ନୂଆଦିଲ୍ଲୀ: ଲୋକସଭାର ଦ୍ୱିତୀୟ ଦିନର ଗୃହକାର୍ଯ୍ୟ ଆରମ୍ଭରୁ ପ୍ରବଳ ହଟ୍ଟଗୋଳ। କଂଗ୍ରେସ ସମେତ ବହୁ ବିରୋଧୀ ଦଳ ନେତା ଜମ୍ମୁ କଶ୍ମୀର ପ୍ରସଙ୍ଗରେ ସରକାରଙ୍କୁ ଆକ୍ରମଣ କରି ହୋହାଲ୍ଲା କରିଥିଲେ । ସରକାର ବିରୋଧୀ ନାରାବାଜି କରିବାରୁ ଏଥିରୁ କ୍ଷାନ୍ତ ରହିବାକୁ ବାଚସ୍ପତି ଓମ୍ ବିର୍ଲା ଅନୁରୋଧ କରିଥିଲେ ମଧ୍ୟ ବିରୋଧୀ ଦଳ ସଦସ୍ୟମାନେ ଶୁଣିନଥିଲେ। ପ୍ରଶ୍ନକାଳରେ କୃଷି ଓ କୃଷକ ପ୍ରସଙ୍ଗରେ ଆଲୋଚନା ହୋଇଥିଲା। ୧୫ଲକ୍ଷ କୃଷକଙ୍କୁ ଜୈବିକ ଚାଷରୁ ଲାଭ ମିଳିଥିବା ଗୃହକୁ ସୂଚନା ଦେଇଛନ୍ତି କୃଷି ରାଷ୍ଟ୍ରମନ୍ତ୍ରୀ କୈଳାସ ଚୌଧୁରୀ। ଆଜି ଗୃହରେ ଦିଲ୍ଲୀ ଓ ଏନସିଆର ଅଞ୍ଚଳରେ ବୃଦ୍ଧି ପାଉଥିବା ପ୍ରଦୂଷଣ ନେଇ ଚର୍ଚ୍ଚା ହେବ। କେନ୍ଦ୍ର ପରିବେଶ ମନ୍ତ୍ରୀ ପ୍ରକାଶ ଜାଭଡେକର ଏନେଇ ପ୍ରଶ୍ନର ଉତ୍ତର ଦେବେ। ସେପଟେ ରାଜ୍ୟସଭାର ଗୃହକାର୍ଯ୍ୟକୁ ଦିନ ୨ଟା ପର୍ଯ୍ୟନ୍ତ ମୁଲତବୀ କରାଯାଇଛି।