ସିଗାରେଟ ଟାଣିବାର ନିଶା ଯୁବକଙ୍କୁ ପଡିଲା ମହଙ୍ଗା, ସଂପୂର୍ଣ୍ଣ ଶରୀର ହୋଇଗଲା ହଳଦିଆ
ସିଗାରେଟର ଧୂଆଁ ଆପଣଙ୍କ ଶରୀରକୁ ହଳଦିଆ କରିପାରେ । ଯଦିଓ ଏହା ଶୁଣି ଆପଣଙ୍କୁ ଆଶ୍ଚର୍ୟ୍ୟ ଲାଗୁଥିବ, କିନ୍ତୁ ଏହା ହେଉଛି ସତ୍ୟ । ଏମିତି ଏକ ମାମଲା ଚୀନର ଜିଆଙ୍ଗସୁର ଅଞ୍ଚଳରୁ ସାମ୍ନାକୁ ଆସିଛି, ଯେଉଁଠାରେ ଗତ ୩୦ବର୍ଷ ଧରି ଧୂମ୍ରପାନ କରୁଥିବା ବ୍ୟକ୍ତି ହଳଦିଆ ଏବେ ହୋଇଯାଇଛନ୍ତି । ଏହି ରଙ୍ଗ ଏତେ ଗାଢ ଥିଲା ଯେ ଜଣେ ଦେଖିବେ ଯେପରି ଏହି ବ୍ୟକ୍ତି ନିଜ ଉପରେ ହଳଦିଆ ରଙ୍ଗ ଢାଳି ଦେଇଛନ୍ତି ।
ଯେତେବେଳେ ଡାକ୍ତରମାନେ ଏହି ୬୦ବର୍ଷ ବୟସ୍କ ବ୍ୟକ୍ତିଙ୍କୁ ପରୀକ୍ଷା କଲେ, ଜଣାପଡିଲା ଯେ ତାଙ୍କର ଜଣ୍ଡିସ ଅଛି । ରିପୋର୍ଟକୁ ଭିତ୍ତି କରି ଡାକ୍ତରମାନେ କହିଛନ୍ତି ଯେ, ଏହି ବ୍ୟକ୍ତିଙ୍କର ଅଗ୍ନାଶୟରେ ଏକ ଟ୍ୟୁମର ଥିଲା ଯାହା ଏତେ ବଡ ହୋଇଯାଇଥିଲା ଯେ ସେହି ବ୍ୟକ୍ତିଙ୍କ ପିତ୍ତ ନଳୀ ଅବରୋଧ କରିଦେଇଥିଲା । ଏହି କାରଣରୁ ତାଙ୍କ ଶରୀରର ରଙ୍ଗ ହଳଦିଆ ହୋଇଗଲା ।
ଅଧିକ ସିଗାରେଟ୍ ଟାଣିବା ହେତୁ ଏହି ବ୍ୟକ୍ତିଙ୍କ କୋଷର ଆକାର ପୂର୍ବ ଅପେକ୍ଷା ବହୁତ ବୃଦ୍ଧି ପାଇଥିଲା । ଏହି କାରଣରୁ ତାଙ୍କ ଅବସ୍ଥା ଖରାପ ହେବାକୁ ଲାଗିଲା । ଏହି ବ୍ୟକ୍ତି ଗତ ୩୦ ବର୍ଷ ଧରି ମଦ ପିଇଥିଲେ ଏବଂ ଧୂମ୍ରପାନ କରୁଥିଲେ ।
ଏବେ ଡାକ୍ତରମାନେ ଅପରେସନ୍ ପରେ ଏହି ବ୍ୟକ୍ତିଙ୍କ ଟ୍ୟୁମରକୁ ହଟାଇ ଦେଇଛନ୍ତି । କିଛି ସମୟ ପରେ ତାଙ୍କ ଶରୀରର ରଙ୍ଗ ସ୍ୱାଭାବିକ ହେଲା । ତେବେ ଡାକ୍ତରମାନେ ଏହା ସ୍ପଷ୍ଟ କରିଛନ୍ତି ଯେ ଯଦି ସେ ତାଙ୍କ ଜୀବନଶୈଳୀରେ ଉନ୍ନତି ନକରନ୍ତି ତେବେ ତାଙ୍କୁ ବଞ୍ଚାଇବା କଷ୍ଟକର ହେବ । ଡାକ୍ତରମାନେ କହିଛନ୍ତି ଯେ, ଜଣ୍ଡିସ କାରଣରୁ କୌଣସି ବ୍ୟକ୍ତିର ଶରୀର ଏବଂ ଆଖିର ଧଳା ଅଂଶ ହଳଦିଆ ହୋଇପାରେ । ଯଦିଓ ଏହି ବ୍ୟକ୍ତିଙ୍କ ଶରୀରର ରଙ୍ଗ ଉଜ୍ଜ୍ୱଳ ହଳଦିଆ ଥିଲା ।