ପାସେଞ୍ଜର ଟ୍ରେନରେ ଭୟଙ୍କର ଅଗ୍ନିକାଣ୍ଡ, ଇଞ୍ଜିନ ସହିତ ବଗି ଜଳି ପାଉଁଶ: ଦେଖନ୍ତୁ ଭିଡିଓ
ଉତ୍ତରପ୍ରଦେଶର ସାହାରନପୁରରୁ ଦିଲ୍ଲୀ ଯାଉଥିବା ଏକ ପାସେଞ୍ଜର ଟ୍ରେନରେ ଭୀଷଣ ଅଗ୍ନିକାଣ୍ଡ ଘଟିଛି। ଅଗ୍ନିକାଣ୍ଡରେ ଟ୍ରେନର ଇଞ୍ଜିନ ଏବଂ ବଗି ପୋଡିଜଳି ପାଉଁଶ ହୋଇଯାଇଛି। ମେରୁଠର ଦୌରାଲା ଷ୍ଟେସନରେ ଘଟିଛି ଏହି ଅଗ୍ନିକାଣ୍ଡ । ଟ୍ରେନର ବ୍ରେକ୍ ଜାମ୍ ଯୋଗୁଁ ଏହି ଦୁର୍ଘଟଣା ଘଟିଥିବା କୁହାଯାଉଛି ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ଟ୍ରେନ୍ ଦୌରାଲା ଷ୍ଟେସନରେ ପହଞ୍ଚିବା ମାତ୍ରେ ଏହାର ଇଞ୍ଜିନ ତଳୁ ନିଆଁ ବାହାରୁଥିବା ଦେଖିବାକୁ ମିଳିଥିଲା । ଇଞ୍ଜିନ ନିକଟରେ ଥିବା ବିଗରେ ଯାତ୍ରୀମାନେ ଯେତେବେଳେ ପାଦ ତଳେ ଧୂଆଁ ଏବଂ ସ୍ପାର୍କଂ ହେଉଥିବାର ଦେଖିଥିଲେ ପରେ ସେମାନେ ଟ୍ରେନରୁ ବାହାରି ପ୍ଲାଟଫର୍ମରେ ଦୌଡ଼ିଥିଲେ । ପରେ ଅନ୍ୟ ଯାତ୍ରୀ ଏବଂ ଡ୍ରାଇଭରଙ୍କୁ ସତର୍କ କରାଯାଇଥିଲା ।
सहारनपुर से दिल्ली जा रही पैसेंजर ट्रेन के ब्रेक जाम होने के चलते हुए शार्ट सर्किट से दौराला रेलवे स्टेशन पहुंचते ही ट्रेन के इंजन में नीचे आग लग गई। यात्री स्टेशन पर उतरकर भागे। ट्रेन के इंजन के सहित पीछे की दो डब्बे में आग फैल गई।
#MeerutTrainFire pic.twitter.com/2rV371tRIP— Hindustan (@Live_Hindustan) March 5, 2022
ଇଞ୍ଜିନରେ ନିଆଁ ଲାଗିବା ପରେ ଦେଖୁଦେଖୁ ପଛ ବଗିକୁ ବ୍ୟାପିଯାଇଥିଲା । ଫାୟାର ଗାଡି ଆସିବା ବେଳକୁ ଇଞ୍ଜିନ ସମେତ ଦୁଇଟି ବଗିରେ ନିଆଁ ଲାଗିଯାଇଥିଲା । ଭୟଙ୍କର ନିଆଁରେ କିଛି ସମୟ ମଧ୍ୟରେ ବଗି ପାଉଁଶ ହୋଇଯାଇଥିଲା । କିଛି ଯାତ୍ରୀଙ୍କ ସାହାଯ୍ୟରେ ଟ୍ରେନର ଅନ୍ୟ ବଗିଗୁଡ଼ିକୁ କାଟି ଅଲଗା କରାଯାଇଥିଲା । ତେବେ ଏହି ଘଟଣାରେ କେହି ମୃତାହତ ହୋଇନଥିବା ଜଣାପଡିଛି।
Also Read : ପୁଟିନଙ୍କ ନୂଆ ଯୋଜନା: ୟୁକ୍ରେନିମାନଙ୍କୁ ସର୍ବସାଧାରଣରେ ଦିଆଯିବ ଫାଶୀ
