ପ୍ରତିରକ୍ଷା ମନ୍ତ୍ରଣାଳୟର ବଡ଼ ନିଷ୍ପତ୍ତି: ବର୍ତ୍ତମାନ ମହିଳା ସୈନିକଙ୍କୁ ମିଳିବ ଅଧିକାରୀଙ୍କ ବରାବର ମାତୃତ୍ୱ ଛୁଟି
ମହିଳା ସୈନିକଙ୍କ ପାଇଁ ଖୁସି ଖବର। ବର୍ତ୍ତମାନ, ସୁରକ୍ଷା ବାହିନୀର ମହିଳା ଅଧିକାରୀଙ୍କ ପରି ମହିଳା ସୈନିକମାନେ ମଧ୍ୟ ମାତୃତ୍ୱ, ଶିଶୁ ଯତ୍ନ ଏବଂ ପିଲାମାନଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବା ପାଇଁ ଛୁଟି ପାଇପାରିବେ। ଏଥିସହିତ ଅନ୍ୟାନ୍ୟ ସୁବିଧା ଭଳି ସମାନ ସୁବିଧା ମଧ୍ୟ ପାଇବେ। କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏହି ପ୍ରସ୍ତାବକୁ ଅନୁମୋଦନ କରିଛନ୍ତି।
ନୂଆଦିଲ୍ଲୀ : ମହିଳା ସୈନିକଙ୍କ ପାଇଁ ଖୁସି ଖବର। ବର୍ତ୍ତମାନ, ସୁରକ୍ଷା ବାହିନୀର ମହିଳା ଅଧିକାରୀଙ୍କ ପରି ମହିଳା ସୈନିକମାନେ ମଧ୍ୟ ମାତୃତ୍ୱ, ଶିଶୁ ଯତ୍ନ ଏବଂ ପିଲାମାନଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବା ପାଇଁ ଛୁଟି ପାଇପାରିବେ। ଏଥିସହିତ ଅନ୍ୟାନ୍ୟ ସୁବିଧା ଭଳି ସମାନ ସୁବିଧା ମଧ୍ୟ ପାଇବେ। କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏହି ପ୍ରସ୍ତାବକୁ ଅନୁମୋଦନ କରିଛନ୍ତି। ପ୍ରସ୍ତାବର ଅନୁମୋଦନ ପରେ ମହିଳା ସୈନିକ, ମହିଳା ନାବିକ ଏବଂ ମହିଳା ବିମାନ କର୍ମଚାରୀମାନେ ମାତୃତ୍ୱ, ଶିଶୁ ଯତ୍ନ ଏବଂ ଶିଶୁ ପୋଷ୍ୟ ସନ୍ତାନ ଗ୍ରହଣ ପାଇଁ ସେମାନଙ୍କ ଅଧିକାରୀମାନଙ୍କ ପରି ଛୁଟି ଏବଂ ଅନ୍ୟାନ୍ୟ ସୁବିଧା ପାଇବେ।
ପ୍ରତିରକ୍ଷା ମନ୍ତ୍ରଣାଳୟ ଏକ ବିବୃତ୍ତିରେ କୁହାଯାଇଛି ଏହି ପଦକ୍ଷେପ ପ୍ରତିରକ୍ଷା ମନ୍ତ୍ରୀଙ୍କ ନିଷ୍ପତ୍ତି ଅନୁଯାୟୀ ହୋଇଛି। ଏହି ନିୟମ ସେନାର ସମସ୍ତ ମହିଳାଙ୍କ ପାଇଁ ସମାନ ରୂପେ କାର୍ଯ୍ୟକରିବ। ଯାହାଦ୍ୱରା ମହିଳାମାନଙ୍କୁ ପରିବାର ଏବଂ ସାମାଜିକ ସମସ୍ୟାର ମୁକାବିଲା କରିବାରେ ବହୁତ ସାହାଯ୍ୟ କରିବ। ଏହା ବ୍ୟତୀତ ମହିଳା ସୈନିକଙ୍କ କାର୍ଯ୍ୟ ସ୍ଥିତିକୁ ମଧ୍ୟ ସୁଦୃଢ କରିବ । ବ୍ୟକ୍ତିଗତ ଏବଂ ବୃତ୍ତିଗତ ଜୀବନକୁ ସନ୍ତୁଳିତ କରିବାରେ ସକ୍ଷମ ହେବେ। ଏହି ସୁବିଧା ସୁରକ୍ଷା ବାହିନୀରେ ଅଧିକାରୀ ହୁଅନ୍ତୁ କିମ୍ବା ଅନ୍ୟ କୌଣସି ପଦବୀର ମହିଳାଙ୍କୁ ଯୋଗାଇ ଦେବାକୁ କୁହାଯାଇଛି। ଏହି ନିଷ୍ପତ୍ତି ସେନାରେ ମହିଳାମାନଙ୍କର କାର୍ଯ୍ୟ ସ୍ଥିତିକୁ ସୁଦୃଢ଼ କରିବ ଏବଂ ସେମାନଙ୍କୁ ସାମାଜିକ ଏବଂ ବୃତ୍ତିଗତ ଜୀବନକୁ ସନ୍ତୁଳିତ କରିବାରେ ସାହାଯ୍ୟ କରିବ । ଏଥିସହିତ ଅଗ୍ନିବୀର ମହିଳାମାନେ ମଧ୍ୟ ସମାନ ସୁବିଧା ପାଇବେ।
Raksha Mantri Shri @rajnathsingh has approved a proposal for extension of the rules for Maternity, Child Care and Child Adoption Leaves for women soldiers, sailors and air warriors in the Armed Forces at par with their officer counterparts. With the issuing of the rules, the…
— रक्षा मंत्री कार्यालय/ RMO India (@DefenceMinIndia) November 5, 2023
ଏହା ମଧ୍ୟ କୁହାଯାଇଛି ଯେ ମହିଳା ଅଧିକାରୀମାନେ ପ୍ରତ୍ୟେକ ପିଲାଙ୍କ ପାଇଁ ସମ୍ପୂର୍ଣ୍ଣ ଦରମା ସହିତ ୧୮୦ ଦିନ ମାତୃତ୍ୱ ଛୁଟି ନେଉଛନ୍ତି। ଏହି ସୁବିଧା ସର୍ବାଧିକ ଦୁଇ ପିଲାଙ୍କ ପାଇଁ ପ୍ରଯୁଜ୍ୟ ରହିଛି। ଅଧିକାରୀଙ୍କ କହିବାନୁସାରେ, ମହିଳା ସୈନିକଙ୍କ ସମୁଦାୟ ସେବା କ୍ୟାରିୟରରେ ୩୬୦ ଦିନର ମାତୃତ୍ୱ ଛୁଟି ଦିଆଯାଏ। ଦେଶର ୩ବାହିନୀରେ ମହିଳାମାନଙ୍କୁ ଅନ୍ତର୍ଭୁକ୍ତ କରି ଭାରତୀୟ ସେନା ଏକ ବ୍ୟାପକ ପରିବର୍ତ୍ତନ ଆଣିପାରିଛି । ୨୦୧୯ ମସିହାଠାରୁ ଭାରତୀୟ ସେନାରେ ମହିଳା ସୈନିକ, ନାବିକ ଏବଂ ସଶସ୍ତ୍ରବାହିନୀରେ ମହିଳାଙ୍କ ସଂଖ୍ୟା ବୃଦ୍ଧି ପାଉଛି ବୋଲି ପ୍ରତିରକ୍ଷା ମନ୍ତ୍ରୀ ଶ୍ରୀ ସିଂହ କହିଛନ୍ତି ।