ରାମ ମନ୍ଦିର ‘ପ୍ରାଣ ପ୍ରତିଷ୍ଠା’ ଆଗରୁ ମୋଦିଙ୍କ ବିଶେଷ ରୀତିନୀତି, କହିଲେ ଆଜିଠୁ ୧୧ ଦିନ ପର୍ଯ୍ୟନ୍ତ କରିବେ ସ୍ୱତନ୍ତ୍ର ଉପାସନା
ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବକୁ ଆଉ ରହିଲା ୧୧ ଦିନ । ଏହି ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଠାରୁ ୧୧ ଦିନିଆ ବିଶେଷ ରୀତିନୀତିର ଶୁଭାରମ୍ଭ କରିବା ନେଇ ଦେଶବାସୀଙ୍କ ଉଦ୍ଦେଶ୍ୟରେ ଏକ ଅଡିଓ ମେସେଜ୍ ଜାରି କରିଛନ୍ତି ।
ନୂଆଦିଲ୍ଲୀ: ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବକୁ ଆଉ ରହିଲା ୧୧ ଦିନ । ଏଥିପାଇଁ ସମସ୍ତ ଦେଶବାସୀ ଉତ୍ସାହିତ ଥିବା ବେଳେ ଜୋରସୋରେରେ ଚାଲିଛି ପ୍ରସ୍ତୁତି । ଏହି ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଠାରୁ ୧୧ ଦିନିଆ ବିଶେଷ ରୀତିନୀତିର ଶୁଭାରମ୍ଭ କରିବା ନେଇ ଦେଶବାସୀଙ୍କ ଉଦ୍ଦେଶ୍ୟରେ ଏକ ଅଡିଓ ମେସେଜ୍ ଜାରି କରିଛନ୍ତି । ଏକ ଅଡିଓ ବାର୍ତ୍ତାରେ ମୋଦି କହିଛନ୍ତି, ତାଙ୍କୁ ଏହି ପବିତ୍ର ମହୋତ୍ସବ ଦେଖିବାର ସୌଭାଗ୍ୟ ପ୍ରାପ୍ତ ହୋଇଛି । ପ୍ରାଣ ପ୍ରତିଷ୍ଠାରେ ଦେଶବାସୀଙ୍କ ପାଇଁ ପ୍ରତିନିଧିତ୍ବ କରିବାକୁ ଭଗବାନ ତାଙ୍କୁ ସୃଷ୍ଟି କରିଛନ୍ତି ।
ଏହାକୁ ଦୃଷ୍ଟିରେ ରଖି ସେ ଆଜି ଠାରୁ ୧୧ ଦିନିଆ ସ୍ବତନ୍ତ୍ର ଅନୁଷ୍ଠାନ ଆରମ୍ଭ କରୁଥିବା କହିଛନ୍ତି । ଜନତାଜନାର୍ଦ୍ଦନଙ୍କ ଆଶିଷ ପ୍ରତ୍ୟାଶା କରୁଛି । ଏଭଳି ମୁହୂର୍ତ୍ତରେ ମନର ଆବେଗ ଭାଷାରେ ବ୍ୟକ୍ତ କରିବା କଷ୍ଟକର । କିନ୍ତୁ, ମୁଁ ମୋର ପ୍ରଚେଷ୍ଟା ଚଳାଇଛି। ଉଲ୍ଲେଖଯୋଗ୍ୟ, ହିନ୍ଦୁଶାସ୍ତ୍ରମତେ, ଦେବ ବିଗ୍ରହଙ୍କ ‘ପ୍ରାଣ ପ୍ରତିଷ୍ଠା’ ହେଉଛି ଏକ ବିସ୍ତୃତ ଧାର୍ମିକ ପ୍ରକ୍ରିୟା । ପ୍ରାଣ ପ୍ରତିଷ୍ଠା ଉତ୍ସବ ପୂର୍ବରୁ ନିର୍ଦ୍ଦିଷ୍ଟ କେତେକ ନୀତିନିୟମ ପାଳନ କରିବାକୁ ପଡ଼େ ।
अयोध्या में रामलला की प्राण प्रतिष्ठा में केवल 11 दिन ही बचे हैं।
मेरा सौभाग्य है कि मैं भी इस पुण्य अवसर का साक्षी बनूंगा।
प्रभु ने मुझे प्राण प्रतिष्ठा के दौरान, सभी भारतवासियों का प्रतिनिधित्व करने का निमित्त बनाया है।
इसे ध्यान में रखते हुए मैं आज से 11 दिन का विशेष…
— Narendra Modi (@narendramodi) January 12, 2024
ଅନେକ କାର୍ଯ୍ୟକ୍ରମ ଓ ଦାୟିତ୍ବ ବହନ କରି ମଧ୍ୟ ପ୍ରଧାନମନ୍ତ୍ରୀ ନିଷ୍ଠାର ସହିତ ସବୁ ନୀତିନିୟମ ପାଳନ କରିବାକୁ ନିଷ୍ପତ୍ତି ଗ୍ରହଣ କରିଛନ୍ତି । ଏଥିପାଇଁ ସେ ୧୧ ଦିନିଆ ‘ଅନୁଷ୍ଠାନ’ ପାଳନ କରିବେ। ମୁଁ ସମସ୍ତ ଦେଶବାସୀଙ୍କ ଆର୍ଶୀବାଦ ଚାହୁଁଛି । ଏହି ସମୟରେ ମୋ ଭାବନାକୁ ଶବ୍ଦ ମାଧ୍ୟମରେ ବ୍ୟକ୍ତ କରିବା କଷ୍ଟକର କିନ୍ତୁ ମୋ ତରଫରୁ ପ୍ରୟାସ କରିଛି ।’
