ବେଳେବେଳେ କିଛି ଏପରି ଘଟଣା ଆଖି ସାମ୍ନାକୁ ଆସେ ଯାହାକୁ ଦେଖିବା ପରେ କିମ୍ବା ଶୁଣିବା ପରେ ମଣିଷ ଆଶ୍ଚର୍ଯ୍ୟ ହୋଇଯାଏ ଏବଂ ଭାବେ ସତରେ କଣ ଏହା ସମ୍ଭବ ? ତେବେ ଏପରି ଏକ ଘଟଣା ଘଟିଛି ରୁଷରେ । ଏଠାରେ ଜଣେ ୧୩ବର୍ଷୀୟା ବାଳିକା ଗର୍ଭବତୀ ହେବାପରେ ନିଜ ପେଟରେ ବଢୁଥିବା ପିଲାର ବାପା ତାର ୧୦ ବର୍ଷୀୟ ପ୍ରେମିକ ବୋଲି କହିଛନ୍ତି । ଏପରି ଏକ ଖବର ଶୁଣିବା ପରେ ଆପଣ ଆଶ୍ଚର୍ଯ୍ୟ ହୋଇଯାଇଥିବେ ନିଶ୍ଚୟ କିନ୍ତୁ ଏହା ସତ । ବାଳିକାର କହିବା ଅନୁଯାୟୀ ପ୍ରାୟ ଏକ ବର୍ଷ ପୂର୍ବେ ତାର ଇବାନ ନାମକ ଏକ ବାଳକ ସହ ଦେଖା ହୋଇଥିଲା ଯାହାପରେ ତାକୁ ପ୍ରେମ ହୋଇଯାଇଥିଲା । ତାହେଲେ ଆସନ୍ତୁ ଜାଣିବା କଣ ଥିଲା ସମ୍ପୂର୍ଣ୍ଣ ଘଟଣା ।
ସୂଚନା ଅନୁଯାୟୀ ରୁଷର Zheleznogorsk ସହରରେ ବାସ କରନ୍ତି ଡରିୟା ଏବଂ ଇବାନ । ତେବେ ‘ଦ ରସିୟା 1’ ଚ୍ୟାନେଲର ‘Father at 10′ ନାମକ ଏକ ଟିଭି ଶୋ ଜରିଆରେ ସେମାନଙ୍କର କାହାଣୀ ସମସ୍ତଙ୍କ ସାମ୍ନାକୁ ଆସିଥିଲା । ନିଜ ବାପା ମା’ ଙ୍କ ସହମତି ଦ୍ୱାରା ଦୁଇ ପିଲା ଏହି ଶୋ’ ରେ ଭାଗ ନେଇଥିଲେ । ତା ସହିତ ତାଙ୍କ ପ୍ୟାରେଣ୍ଟ ପିଲାମାନଙ୍କର ଡାକ୍ତରି ଯାଞ୍ଚ ପାଇଁ ମଧ୍ୟ ଅନୁମତି ଦେଇଥିଲେ । ଯଦିଓ ଇବାନକୁ ପରୀକ୍ଷା କରୁଥିବା ଡାକ୍ତର କହିଥିଲେ ଯେ ସେ ସ୍ପର୍ମ ପ୍ରଡ୍ୟୁସ କରିବା ପାଇଁ ବହୁତ କମ ମ୍ୟାଚୁଅର ଅଟନ୍ତି ଏବଂ ସେ ପିଲାର ବାପା ହୋଇପାରିବେ ନାହିଁ କିନ୍ତୁ ଡରିୟା ଏହି କଥାକୁ ପ୍ରତ୍ୟାଖ୍ୟାନ କରିଥିଲେ ।
୮ ସପ୍ତାହର ଗର୍ଭବତୀ ଥିବା ଡରିୟା ଏବଂ ତାଙ୍କ ମା ପିଲାକୁ ରଖିବାକୁ ଚାଁହୁଛନ୍ତି । ଡ଼ରିୟାର ମାଙ୍କ କହିବା ଅନୁଯାୟୀ ତାଙ୍କ ଝିଅ ନିଜେ ଏହି ସମ୍ପର୍କକୁ ସ୍ୱୀକାର କରୁଛି । ଏପରିସ୍ଥଳେ ଇୱାନର ମାଙ୍କୁ ମଧ୍ୟ ଲାଗୁଛି ଯେ ତାଙ୍କ ପୁଅ ସତ କହୁଛି । ସେ କହିଛନ୍ତି ଯେ “ମୁଁ ବୁଝୁଛି ଯେ ସେ ଏକ ଛୋଟ ପିଲା । ସେ ନିଜେବି ଜାଣିନାହିଁ ସେ କଣ କରିଛି । ତେବେ ଯାହା ହେବାର କଥା ତାହା ହୋଇସାରିଛି ।”
ଡରିୟା କହିଛନ୍ତି ସେ ଏବଂ ତାଙ୍କ ବୟଫ୍ରେଣ୍ଡ ଜଣେ ଅନ୍ୟଜଣଙ୍କର ଯତ୍ନ ନିଅନ୍ତି ଏବଂ ଦୁହେଁ ମଧ୍ୟ ସୋସିଆଲ ମିଡିଆରେ ନିଜକୁ ମ୍ୟାରେଡ ବୋଲି ଲେଖିଛନ୍ତି । ତେବେ ଏହି ଦମ୍ପତ୍ତିଙ୍କୁ ସ୍ଥାନୀୟ ଲୋକ ଓ ସମାଜର ରାଗକୁ ସାମ୍ନା କରିବାକୁ ପଡୁଛି ।