ଶତ୍ରୁ ମାନଙ୍କୁ କଡା ଜବାବ ଦେବା ପାଇଁ ‘ଆଇଏନଏସ ଖନ୍ଦେରୀ’ କୁ ଆସନ୍ତା ୨୮ ତାରିଖରେ ଲଞ୍ଚ କରାଯିବ ।ଏହା ଦ୍ୱାରା ଭାରତୀୟ ନୌସେନାର ଶକ୍ତି ବହୁ ଗୁଣ ବଢିବ । ସମ୍ପୂର୍ଣ ସ୍ବଦେଶୀ ଜ୍ଞାନ କୌଶଳରେ ନିର୍ମିତ ଏହି ଜାହାଜଟି ଭାରତ ମହାସାଗର ମଧ୍ୟରେ ଚିନର ଆଧିପତ୍ୟକୁ ସଫଳତାର ସହ ସାମ୍ନା କରିପାରିବାର କ୍ଷମତା ରଖିଛି । ୬୭ ମିଟର ଲମ୍ବା, ୬.୨ ମିଟର ଚୌଡା, ୧୨.୩ ଉଚ୍ଚତା ବିଶିଷ୍ଟ ଏହି ଯୁଦ୍ଧ ଜାହାଜ ର ଓଜନ ପ୍ରାୟ ୧୫୫୦ ଟନ | ଏହି ଯୁଦ୍ଧ ଜାହାଜ ଟିକୁ ଦୀର୍ଘ ୨ ବର୍ଷ ଧରି ପରୀକ୍ଷା କରାଯାଇଥିଲା । ଏହା ୩୬ ରୁ ଅଧିକ ନୌସେନା ଅଧିକାରୀଙ୍କୁ ଧାରଣ କରିବାର କ୍ଷମତା ରଖିଛି । ଏହା ସମୁଦ୍ରର ୩୦୦ ମିଟର ଗଭୀରକୁ ଯାଇ ପାରିବାର କ୍ଷମତା ରଖିଥିବା ବେଳେ ଏହା ବିଷୟରେ ଶତ୍ରୁ ମାନେ ସହଜରେ ଜାଣି ପାରିବେ ନାହିଁ । ଏହା ସମ୍ପୂର୍ଣ ରୂପେ ବ୍ୟାଟେରୀ ଦ୍ୱାରା ଚାଲିଥାଏ । ଲମ୍ବା ସମୟ ପର୍ଯ୍ୟନ୍ତ ପାଣିରେ ରହିବା ପାଇଁ ଏଥିରେ ୭୫୦ କିଲୋ ଓଜନର ୩୬୦ଟି ବ୍ୟାଟେରୀ ଖଞ୍ଜା ଯାଇଛି । ରାଡ଼ାର,ସୋନର,ଇଂଜିନ ସମେତ ଏଥିରେ ଛୋଟ ବଡ କରି ୧୦୦୦ରୁ ଅଧିକ ଉପକରଣ ଲାଗିଅଛି ।
ଏହା ସହ ପଢ଼ନ୍ତୁ:
ଇସ୍ରାଏଲ୍ ଉପରେ ଆକ୍ରମଣ କରିବାର ଷଡଯନ୍ତ୍ର ରଚୁଛି ଅଲକାଏଦା ଏବଂ ଆଇଏସ୍
ନୌସେନାରେ ସାମିଲ ହୋଇଥିବା ଏହି ଯୁଦ୍ଧ ଜାହାଜର ବିଶେଷତ୍ୱ:
୧. ଶତ୍ରୁ ପକ୍ଷର କୌଣସି ପ୍ରକାର ରାଡ଼ାର ଅଧୀନକୁ ଏହା ଆସିପାରିବ ନାହିଁ ।
୨. ନିଜ ଠାରୁ ୩୦୦ କିଲୋମିଟର ଦୂରରେ ଅବସ୍ଥିତ ଶତ୍ରୁ ପକ୍ଷର ଜାହାଜକୁ ମଧ୍ୟ ଏହା ନଷ୍ଟ କରିଦେଇ ପାରିବ ।
୩.ଏହା ପାଣିରୁ ଜଳ ଓ ଜଳ ରୁ ଅନ୍ୟ କୌଣସି ଅନ୍ୟ କୌଣସି ସ୍ଥାନରେ ଥିବା ଯୁଦ୍ଧ ପୋସ୍ଥକୁ ସହଜରେ ନଷ୍ଟ କରିବାର କ୍ଷମତା ରଖିଛି ।
୪.ଘଣ୍ଟାକ ଭିତରେ ଏହା ୩୫ କିଲୋମିଟର ପର୍ଯ୍ୟନ୍ତ ଦୂରତା ଅତିକ୍ରମ କରିପାରିବ ।
୫. ଏହା ୪୫ ଦିନ ପର୍ଯ୍ୟନ୍ତ ଜଳ ମଧ୍ୟରେ ରହିପାରିବ ।
୬. ଥରେ ପାଣିରେ ଓଲ୍ହାଇଲେ ଆଇଏନଏସ ଖଣ୍ଡେରୀ ୧୨,୦୦୦ କିଲୋମିଟର ପର୍ଯ୍ୟନ୍ତ ଲଗାତାର ଚାଲିପାରିବାର କ୍ଷମତା ରଖିଛି ।
୭.ଏହା ବିଶ୍ବର ସବୁଠାରୁ ଶାନ୍ତ ଜାହାଜ ଭାବେ ଦାବି କରାଯାଉଛି । ଏହା ଚାଲିବା ବେଳେ କୌଣସି ପ୍ରକାରର ଶବ୍ଦ କରିବ ନାହିଁ ।
୮..ଅତ୍ୟାଧୁନିକ ଶୈଳୀରେ ନିର୍ମିତ ଏହି ଯୁଦ୍ଧ ଜାହାଜଟି ଷ୍ଟେଲଥ ଓ ଏୟାର ଇଂଡିପିଏନ୍ସ ଟେକ୍ନୋଲୋଜି ଦ୍ୱାରା ନିର୍ମିତ । ତେଣୁ କରି ଏହା ଟର୍ପଇଡୋ ଓ ଟ୍ୟୁବ ଲଞ୍ଚ ଏନ୍ଟିସିପି ମିସାଇଲ ସହ ମଧ୍ୟ ଲଢ଼ିପାରିବ ।
ମରାଠା ସମୟର ଏକ ଦ୍ବୀପ ନାମରେ ଏହାର ନାମ କରଣ କରାଯାଇଛି । ୨୦୧୮ ମସିହା ସେପ୍ଟେମ୍ବର ମାସରେ ଏହାକୁ ଲଞ୍ଚ କରାଯିବାକୁ ଯୋଜନା କରାଯାଇଥିବା ବେଳେ ଅଧିକ ପରୀକ୍ଷା ନିରୀକ୍ଷା ପାଇଁ ଏହାକୁ ପ୍ରାୟ ଏକ ବର୍ଷ ବିଳମ୍ବରେ ଏହାକୁ ଲଞ୍ଚ କରାଯାଉଛି ।