ତୁରନ୍ତ ଅକ୍ସିଜେନ୍ ଯୋଗାଇ ଦିଅ, ନହେଲେ କାର୍ଯ୍ୟାନୁଷ୍ଠା; କେନ୍ଦ୍ର ସରକାରଙ୍କୁ ଏଭଳି ତାଗିଦ କଲେ ଦିଲ୍ଲୀ ହାଇକୋର୍ଟ
ନୂଆଦିଲ୍ଲୀ : କେନ୍ଦ୍ର ସରକାରଙ୍କୁ ଦିଲ୍ଲୀ ହାଇକୋର୍ଟଙ୍କ ତାଗିଦ । ଦିଲ୍ଲୀକୁ ପର୍ଯ୍ୟାପ୍ତ ପରିମାଣର ଅକ୍ସିଜେନ୍ ଯୋଗାଇ ଦିଅ । ଯଦି କେନ୍ଦ୍ର ସରକାର ଏହା ନକରନ୍ତି ତେବେ ଏହା ଅଦାଲତ ଅବମାନନା ବୋଲି ଧରାଯିବ ।
ଏକ ମାମଲାର ଶୁଣାଣି କରି ଦିଲ୍ଲୀ ହାଇକୋର୍ଟ କହିଛନ୍ତି ଯେ ଦିଲ୍ଲୀକୁ ତାର ଭାଗ ଅନୁସାରେ ଆଜି ୪୯୦ ମେଟ୍ରିକ୍ ଟନ୍ ଅକ୍ସିଜେନ୍ ଯୋଗାଯିବା କଥା । ଯଦି କେନ୍ଦ୍ର ସରକାର ଏହା ନକରନ୍ତି ତେବେ ତାଙ୍କ ବିରୋଧରେ ଅଦାଲତ ଅବମାନନା ଅନୁସାରେ ପଦକ୍ଷେପ ନିଆଯିବ ।
ଏଠି କହି ରଖୁଛୁ ଯେ ଦିଲ୍ଲୀରେ ଅକ୍ସିଜେନ୍ ଅଭାବରୁ ଅନେକ କରୋନା ସଂକ୍ରମିତଙ୍କର ମୃତ୍ୟୁ ଘଟିଲାଣି । ଏହାକୁ ନେଇ କୋର୍ଟରେ ମାମଲା ଚାଲିଛି । ଆଜି ଛୁଟି ଦିନରେ ମଧ୍ୟ ହାଇକୋର୍ଟ ଏଭଳି ଏକ ମାମଲାର ଶୁଣାଣି କରି କେନ୍ଦ୍ର ସରକାରଙ୍କୁ ଏଭଳି ତାଗିଦ କରିଛନ୍ତି ।
