ଏବଂ ମୋସୁଲମାନଙ୍କୁ ନିଜ କବ୍ଜାରେ ନେଇଯାଇଥିଲା ।
ଆତଙ୍କୀ ଅବୁ ଅବଦୁଲ ବାରିଙ୍କ ଫଟୋ ସେୟାର କରିବା ସହିତ ଲଣ୍ଡନ ଥିଙ୍କ ଟ୍ୟାଙ୍କ କ୍ୟୁଲିୟମର ଫାଉଣ୍ଡର ଲେଖିଛନ୍ତି ଯେ ‘ତାଙ୍କର ଓଜନ ବହୁତ ଭାରି ଥିବାରୁ ସେ ପୋଲିସ ଭ୍ୟାନରେ ଆସିପାରିଲେ ନାହିଁ । ଯେଉଁଥିପାଇଁ ଏକ ପିକଅପ ଟ୍ରକ ଆଣିବାକୁ ପଡିଲା’ । ଏହାସହିତ ସେ ଲେଖିଛନ୍ତି ବଳତ୍କାର କରିବା, ଯାତନା ଦେବା, ଗୁଲାମ କରି ରଖିବା, ନରସଂହାର କରୁଥିବା ISIS ଆତଙ୍କୀ ନିଜ ଗୋଡ଼ରେ ଠିଆ ହେବାକୁ ମଧ୍ୟ ସମର୍ଥ ନୁହେଁ ।