ଉତ୍ତର ପ୍ରଦେଶ ରାଜପଥରେ ଅବତରଣ ଓ ଉଡ଼ାଣ ଭରିଲେ ବାୟୁସେନାର ଯୁଦ୍ଧ ବିମାନ

୧୦ଟି ଜେଟ ଓ ଏୟାରକ୍ରାଫ୍ଟ ସାମିଲ ହୋଇଥିଲେ । ପରିବହନ ବିମାନ ଏଏନ ୩୨ ସାମିଲ ହୋଇଥିଲା। ଏଠାରୁ ଉଡ଼ାଣ ଭରିଥିଲା ପରିବହନ ବିମାନ। ଜରୁରୀ ସମୟରେ ଏହି ଏୟାର ଷ୍ଟ୍ରିପରେ ଅବତରଣ କରି ହେବ କି ନାହିଁ ତାହା ଜାଣିବା ପାଇଁ ଏହି ଏକ୍ସସାଇଜ ଉଦ୍ଦିଷ୍ଟ ଥିଲା। ପୂର୍ବାଞ୍ଚଳ ଏକ୍ସପ୍ରେସର ପ୍ରାୟ ସାଢ଼େ ୩ କିଲୋମିଟର ରାସ୍ତାକୁ ଏୟାରଷ୍ଟ୍ରିପ ଭଳି ନିର୍ମାଣ କରାଯାଇଛି।

ଯେଉଁଠି ଜରୁରୀ ସମୟରେ ଯୁଦ୍ଧ ବିମାନ ଅବତରଣ କରି ପାରିବ । ଆଜି ଏହି ସୋ ପାଇଁ ଜୁନ ୧୧ ତାରିଖରୁ ୫ କିଲୋମିଟର ଦୈର୍ଘ୍ୟର ରାସ୍ତାରେ ମରାମତି କାର୍ଯ୍ୟ ଚାଲିଥିଲା। ପୂର୍ବାଞ୍ଚଳ ଏକ୍ସପ୍ରେସେଓ୍ଵ ରେ ପ୍ରଥମ ଥର ୨୦୨୧ ମସିହା ନଭେମ୍ବର ୧୬ ତାରିଖରେ ଏଭଳି ଏକ୍ସରସାଇଜ ହୋଇଥିଲା।