ନିର୍ବାଚନରେ କୋଟିଏ ଭୋଟ ଦେଲେ ୭୦ ଟଙ୍କାରେ ଦେବୁ ମଦ, ଏମିତି କହିଲେ ଆନ୍ଧ୍ରପ୍ରଦେଶ ବିଜେପି ମୁଖ୍ୟ
ହାଇଦ୍ରାବାଦ : ଆନ୍ଧ୍ର ପ୍ରଦେଶରେ ବିଧାନସଭା ନିର୍ବାଚନ ଆଗାମୀ ୨୦୨୪ ରେ ଅନୁଷ୍ଠିତ ହେବ । ଏଥିପାଇଁ ସବୁ ରାଜନୈତିକ ଦଳ ଭୋଟ ହାତେଇବାକୁ ବିଭିନ୍ନ ଉଦ୍ୟମ ଆରମ୍ଭ କରିଛନ୍ତି । ଏହି କ୍ରମରେ ଭାରତୀୟ ଜନତା ପାର୍ଟି ମଧ୍ୟ ଭୋଟରଙ୍କୁ ଆକୃଷ୍ଟ କରିବା ପାଇଁ କିଛି ପ୍ରତିଶୃତି ଦେଇଛି । ଏହି କ୍ରମରେ ରାଜ୍ୟ ବିଜେପି ମୁଖ୍ୟ ସୋମୁ ବୀରରାଜୁ ଗତକାଲି ଏକ ସଭାରେ, ବିଜେପିକୁ ଭୋଟ ଦେଲେ ମଦ ୭୦ ଟଙ୍କାରେ ଯୋଗାଇବେ ବୋଲି କହିଛନ୍ତି ।
ଶ୍ରୀ ବୀରରାଜୁ ଶାସକ କଂଗ୍ରେସ ଦଳ ଓ ବିପକ୍ଷ ତେଲଗୁ ଦେଶମ ପାର୍ଟି ସମ୍ପର୍କରେ ଆଲୋଚନା କରିବା ସହ ରାଜ୍ୟରେ ବଡ଼ ସଂଶାଧନ ଓ ଦୀର୍ଘ ସମୁଦ୍ର ତଟ ଥାଇ ମଧ୍ୟ ରାଜ୍ୟ ଆଗେଇ ପାରିନି ବୋଲି ସେ କହିଥିଲେ । ଶ୍ରୀ ରାଜୁ ରାଜ୍ୟରେ ମଦର ମାତ୍ରାଧିକ ଦାମକୁ ନେଇ ଟିପ୍ପଣୀ ଦେବା ସହ ବିଜେପିକୁ କୋଟିଏ ଭୋଟ ଦେଲେ ଆମେ ମଦ ୭୦ ଟଙ୍କାରେ ଦେବୁ ବୋଲି କହିଥିଲେ । ଯଦି ଭଲ ରାଜସ୍ୱ ଆସିଲା ତେବେ ମଦ ୫୦ ଟଙ୍କାରେ ଦେବୁ ବୋଲି ମଧ୍ୟ କହିଥିଲେ ।
Cast one crore votes to Bharatiya Janata Party…we will provide liquor for just Rs 70. If we have more revenue left, then, will provide liquor for just Rs 50: Andhra Pradesh BJP president Somu Veerraju in Vijayawada yesterday pic.twitter.com/U9F1V8vly7
— ANI (@ANI) December 29, 2021
Courtesy : ANI
ସେ ଆହୁରି କହିଥିଲେ ଯେ ରାଜ୍ୟରେ ଜଣେ ବ୍ୟକ୍ତି ୧୨ ହଜାର ଟଙ୍କାରେ ମଦ ପିଇଥାଏ । ତେଣୁ ବିଜେପିକୁ ଭୋଟ ଦେଲେ ମଦ ୭୦ ଟଙ୍କାରେ ଦେବା ସହ ଅମରାବତୀକୁ ରାଜଧାନୀ କରିବୁ ବୋଲି ବିଜେପି ପ୍ରତିଶ୍ରୁତି ଦେଉଛି ବୋଲି ସେ କହିଥିଲେ ।
