ଗୋଟେ ପଟେ ୭୦୦୦ କିଲୋମିଟରର ଦୀର୍ଘ ରାସ୍ତା ଅତିକ୍ରମ କରି ୫ଟି ରାଫେଲ ଫାଇଟର ଜେଟ ବୁଧବାର ଅପରାହ୍ନ ସମୟରେ ଭାରତରେ ଅବତରଣ କରିଥିବା ବେଳେ, ଏହାକୁ ନେଇ ଏବେ ଆତଙ୍କିତ ଅବସ୍ଥାରେ ଅଛନ୍ତି ଭାରତର ଚିର ଶତ୍ରୁ ଚୀନ ଓ ପାକିସ୍ତାନ । ଏନେଇ ପାକିସ୍ତାନ ବାୟୁସେନା ଆଖିକୁ ଆଉ ଯେମିତି ନିଦ ନାହିଁ । ଶକ୍ତିଶାଳୀ ରାଫେଲ ଫାଇଟର ଜେଟ ଭାରତୀୟ ବାୟୁସେନାରେ ସାମିଲ ହେବା ପରେ ପାକିସ୍ତାନରେ ଏକ ପ୍ରକାର ଭୟର ବାତାବରଣ ଖେଳି ଯାଇଛି । ଏମିତିକି ସେଠାକାର ବିଦେଶ ମନ୍ତ୍ରୀ ଆରୋପ ଲଗାଇଛନ୍ତିକି, ନିଜ ଆବଶ୍ୟକତା ଠାରୁ ଅଧିକ ପରିମାଣରେ ଅସ୍ତ୍ର ଭାରତ ଜମା କରିବାରେ ଲାଗିଛି । ବିଶ୍ୱ ସମୁଦାୟ ନିକଟରେ ଗୁହାରି କରିଛନ୍ତିକି, ଭାରତର ଏପରି ମାତ୍ରାଧିକ ହତିଆର ଜମା କରିବା ଉପରେ ପ୍ରତିବନ୍ଧକ ଲଗାଯାଉ ।
ନଚେତ ଭାରତର ଏପରି ପଦକ୍ଷେପରେ ଦକ୍ଷିଣ ଏସିଆ ଅଞ୍ଚଳ ପ୍ରଭାବିତ ହେବ । ଅନ୍ୟପକ୍ଷରେ ଆବଶ୍ୟକତା ଠାରୁ ଅଧିକ ସୈନ୍ୟ ଏକାଠି କରୁଛି ଭାରତ ବୋଲି ଅଭିଯୋଗ ଆଣିଛି ପାକିସ୍ତାନ । କହିରଖିବା ଉଚିତ ହେବକି, ଅସ୍ତ୍ରଶସ୍ତ୍ର ଏକାଠି କରିବାରେ ବର୍ତ୍ତମାନ ସମୟରେ ବିଶ୍ୱରେ ଦ୍ଵିତୀୟ ସ୍ଥାନରେ ଅଛି ଭାରତ । ପାକିସ୍ତାନର ଏମିତି ବିଚଳିତ ହେବା ନିରର୍ଥକ ନୁହେଁ । ରାଫେଲ ଆସିବା ପରେ ସୀମା ଅତିକ୍ରମ କରି ବାଲାକୋଟରେ ଏୟାର ଷ୍ଟ୍ରାଇକ କରିଥିବା ଭାରତୀୟ ବାୟୁସେନାର ଶକ୍ତି ଆହୁରି ବଢି ଯାଇଛି । ବିଶେଷଜ୍ଞଙ୍କ ଅନୁଯାୟୀ ରାଫେଲ ଏକ ଗେମ ଚେଞ୍ଜର ଭାବେ ମଧ୍ୟ ଉଭା ହୋଇପାରେ । ଏହା ଦ୍ୱାରା ଶତ୍ରୁପକ୍ଷ ଉପରେ ଅନେକ ଗୁଣା ଚାପ ବଢ଼ିଯିବ ।
ସୂଚନା ଅନୁଯାୟୀ, ଗୋଟିଏ ରାଫେଲକୁ କାବୁ କରିବା ପାଇଁ ପାକିସ୍ତାନକୁ ଦୁଇଟି ଏଫ -16 ବ୍ୟବହାର କରିବାକୁ ପଡିବ । ଯେବେକି ପୂର୍ବରୁ ଗୋଟିଏ ଏଫ -16 ରୋକିବାକୁ ଭାରତକୁ ଦୁଇଟି ଶୁଖୋଇ-30 ଏମ୍କେଆଇ ବିମାନ ବ୍ୟବହାର କରିବାକୁ ପଡୁଥିଲା । ଭାରତୀୟ ବାୟୁସେନାର ଜଣେ ବରିଷ୍ଠ ଅଧିକାରୀଙ୍କ ଅନୁଯାୟୀ, ଯଦି ବାଲକୋଟ ଷ୍ଟ୍ରାଇକ ସମୟରେ ଭାରତ ପାଖରେ ଏହି ରାଫେଲ ମହଜୂତ ଥାନ୍ତା । ତେବେ ସେ ସମୟରେ ଶତ୍ରୁପକ୍ଷର ଅତିକମରେ ୧୨ ଟି ଏଫ-16 ବିମାନ ଧ୍ବଂସ ହୋଇ ଯାଇଥାନ୍ତେ ।