ନୂଆଦିଲ୍ଲୀ : ତାଲିବାନ ଯୋଦ୍ଧା ଆଫଗାନିସ୍ତାନକୁ ଦଖଲ କରିବା ପରେ ସେଠାରେ ସାଧାରଣ ଲୋକଙ୍କ ଜୀବନ ବିପନ୍ନ ହୋଇ ପଡ଼ିଛି । ଏବେ ସେଠାରୁ ଶହ ଶହ ସାଧାରଣ ଜନତା ବିଭିନ୍ନ ଦେଶକୁ ଯିବା ପାଇଁ କାବୁଲ ଏୟାରପୋର୍ଟରେ ଭିଡ ଜମାଇଛନ୍ତି ।
ଏହି ଭିତରେ କାବୁଲ ଏୟାରପୋର୍ଟରୁ ଏକ ଭିଡ଼ିଓ ଭାଇରାଲ ହୋଇଛି । ଯେଉଁଠି ଜଣେ ଆଫଗାନ୍ ଯୁବତୀ କାବୁଲ ବିମାନ ବନ୍ଦରରେ ଥିବା ଆମେରିକା ସୈନ୍ୟଙ୍କୁ ଗୁହାରୀ କରିଛନ୍ତି ତାଙ୍କୁ ବଞ୍ଚାଇ ଦେବାକୁ ।
Shocking scene 😭 at #Kabul Airport, an Afghan girl, asking #US soldiers to protect her life, & crying, “#Taliban kill me.”#Afghanistan pic.twitter.com/Ek3hCOYMV6
— Hizbullah Khan (@HizbkKhan) August 18, 2021
ସେ ଅତି ଭୟ ଓ ଦୁଃଖରେ ତାଲିବାନଙ୍କ କବଳରୁ ନିଜକୁ ବଞ୍ଚାଇବା ପାଇଁ ଆମେରିକା ସୈନ୍ୟଙ୍କୁ ଗୁହାରି କରୁଛନ୍ତି । ସେ କହୁଛନ୍ତି ‘ଆମକୁ ଏଠାରୁ ବାହାର କରିଦିଅ, ନଚେତ୍ ତାଲିବାନ ଆମକୁ ମାରିଦେବ । ’
ଏହି ଭିଡ଼ିଓକୁ ଆଫଗାନିସ୍ତାନରେ ରିପୋର୍ଟିଂ କରୁଥିବା ଜଣେ ସାମ୍ବାଦିକ ତାଙ୍କ ଟ୍ଵିଟର ହାଣ୍ଡେଲରେ ସେୟାର କରିଛନ୍ତି । ଭିଡ଼ିଓ ଏବେ ସୋସିଆଲ ମିଡିଆରେ ତୀବ୍ର ପ୍ରତିକ୍ରିୟା ସୃଷ୍ଟି କରିଛି ।