ନୌସେନା ମୁଖ୍ୟଙ୍କ ପରେ ଆଲର୍ଟ କଲା ଗୁଇନ୍ଦା । ଗୁଜରାଟର କଚ୍ଛ ଓ ସାରକ୍ରିକ ଅଞ୍ଚଳ ଦେଇ ପାକିସ୍ତାନ ପଟୁ ଆକ୍ରମଣ ନେଇ ଆଶଙ୍କା ରହିଛି। ଏଥିରେ ପାକିସ୍ତାନର ଏସଏସଜି କମାଣ୍ଡୋ କିମ୍ବା ଆତଙ୍କବାଦୀ ଛୋଟ ବୋଟରେ ଭାରତକୁ ପଶି ଆସି ଆକ୍ରମଣ କରିପାରନ୍ତି ବୋଲି ସୂଚନା ମିଳିଛି । ଗୁଇନ୍ଦା ସୂଚନା ପରେ ଗୁଜରାଟର ସମସ୍ତ ବନ୍ଦର ଓ ସମୁଦ୍ରତଟ ଉପରେ ତୀକ୍ଷ୍ଣ ଦୃଷ୍ଟି ରଖିବା ସହ ସୁରକ୍ଷା କଡ଼ାକଡ଼ି କରାଯାଇଛି। ବିଏସଏଫ, ଭାରତୀୟ ତଟରକ୍ଷୀ ବାହିନୀକୁ ମଧ୍ୟ ଆଲର୍ଟ ରଖାଯାଇଛି। ପାକିସ୍ତାନ କମାଣ୍ଡୋ ପାଣି ଭିତରେ ଆକ୍ରମଣ ସହ ଜାହାଜଗୁଡ଼ିକୁ ଟାର୍ଗେଟ କରିପାରନ୍ତି ବୋଲି ଆଶଙ୍କା ରହିଛି।