ବିଶାଖାପାଟନମ: ଲରି ଏବଂ ଅଟୋ ଧକ୍କା, ୮ ସ୍କୁଲ ପିଲା ଆହତ
ଆନ୍ଧ୍ରପ୍ରଦେଶ ବିଶାଖାପାଟନମ ସହରର ଏକ ଛକରେ ଦ୍ରୁତଗାମିରେ ଆସୁଥିବା ଏକ ଅଟୋ ଏବଂ ଲରି(ଟ୍ରକ) ଧକ୍କା ହେବା ଫଳରେ ୮ ଜଣ ପିଲା ଗୁରୁତର ଆହତ ହୋଇଛନ୍ତି । ଦୁର୍ଘଟଣାରେ ଆହତ ହୋଇଥିବା ୮ ଜଣ ପିଲାଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଛି ।
ଆନ୍ଧ୍ରପ୍ରଦେଶ ବିଶାଖାପାଟନମରେ ମର୍ମନ୍ତୁଦ ସଡ଼କ ଦୁର୍ଘଟଣା । ସହରର ଏକ ଛକରେ ଦ୍ରୁତଗାମିରେ ଆସୁଥିବା ଏକ ଅଟୋ ଏବଂ ଲରି(ଟ୍ରକ) ଧକ୍କା ହେବା ଫଳରେ ୮ ଜଣ ପିଲା ଗୁରୁତର ଆହତ ହୋଇଛନ୍ତି । ଅଟୋରେ ଥିବା ସ୍କୁଲ ଛାତ୍ର ସ୍କୁଲ ଯିବା ସମୟରେ ଲରି ସହିତ ଧକ୍କା ହୋଇଥିଲା । ଏହାର ଭିଡିଓ ଭାଇରଲ ହେଉଛି ।
ଖବର ମୁତାବକ, ଦୁର୍ଘଟଣାରେ ଆହତ ହୋଇଥିବା ୮ ଜଣ ପିଲାଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଛି । ଦୁର୍ଘଟଣା ପରେ ଟ୍ରକ ଡ୍ରାଇଭର ଏବଂ ହେଲପର ଘଟଣା ସ୍ଥଳରୁ ଫେରାର ହେବାକୁ ଚେଷ୍ଟା କରୁଥିବା ବେଳେ ଅଟୋ ଡ୍ରାଇଭର ଧରି ଦେଇଥିଲା । ଭିଡିଓ ଦେଖିଲେ ଆପଣ ଜାଣିପାରିବେ ।
#WATCH | Andhra Pradesh: Eight school children were injured in an accident when an auto collided with a lorry near Sangam Sarat Theatre in Visakhapatnam
Source: CCTV Footage from a local shop pic.twitter.com/sr9xaadUVo
— ANI (@ANI) November 22, 2023
ତେବେ ବିଶାଖାପାଟନମର ଡିସିପି ଶ୍ରୀନିବାସ କହିଛନ୍ତି, ଦୁର୍ଘଟଣାରେ ଆହତ ହୋଇଥିବା ଛାତ୍ରଙ୍କ ଚିକିତ୍ସା ହସପିଟାଲରେ ଚାଲିଛି । ୮ ଜଣ ପିଲାଙ୍କ ମଧ୍ୟରୁ ୨ ଜଣ ଗୁରୁତର ଆହତ ହୋଇଛନ୍ତି । ତେବେ ଏହି ଘଟଣାର ତଦନ୍ତ ଚାଲିଛି । ତେବେ ଅଟୋ ଭିତରେ କ୍ଷମତା ଠାରୁ ଅଧିକ ପିଲା ବସିଥିଲେ ।
